Daniël 8:4 - Die Bybel 2020-vertaling

⁴ Ek het gesien die ram stoot na die weste, die noorde en die suide, en geen dier kon voor hom standhou nie. Niemand kon iets uit sy mag red nie. Hy het gedoen wat hy wou en hom groot voorgedoen.

Bybel vir almal

⁴ Ek het gesien die skaap-ram stamp met sy horings na die weste en na die noorde en na die suide. Die diere kon nie voor hom bly staan nie en niemand kon hom keer nie. Die skaap-ram het gedoen wat hy wil, en hy het groot en sterk geword.

Afrikaans 1933-1953

⁴ Ek het die ram sien stoot na die weste en na die noorde en na die suide, en al die diere kon voor hom nie standhou nie, en daar was niemand wat uit sy mag gered het nie; maar hy het gedoen net wat hy wou, en het magtig geword.

Afrikaans 1983

⁴ Ek het die ram na die westekant, die noordekant en die suidekant sien stoot, en geen dier was teen hom opgewasse nie. Niemand was in staat om iemand uit sy mag te red nie. Hy het gemaak wat hy wil en het baie magtig geword.

Contemporary Afrikaans Bible 2023

⁴ Ek het die ram sien stoot na die weste, en noord en suid; sodat geen diere voor hom sou staan nie, en daar was niemand wat uit sy hand kon red nie; maar hy het gedoen volgens sy wil en groot geword.

Die Boodskap

⁴ Ek het gesien hoe die ram na die weste en die noorde en die suidekant toe alles wat voorkom uit die pad stamp met sy horings. Daar was nie ’n dier wat sterk genoeg was om teen hom te veg of vir hom kon wegvlug nie. Hy het gedoen net wat hy wil en het al hoe sterker geword.

Nuwe Lewende Vertaling

⁴ Hy het met sy horings gestoot na die weste, die noorde en die suide toe. Niemand kon teenstand teen hom bied nie. Niks kon van hom ontsnap nie. Hy het gedoen net wat hy wou en het al sterker geword.

Daniël 8:4 Kruisverwysings

1 Konings 22:11

Sedekia, seun van Kenaäna, het vir hom ysterhorings gemaak en gesê: “So sê die Here, ‘Hiermee gaan u die Arameërs gaffel totdat hulle vernietig is.’ ”

Job 10:7

alhoewel U weet dat ek nie skuldig is nie, en dat daar niemand is wat uit u hand kan red nie?

Psalms 44:5

Ú is my koning, my God. Gebied dan die verlossing van Jakob!

Psalms 50:22

Verstaan dit tog, julle wat God vergeet, anders verskeur Ek, en daar is niemand wat kan red nie.

Psalms 7:2

Here, my God, by U skuil ek; verlos my van almal wat my agtervolg, en red my,

Esegiël 34:21

Omdat julle al die swakkes met boud en blad wegstoot en met julle horings gaffel totdat julle hulle na buite verdryf het,

Daniël 11:16

Hy wat teen die Suide optrek, sal doen net wat hy wil, en niemand sal voor hom standhou nie. Hy sal hom vestig in die land van die Sieraad en volslae vernietiging sal in sy hand wees.

Daniël 11:36

“ ‘ Die koning sal doen wat hy wil. Hy sal homself verhef en hom groot waan teen elke god; en teen die God van die gode sal hy verstommende dinge kwytraak. Hy sal voorspoedig wees totdat die vervloeking tot 'n einde kom, want dit is vooruitbepaal; dit sal uitgevoer word.

Daniël 5:19

Vanweë die grootheid wat God aan hom gegee het, was al die volke, nasies en taalgroepe in vrees en bewing voor hom: Hy het doodgemaak wie hy wou, en laat leef wie hy wou. Hy het verhef wie hy wou, en verneder wie hy wou.

Daniël 5:30

Daardie selfde nag is Belsasar, die koning van die Galdeërs, gedood.

Daniël 7:5

“ En kyk, 'n ander, 'n tweede dier, het soos 'n beer gelyk, en is langs die eerste dier opgerig. Daar was drie ribbes in sy bek tussen sy tande, en daar is vir hom gesê, ‘Staan op, eet baie vleis!’

Daniël 8:7

Ek het gesien hoe hy tot by die ram kom. Hy was briesend kwaad vir hom, en het die ram getref. Hy het sy twee horings afgebreek, en daar was geen krag in die ram om voor hom staande te bly nie. Hy het hom teen die grond gegooi en hom vertrap. Daar was niemand wat die ram uit sy mag kon red nie.

Miga 5:8

Mag jy die oorhand hê oor jou teenstanders; ja, al jou vyande – laat hulle uitgeroei word!”

Deuteronomium 33:17

Sy eersgebore bul is statig; en sy horings is buffelhorings; daarmee sal hy volke saam wegstoot tot by die uithoeke van die aarde. Hulle is die tienduisende van Efraim, hulle is die duisende van Manasse.”