Daniël 4:3 - Die Bybel 2020-vertaling

³ “Sy tekens – hoe groot is hulle nie, en sy wonders – hoe magtig is hulle nie! Sy koninkryk is 'n ewige koninkryk, en sy heerskappy is van geslag tot geslag.

Bybel vir almal

³ Sy tekens en wonderwerke is groot en wonderlik. Hy sal altyd Koning wees, Hy sal altyd regeer.

Afrikaans 1933-1953

³ Hoe groot is sy tekens, en hoe magtig sy wonders! Sy koninkryk is 'n ewige koninkryk, en sy heerskappy is van geslag tot geslag!

Afrikaans 1983

³ “Hoe groot is sy tekens, hoe magtig sy wonders! Sy koninkryk is 'n ewige koninkryk, sy heerskappy duur van geslag tot geslag.

Contemporary Afrikaans Bible 2023

³ Hoe groot is sy tekens! en hoe magtig is sy wonders! sy koninkryk is 'n ewige koninkryk, en sy heerskappy is van geslag tot geslag.

Die Boodskap

³ “Hoe asemrowend is sy tekens! Hoe ongelooflik is sy wonders! God is vir ewig koning en Hy heers vir ewig!

Nuwe Lewende Vertaling

³ “Hoe groot is sy tekens en hoe magtig sy wonders! Sy koninkryk hou nooit op nie. Hy heers oor geslag na geslag.

Daniël 4:3 Kruisverwysings

Job 25:2

“ Om te heers en vrees in te boesem, is eie aan God, Hy wat vrede handhaaf in sy hoë hemele.

Psalms 104:24

Hoe talryk is u werke, Here! Alles is met wysheid deur U gemaak; die aarde is vol van wat aan U behoort.

Psalms 105:27

Hulle het onder hulle sy aangekondigde tekens uitgevoer, en wonders in die land van Gam.

Psalms 145:13

U koningskap is 'n koningskap vir alle ewighede, u heerskappy duur deur al die komende geslagte.

Psalms 66:7

Hy wat ewig heers deur sy mag, wie se oë die nasies deurkyk. Hardkoppiges moet hulleself nie verhef nie. Sela

Psalms 72:18

Die Here God, die God van Israel, moet geprys word, Hy wat wonders doen, net Hy alleen.

Psalms 77:19

Die geluid van u donderweer was in die stormwind, weerligstrale het die wêreld verlig, die aarde het gesidder en gebeef.

Psalms 86:10

Want groot is U en U doen wonders; U alleen is God.

Psalms 92:5

Want U maak my bly met u werk, Here, oor u handewerk jubel ek.

Jesaja 25:1

Here, U is my God. Ek verheerlik U, ek prys u Naam; want U het wonders gedoen – planne uit die verre verlede bestendig en betroubaar uitgevoer.

Jesaja 28:29

Ook dit het sy oorsprong by die Here, Heerser oor alle magte. Hy voer 'n plan wonderbaarlik uit, Hy doen dit met groot vindingrykheid.

Jesaja 9:7

My Heer het 'n woord gestuur teen Jakob, en dit het in Israel geval.

Jeremia 10:10

Maar die Here is waarlik God, Hy is die lewende God en ewige Koning. Vir sy grimmigheid bewe die aarde, en nasies kan sy verontwaardiging nie deurstaan nie.

Daniël 2:2

Die koning gee toe opdrag dat die waarsêerpriesters, goëlaars, towenaars en Galdeërs ontbied word om vir die koning sy drome uit te lê. Hulle het gekom en voor die koning gaan staan.

Daniël 2:44

In die tyd van daardie konings sal die God van die hemel 'n koninkryk vestig wat vir ewig nie vernietig sal word of aan 'n ander volk oorgelaat sal word nie. Hierdie koninkryk sal al daardie ander verpletter en tot 'n einde bring, en dit sal standhou vir ewig.

Daniël 4:17

Die bevel berus op die beslissing van boodskappers, en die saak is in opdrag van heiliges, met die doel dat lewendes sal erken dat die Allerhoogste mag het oor 'n menslike koninkryk, en dat Hy dit gee aan wie Hy wil. 'n Nederige onder die mense sal Hy daaroor aanstel.”

Daniël 7:14

Aan hom is heerskappy, eer en koningskap gegee – alle volke, nasies en taalgroepe dien hom. Sy heerskappy is 'n ewige heerskappy wat nie verby sal gaan nie, en sy koningskap is so dat dit nie vernietig sal word nie.

Daniël 7:27

Die koningskap, die heerskappy en die grootsheid van die koninkryke onder die ganse hemel word dan gegee aan die volk van die heiliges van die Allerhoogste. Sy koninkryk is 'n ewige koninkryk, en alle magte sal Hom dien en aan Hom gehoorsaam wees.’

Romeine 11:33

O, diepte van die rykdom en wysheid en kennis van God! Hoe ondeurgrondelik is sy oordele, en hoe onnaspeurbaar sy weë!

Deuteronomium 4:34

Of het enige god dit al gewaag om vir homself 'n nasie te gaan neem uit die midde van 'n ander nasie, met teistering, met tekens en met wondertekens, met stryd, met 'n sterk hand en uitgestrekte arm, en met vreesaanjaende magsvertoon, soos alles wat die Here julle God voor julle oë in Egipte vir julle gedoen het?

1 Timoteus 1:17

Aan die Koning van die eeue, die onsterflike, onsienlike, enigste God kom toe eer en heerlikheid vir ewig en ewig. •Amen.

Hebreërs 1:8

Maar vir die Seun sê Hy: “U troon, o God, is vir ewig en ewig, en die septer van geregtigheid is die septer van u koninkryk!

Hebreërs 2:4

terwyl God dit verder bevestig het deur tekens en wonders en allerhande kragtige dade, en deur gawes van die Heilige Gees, wat uitgedeel is soos Hy dit goedgevind het.

1 Petrus 4:11

As iemand aan die woord is, laat dit soos woorde van God wees; as iemand dien, laat dit wees vanuit die krag wat God voorsien, sodat God in alles verheerlik kan word deur Jesus •Christus, aan wie die heerlikheid en die krag behoort, vir ewig en ewig. •Amen.

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”