2 Samuel 8:14 - Die Bybel 2020-vertaling

¹⁴ het hy in Edom wagposte geplaas. In die hele gebied van die Edomiete het hy wagposte geplaas, en al die Edomiete het Dawid se onderdane geword. Die Here het Dawid te hulp gekom oral waar hy gegaan het.

Bybel vir almal

¹⁴ Hy het manne by die Edomiete laat bly om wag te staan, oral in die land Edom, en al die Edomiete moes werk vir Dawid. Die Here het vir Dawid gehelp oral waar hy gegaan het.

Afrikaans 1933-1953

¹⁴ En Dawid het wagposte in Edom uitgesit, in die hele Edom het hy wagposte uitgesit, en al die Edomiete het Dawid se knegte geword; en die Here het Dawid die oorwinning gegee oral waar hy getrek het.

Afrikaans 1983

¹⁴ Hy het oral in Edom militêre poste ingerig, en die hele Edom het aan hom onderhorig geword. Die Here het Dawid die oorwinning laat behaal net waar hy gegaan het.

Contemporary Afrikaans Bible 2023

¹⁴ En hy het wagposte in Edom aangestel; deur die hele Edom het hy garnisoene aangestel, en almal van Edom het Dawid se dienaars geword. En die HERE het Dawid bewaar oral waar hy gegaan het.

Die Boodskap

¹⁴ Hy het ook van sy soldate in Edom laat bly. Al die Edomiete moes vir hom werk. Dit was die Here wat Dawid al sy oorloë laat wen het.

Nuwe Lewende Vertaling

¹⁴ Hy het oral in Edom garnisoene geplaas sodat die hele Edom Dawid se onderdane geword het. Oral waar Dawid gegaan het, het die Here hom die oorwinning gegee.

2 Samuel 8:14 Kruisverwysings

Genesis 25:23

Die Here het vir haar gesê: “Twee nasies is in jou moederskoot, en twee volke – uit jou liggaam sal hulle uitmekaar gaan. Die een volk sal sterker wees as die ander volk, en die oudste sal die jongste dien.”

Genesis 27:29

Volke sal jou dien en nasies sal diep voor jou buig. Wees 'n heerser oor jou broers, sodat die seuns van jou moeder diep voor jou sal buig. Hulle wat jou vervloek, is vervloek, en hulle wat jou seën, is geseënd.”

2 Samuel 5:10

Dawid het al hoe sterker geword. Die Here, die God van alle magte, was met hom.

2 Samuel 7:9

Ek was met jou oral waar jy gegaan het, en Ek het al jou vyande voor jou uitgeroei. Ek sal vir jou 'n groot naam maak soos die naam van die grotes wat op aarde is.

2 Samuel 8:15

Dawid het oor die hele Israel regeer, en hy het vir sy hele volk gedoen wat reg en billik is.

2 Samuel 8:6

Dawid het by die Arameërs van Damaskus wagposte geplaas. Die Arameërs het Dawid se onderdane geword en moes belasting betaal. Die Here het Dawid te hulp gekom oral waar hy gegaan het.

1 Konings 11:15

Toe Dawid Edom verslaan het, het Joab, die bevelvoerder van die leër, terwyl hy opgetrek het om die gesneuweldes te begrawe, elke manlike persoon in Edom neergevel.

1 Konings 22:47

Die res van die manlike tempelprostitute, dié wat oorgebly het uit die tyd van sy vader Asa, het hy van die aarde af verdelg.

1 Konings 22:48

Daar was nie 'n koning in Edom nie; 'n landvoog het as koning opgetree.

2 Konings 14:7

Hy is die een wat tienduisend Edomiete in die Soutvallei verslaan het. Hy het Sela in die geveg verower, en dit die naam Jokteël gegee, soos dit vandag nog is.

2 Konings 18:7

Die Here was met hom. In al die veldtogte wat hy onderneem het, het hy sukses behaal. Hy het teen die koning van Assirië in opstand gekom en was nie meer aan hom onderdanig nie.

1 Kronieke 18:13

Hy het in Edom wagposte geplaas en al die Edomiete het onderdane van Dawid geword. Die Here het Dawid die oorwinning gegee oral waar hy gegaan het.

Psalms 60:1

Vir die •musiekleier. Op “Narsing van getuienis”. 'n Miktaam. Van Dawid. Om te onderrig.