Daniël 3:3 - Die Boodskap

³ Toe al hierdie belangrike amptenare aangekom het, het hulle voor die beeld gaan staan wat koning Nebukadnesar laat maak het.

Bybel vir almal

³ Al die belangrike amptenare in die land het toe gekom om daar te wees wanneer hulle die beeld wy. Hulle het kom staan voor die beeld wat die koning gemaak het.

Die Bybel 2020-vertaling

³ Die satrape, landvoogde, streekgoewerneurs, raadsmanne, skatmeesters, regters en amptenare, ja, al die hoë amptenare van die provinsies het toe byeengekom vir die wydingsgeleentheid van die beeld wat koning Nebukadnesar opgerig het. Hulle het voor die beeld wat Nebukadnesar opgerig het, gaan staan.

Afrikaans 1933-1953

³ Toe het die landvoogde, die bevelhebbers en die goewerneurs, die raadsmanne, die skatmeesters, die regters, die hoofamptenare en al die bestuurders van die provinsies bymekaargekom by die inwyding van die beeld wat koning Nebukadnésar opgerig het, en hulle het voor die beeld gaan staan wat Nebukadnésar opgerig het.

Afrikaans 1983

³ So het al die hoë amptenare, die goewerneurs-generaal, die goewerneurs, die administrateurs, die raadgewers, die tesourieamptenare, die regters, die landdroste, al die hoofamptenare van die provinsie, bymekaargekom vir die wyding van die beeld wat koning Nebukadnesar laat oprig het en hulle het voor die beeld gaan staan.

Contemporary Afrikaans Bible 2023

³ Toe het die vorste, die goewerneurs en owerstes, die regters, die skatmeesters, die raadgewers, die balju's en al die owerstes van die provinsies bymekaargekom vir die inwyding van die beeld wat koning Nebukadnésar opgerig het; en hulle het gaan staan voor die beeld wat Nebukadnésar opgerig het.

Daniël 3:3 Kruisverwysings