Daniël 3:3 - Die Bybel 2020-vertaling

³ Die satrape, landvoogde, streekgoewerneurs, raadsmanne, skatmeesters, regters en amptenare, ja, al die hoë amptenare van die provinsies het toe byeengekom vir die wydingsgeleentheid van die beeld wat koning Nebukadnesar opgerig het. Hulle het voor die beeld wat Nebukadnesar opgerig het, gaan staan.

Bybel vir almal

³ Al die belangrike amptenare in die land het toe gekom om daar te wees wanneer hulle die beeld wy. Hulle het kom staan voor die beeld wat die koning gemaak het.

Afrikaans 1933-1953

³ Toe het die landvoogde, die bevelhebbers en die goewerneurs, die raadsmanne, die skatmeesters, die regters, die hoofamptenare en al die bestuurders van die provinsies bymekaargekom by die inwyding van die beeld wat koning Nebukadnésar opgerig het, en hulle het voor die beeld gaan staan wat Nebukadnésar opgerig het.

Afrikaans 1983

³ So het al die hoë amptenare, die goewerneurs-generaal, die goewerneurs, die administrateurs, die raadgewers, die tesourieamptenare, die regters, die landdroste, al die hoofamptenare van die provinsie, bymekaargekom vir die wyding van die beeld wat koning Nebukadnesar laat oprig het en hulle het voor die beeld gaan staan.

Contemporary Afrikaans Bible 2023

³ Toe het die vorste, die goewerneurs en owerstes, die regters, die skatmeesters, die raadgewers, die balju's en al die owerstes van die provinsies bymekaargekom vir die inwyding van die beeld wat koning Nebukadnésar opgerig het; en hulle het gaan staan voor die beeld wat Nebukadnésar opgerig het.

Die Boodskap

³ Toe al hierdie belangrike amptenare aangekom het, het hulle voor die beeld gaan staan wat koning Nebukadnesar laat maak het.

Nuwe Lewende Vertaling

³ Al die amptenare, hoofgoewerneurs, goewerneurs, raadgewers, skatmeesters, regters, magistrate en die amptenare van die provinsies het toe bymekaargekom vir die inwyding van die beeld wat koning Nebukadnesar laat oprig het. Hulle het voor die beeld gaan staan.

Daniël 3:3 Kruisverwysings

Daniël 3:2

Koning Nebukadnesar ontbied toe die satrape, landvoogde, •streekgoewerneurs, raadgewers, skatmeesters, regters en amptenare, ja, al die •hoë amptenare van die provinsies, om na die wydingsgeleentheid van die beeld wat koning Nebukadnesar opgerig het, te kom.

Daniël 3:27

Die satrape, landvoogde, streekgoewerneurs en raadsmanne van die koning het byeengekom en merk toe aan hierdie manne dat die vuur nie mag gehad het oor hulle liggame nie, dat die hare op hulle koppe nie geskroei was nie, dat hulle mantels nie verander het nie, en dat daar geen brandreuk aan hulle was nie.

Daniël 3:4

Daarna het 'n herout hardop uitgeroep: “Julle word beveel, volke, nasies en taalgroepe:

Romeine 3:11

daar is niemand verstandig nie, daar is niemand wat God soek nie.

Openbaring 17:13

Hulle het net een doel voor oë, en dit is om hulle krag en volmag aan die dier beskikbaar te stel.

Openbaring 17:17

Want God het dit op hulle harte gelê om sy bedoeling uit te voer, en om een doelwit voor oë te hê: om hulle koningskap aan die dier beskikbaar te stel, totdat God se woorde hulle volledige doel bereik het.