2 Samuel 7:22 - Die Bybel 2020-vertaling

²² Daarom, U is groot, Here, my Heer; ja, daar is niemand soos U nie. Daar is geen God behalwe U nie, volgens alles wat ons met ons eie ore gehoor het.

Bybel vir almal

²² Daarom, Here, my Here, U is groot, niemand is soos U nie. U alleen is God, ons weet nie van 'n ander God nie.

Afrikaans 1933-1953

²² Daarom is U groot, Here God! Want daar is niemand soos U, en daar is geen God behalwe U nie, volgens alles wat ons met ons ore gehoor het.

Afrikaans 1983

²² Daarom, groot is U, Here my God! Daar is niemand soos U nie. Buiten U is daar geen God nie, van hoeveel gode ons ook al gehoor het.

Contemporary Afrikaans Bible 2023

²² Daarom is U groot, HERE God, want daar is niemand soos U nie, en daar is geen God buiten U nie, volgens alles wat ons met ons ore gehoor het.

Die Boodskap

²² U is regtig groot, Here my God. Daar is niemand soos U nie, en behalwe U is daar geen god nie. Dit weet ons vir seker.

Nuwe Lewende Vertaling

²² “Daarom is U groot, oppermagtige Here! Daar is niemand soos U nie. Ons het nog nooit gehoor van enige God soos U nie.

2 Samuel 7:22 Kruisverwysings

2 Samuel 22:32

Ja, wie is God behalwe die Here? Wie is 'n rots buiten ons God?

1 Konings 8:23

en gesê: “Here, God van Israel, daar is geen god soos U in die hemel daar bo of op die aarde hier onder nie; U wat die verbond en troue liefde in stand hou vir u diensknegte wat met hulle hele hart voor U leef;

1 Kronieke 16:25

Want groot is die Here en besonder lofwaardig; Hy is ontsagwekkend, meer as alle gode.

2 Kronieke 2:5

Die tempel wat ek gaan bou, sal groot wees, want ons God is groter as al die gode.

Psalms 135:5

Ja, ek, ek weet dat die Here groot is, dat ons Heer groter is as al die gode.

Psalms 145:3

Groot is die Here en besonder lofwaardig; sy grootheid is ondeurgrondelik.

Psalms 44:1

Vir die •musiekleier. Van die Koragiete. 'n Maskiel.

Psalms 48:1

'n Lied. 'n Psalm. Van die Koragiete.

Psalms 86:10

Want groot is U en U doen wonders; U alleen is God.

Psalms 86:8

Daar is niemand soos U onder die gode nie, my Heer, en niks soos u werke nie.

Psalms 89:6

Die hemel moet u wonders prys, Here; ja, u trou in die byeenkoms van heiliges.

Psalms 89:8

'n uiters gedugte God in die kring van die heiliges, en gevrees deur almal om Hom?

Psalms 96:4

Want groot is die Here en besonder lofwaardig; Hy is ontsagwekkend, meer as alle gode.

Eksodus 10:2

en sodat jy ten aanhore van jou kinders en kleinkinders kan vertel hoe Ek die Egiptenare vir die gek gehou het, en van my tekens wat Ek onder hulle gedoen het, en sodat julle kan weet dat Ek die Here is.”

Eksodus 15:11

“ Wie is soos U onder die gode, Here? Wie is soos U, majestueus in heiligheid, ontsagwekkend in lofwaardige dade? U wat wonders doen,

Eksodus 8:10

Hy het geantwoord: “Môre.” Toe sê Moses: “Dit sal wees soos u sê, sodat u kan weet dat daar niemand is soos die Here ons God nie.

Eksodus 8:6

Aäron strek toe sy hand uit oor die waters van Egipte, en die paddas het opgekom en Egipteland oordek.

Eksodus 9:14

Want hierdie keer gaan Ek jou met al my plae in die hart tref, ook jou amptenare en jou mense, sodat jy sal weet dat daar op die hele aarde niemand soos Ek is nie.

Jesaja 40:18

Met wie wil julle God vergelyk? Watter afbeelding wil julle langs Hom stel?

Jesaja 40:25

“Met wie wil julle My vergelyk, sodat Ek net soos hulle sal wees?” vra die Heilige.

Jesaja 45:18

Ja, so sê die Here wat die hemel geskep het – Hy is God – wat die aarde gevorm en dit gemaak het – Hy het dit gevestig – nie as 'n onherbergsame plek het Hy dit geskep nie, maar om bewoon te word, het Hy dit gevorm: “Ek is die Here, en daar is geen ander nie.

Jesaja 45:22

“ Wend julle tot My, en word verlos, almal van die uithoeke van die aarde! Want Ek is God, en daar is geen ander nie.

Jesaja 45:5

Ek is die Here, en daar is geen ander nie; buiten My is daar geen god nie. Ek omgord jou, al het jy My nie geken nie,

Esegiël 36:22

“Daarom, sê vir die huis van Israel, ‘So sê my Heer, die Here: “Nie ter wille van julle doen Ek dit nie, huis van Israel, maar slegs ter wille van my heilige Naam, wat julle ontheilig het onder die nasies waarheen julle gegaan het.

Esegiël 36:32

Nie ter wille van julle doen Ek dit nie,” is die uitspraak van my Heer, die Here. “Dit moet vir julle duidelik wees! Wees verleë en skaam julle oor julle optrede, huis van Israel!”

Daniël 2:45

U het daarom gesien dat 'n klip uit die berg vanself losbreek, nie deur die toedoen van mensehande nie, en dat dit die yster, koper, klei, silwer en goud verpletter. 'n Groot God het aan die koning bekend gemaak wat hierna gaan gebeur. Die droom is waar en die uitleg daarvan is betroubaar.”

Miga 7:18

Wie is 'n God soos U? U is 'n God wat skuld vergewe, wat by die oortreding verbygaan tot voordeel van die oorblyfsel van sy eiendom, wat nie vir altyd vasklem aan sy toorn nie, maar wat vreugde vind in troue liefde,

Deuteronomium 3:24

‘ Here, my Heer, U het pas begin om aan u dienskneg u grootheid en sterk hand te toon; want watter god is daar in die hemel of op die aarde wat u werke en u magtige dade kan nadoen?

Deuteronomium 32:39

Sien tog nou in dat Ek, ja, Ek die Een is; daar is geen god naas My nie. Ek maak dood en Ek maak lewend; Ek verpletter, ja, Ek maak gesond, en niemand red uit my hand nie.

Deuteronomium 4:35

Julle was self ooggetuies daarvan, sodat julle kan besef: die Here, Hy is God. Naas Hom is daar geen ander nie.

Deuteronomium 4:39

Erken vandag en laat dit in julle harte insink: Die Here, Hy is God bo in die hemel en onder op die aarde. Daar is geen ander nie.

1 Samuel 2:2

“Niemand is heilig soos die Here nie, ja, daar is niemand buiten U nie; daar is geen rots soos ons God nie.