2 Samuel 7:23 - Die Bybel 2020-vertaling

²³ En wie is soos u volk, soos Israel, die enigste nasie op aarde van wie dit geld dat God gegaan het om hulle vir Homself vry te koop as 'n volk, en om vir Homself naam te maak deur aan hulle grootse en wonderlike dade te doen, en aan u land, ter wille van u volk wat U vir U vrygekoop het van Egipte, van die nasies en die gode van Egipte?

Bybel vir almal

²³ En wie is soos u volk, soos Israel? U het net vir húlle gekies uit al die volke op die aarde en U het hulle vrygemaak om u volk te wees. U het vir Uself 'n groot Naam gemaak, want U het groot en wonderlike dinge gedoen vir u land toe U vir Uself hierdie volk uit Egipte vrygemaak het van ander volke en gode.

Afrikaans 1933-1953

²³ En wie is soos u volk, soos Israel, 'n enige nasie op die aarde, wat God vir Hom as 'n volk gaan verlos het, en om vir Hom 'n naam te maak; en om groot dinge te doen vir hulle en vreeslike dinge aan u land voor u volk uit wat U verlos het vir U van Egipte, van die heidene en hulle gode?

Afrikaans 1983

²³ Watter volk is soos u volk Israel? Hulle is die een nasie op die aarde wat U vir U as volk vrygemaak het. U het u Naam bekend gemaak en in hierdie land aan nasies en hulle gode groot en vreeslike dinge gedoen ter wille van u volk wat U vir U uit Egipte vrygemaak het.

Contemporary Afrikaans Bible 2023

²³ En watter een nasie op die aarde is soos u volk, soos Israel, wat God gegaan het om vir Hom as 'n volk te verlos en vir hom 'n naam te maak en om vir jou groot en verskriklike dinge te doen vir jou land, voor jou volk wat jy vir jou losgekoop het uit Egipte, van die nasies en hulle gode?

Die Boodskap

²³ “En watter ander mense is so gelukkig soos die Israeliete, u volk? Hulle is die enigste mense op aarde wat ’n God het wat hulle uit die moeilikheid gehelp het en hulle sy eie volk gemaak het. U het vir Uself naam gemaak toe U groot wonderwerke gedoen het en ander nasies en hulle gode uit hierdie land uitgejaag het om plek te maak vir u mense wat U uit Egipte vrygemaak het.

Nuwe Lewende Vertaling

²³ En watter ander volk is soos Israel? Dis die een nasie op aarde wat U, God, uit slawerny verlos het en U eie volk gemaak het. U het ’n groot naam vir Uself gemaak toe U u volk uit Egipte gered het en met groot ontsagwekkende dade die nasies en gode wat in hulle pad gestaan het, uitgedryf het.

2 Samuel 7:23 Kruisverwysings

2 Samuel 7:24

U het u volk Israel vir U as volk gevestig vir altyd. U, Here, U het hulle God geword.

1 Kronieke 17:21

En wie is soos u volk Israel – die enigste nasie op aarde van wie dit geld dat God gegaan het om hulle vir Homself vry te koop as 'n volk, en om vir U naam te maak deur grootse en wonderlike dade, om nasies te verdryf voor u volk wat U uit Egipte vrygekoop het?

Nehemia 1:10

Hulle is tog u dienaars en u volk wat U deur u groot mag en met u sterk hand bevry het.

Psalms 106:22

wonders in die land van Gam, ontsagwekkende dade by die Rietsee.

Psalms 111:9

Verlossing het Hy vir sy volk gestuur. Hy het sy verbond vir ewig voorgeskryf. Heilig en ontsagwekkend is sy Naam.

Psalms 145:6

Oor die krag van u ontsagwekkende dade praat mense; van u grootheid wil ek vertel.

Psalms 147:20

Hy het nie so opgetree teenoor enige ander nasie nie; sy wette ken hulle nie. Halleluja!

Psalms 40:5

Gelukkig is die mens wat sy vertroue in die Here stel, en hom nie wend tot hoogmoediges en dié wat hulle toevlug neem tot leuens nie.

Psalms 44:3

U, U het met u eie hand nasies verdryf, maar húlle het U geplant, U het volke geteister, maar húlle het U laat uitbrei.

Psalms 65:5

Gelukkig is die mens vir wie U uitkies en laat nader kom – hy mag woon in u voorhowe. Ons wil graag versadig word met die goeie van u huis, die heiligheid van u •tempel.

Psalms 66:3

Sê vir God: “Hoe ontsagwekkend is u dade! Vanweë die grootheid van u krag, veins u vyande onderdanigheid aan U.

Eksodus 12:12

“Ek sal daardie nag deur Egipteland gaan en alle eersgeborenes in Egipteland tref, mens en dier. Oor al die gode van Egipte sal Ek oordele voltrek. Ek is die Here.

Eksodus 33:16

Waaraan sou mense dan weet dat ek guns gevind het in u oë, ek en u volk? Is dit nie wanneer U met ons saamgaan, dat ons onderskei sal word, ek en u volk, van elke ander volk op die aardbodem nie? ”

Eksodus 6:7

Ek sal julle bring na die land, waaroor Ek my hand opgehef het om dit aan Abraham, aan Isak, en aan Jakob te gee, en Ek sal dit aan julle as eiendom gee. Ek is die Here.’ ”

Eksodus 9:15

Want Ek kon nou al my hand uitgesteek en jou en jou volk met pessiekte getref het. Jy sou van die aarde af verdwyn het.

Eksodus 9:16

Maar aan die ander kant, om hierdie rede het Ek jou staande gehou, om jou my krag te toon, sodat my Naam oor die hele aarde verkondig kan word.

Jeremia 32:20

U wat tekens en wonders verrig het in Egipteland, tot vandag toe nog, in sowel Israel as onder die mensdom, en vir U 'n naam gemaak het soos dit vandag is –

Jeremia 32:21

U het u volk Israel uit Egipteland gelei deur tekens en wonders, deur 'n sterk hand en 'n uitgestrekte arm en te midde van groot verskrikkings.

Esegiël 20:9

Maar Ek het toe ter wille van my Naam opgetree, sodat dit nie ontheilig sou word in die oë van die nasies tussen wie hulle was nie – die nasies voor wie se oë Ek My aan Israel bekend gemaak het met die belofte om hulle uit Egipteland uit te lei.

Numeri 6:27

“So moet hulle my Naam op die Israeliete lê, dan sal Ek self hulle seën.”

Efesiërs 1:6

tot lof van die heerlikheid van sy genade, waarmee Hy ons in die Geliefde begenadig het.

Deuteronomium 10:21

Hy is die Een wat jy moet loof en Hy is jou God wat aan jou hierdie groot en ontsagwekkende dade gedoen het wat jy met jou eie oë gesien het.

Deuteronomium 15:15

Onthou dat jy 'n slaaf was in Egipteland en dat die Here jou God jou vrygekoop het; daarom gee ek jou vandag hierdie opdrag.

Deuteronomium 33:29

Gelukkig is jy, Israel! Wie is soos jy, 'n volk wat verlos is deur die Here, die skild wat jou help, en wat jou verhewe swaard is? Jou vyande kom kruipend na jou, en jy trap op hulle rûe. ”

Deuteronomium 9:26

het ek tot die Here gebid en gesê, ‘Here my Heer, moet tog nie u volk, u eiendom wat U in u grootheid vrygekoop het en wat U uit Egipte uitgelei het met 'n sterk hand, uitroei nie.

Titus 2:14

Hy wat Homself ter wille van ons gegee het, om ons los te koop van alle wetteloosheid, en vir Hom 'n eie volk as eiendom te reinig, wat ywerig is om goed te doen.

Josua 7:9

Die Kanaäniete en al die inwoners van die land sal dit hoor, ons omsingel en ons naam van die aarde af uitroei . Wat sal U dan doen vir u groot Naam? ”

1 Petrus 2:9

Julle, egter, is “'n uitverkore geslag”, “'n koninklike priesterdom”, “'n heilige nasie”, “'n volk wat aan God behoort”, “sodat julle die deugde kan verkondig” van Hom wat julle uit die duisternis geroep het na sy wonderlike lig –

Openbaring 5:9

Toe sing hulle 'n nuwe lied: “U is waardig om die boekrol te neem, en die seëls daarvan oop te breek, omdat U geslag is, en met u bloed mense vir God gekoop het, uit elke geslag en taal en volk en nasie.