Eksodus 5:2 - Die Bybel 2020-vertaling

² Maar die farao het gesê: “Wie is die Here, dat ek na sy stem moet luister om Israel te laat gaan? Ek ken nie die Here nie, en Israel sal ek ook nie laat gaan nie. ”

Bybel vir almal

² Maar die farao het gesê: “Wie is die Here en hoekom moet ek na Hom luister? Hoekom moet ek die Israeliete laat gaan? Ek ken nie die Here nie en ek sal ook nie die Israeliete laat gaan nie.”

Afrikaans 1933-1953

² Maar Farao antwoord: Wie is die Here na wie se stem ek moet luister om Israel te laat trek? Ek ken die Here nie, en ek sal Israel ook nie laat trek nie.

Afrikaans 1983

² Maar die farao het geantwoord: “En wie is die Here nogal dat ek na Hom sal luister om Israel te laat gaan? Ek ken die Here nie, en ek sal Israel nie laat gaan nie!”

Contemporary Afrikaans Bible 2023

² Toe sê Farao: Wie is die HERE, dat ek na sy stem sou luister om Israel te laat trek? Ek ken die HERE nie, en ek sal Israel nie laat trek nie.

Die Boodskap

² Die farao antwoord toe: “En wie is hierdie ‘Here’ altemit dat ek na Hom moet luister om Israel te laat gaan? Ek ken Hom van geen kant nie. Ek gaan Israel nie toelaat om weg te gaan nie.”

Eksodus 5:2 Kruisverwysings

2 Konings 18:35

Wie was daar onder al die gode van hierdie lande wat hulle land uit my hand gered het, dat die Here dan Jerusalem uit my hand sal red?’ ”

2 Kronieke 32:14

Wie onder al die gode van daardie nasies, wat my voorvaders aan volledige vernietiging oorgegee het, was in staat om sy volk uit my hand te red? Ja, sou julle God dan in staat wees om julle uit my hand te red?

2 Kronieke 32:15

Moet dan nou nie dat Hiskia julle bedrieg en julle op hierdie manier mislei nie. Moet hom nie glo nie, want geen god van enige nasie of koninkryk kon sy volk red uit my hand, of uit die hand van my voorvaders nie. Hoeveel minder sal julle God julle uit my hand kan red?’ ”

2 Kronieke 32:19

Hulle het gepraat oor die God van Jerusalem soos oor die gode van die volke van die aarde, wat maar net 'n maaksel van mensehande is.

Nehemia 9:10

U het tekens en wonders gedoen by die farao, by al sy dienaars en die hele volk van sy land, want U het geweet dat hulle vermetel optree teen u volk; U het vir U 'n naam gemaak, soos dit vandag nog is.

Job 15:25

omdat hy sy hand teen God uitgesteek het, hom teenoor die Almagtige magtig gehou het,

Job 15:26

hardnekkig op Hom afgestorm het met sy dik, knobbelrige skild.

Job 21:15

Wie is die Almagtige nou eintlik dat ons Hom moet dien? En wat baat dit ons as ons biddend by Hom pleit?’

Psalms 10:4

Die goddelose sê met sy neus in die lug: “God vra nie rekenskap nie; daar is geen God nie” – dit is al sy gedagtes.

Psalms 12:4

Mag die Here al die vleiende lippe uitroei, die tonge wat grootpraat,

Psalms 12:5

hulle wat sê: “Danksy ons tonge is ons sterk; ons lippe is onder ons beheer. Wie is heer oor ons?”

Psalms 14:1

Vir die •musiekleier. Van Dawid. Dwase sê in hulle harte: Daar is geen God nie. Hulle tree gruwelik en afstootlik op. Daar is nie een wat goed doen nie.

Eksodus 3:19

Ek weet egter dat hy, die koning van Egipte, julle nie sal toelaat om te gaan nie, tensy hy gedwing word deur 'n kragtige hand.

Eksodus 7:17

So sê die Here: “Hieraan sal jy weet dat Ek die Here is.” Kyk, ek gaan met die staf wat in my hand is op die water in die Nyl slaan, en dit sal in bloed verander;

Spreuke 30:9

sodat ek nie oorversadig raak en U misken en sê, “Wie is die Here?” nie, of verarm en steel, en die naam van my God geweld aandoen nie.

Jeremia 42:13

Maar as julle sê, “Ons wil nie in hierdie land bly nie,” en, sonder om na die stem van die Here julle God te luister,

Jeremia 48:26

“ Maak hom dronk, want teenoor die Here het hy hom groot gehou. Laat Moab rol in sy braaksel, sodat ook hy uitgelag word.

Daniël 3:15

Nou, as julle bereid is om, sodra julle die geluid hoor van die horing, rietfluit, siter, lier en harp, in harmonie, ja, al die musiekinstrumente, neer te val en aan die beeld wat ek gemaak het, eer te betoon, goed en wel. Maar as julle nie eer betoon nie, sal julle dadelik binne-in die vlammende vuuroond gegooi word. Wie is die god wat julle dan uit my hand sal red?”

Johannes 16:3

En hulle sal dit doen, omdat hulle die Vader nie ken nie, en My ook nie.

Romeine 1:28

En omdat hulle dit as verwerplik beskou het om aan God erkenning te gee, het God hulle oorgegee aan 'n verwerplike denkwyse, sodat hulle onbetaamlik optree.

2 Thessalonisense 1:8

in 'n vuurvlam, terwyl Hy wraak uitoefen op hulle wat God nie erken, en die evangelie van ons Here Jesus nie gehoorsaam nie.

Rigters 2:10

Nadat ook daardie hele geslag met hulle voorouers verenig is, het daar 'n ander geslag ná hulle opgestaan wat nie die Here geken het, en ook nie die dade wat Hy vir Israel gedoen het nie.

1 Samuel 2:12

Eli se seuns was deugniete. Hulle het die Here nie geken nie.

1 Samuel 25:10

Maar Nabal het die dienaars van Dawid geantwoord en gesê: “Wie is Dawid? Wie is die seun van Isai? Daar is deesdae baie slawe wat dros; amper elkeen loop weg van sy baas af.