2 Samuel 7:12 - Die Bybel 2020-vertaling

¹² Wanneer jou tyd aangebreek het en jy by jou voorvaders gaan rus, sal Ek jou nakomeling ná jou, hy wat uit jou liggaam sal voortkom, na vore laat tree, en Ek sal sy koningskap vestig.

Bybel vir almal

¹² Wanneer jou tyd verby is en jy sterf, dan sal Ek een van jou eie seuns koning laat word, en hy sal lank koning wees.

Afrikaans 1933-1953

¹² As jou dae vol is en jy met jou vaders ontslaap het, sal Ek jou nakomeling wat uit jou liggaam sal voortkom, laat optree en sy koningskap bevestig.

Afrikaans 1983

¹² Wanneer jy te sterwe kom en jy by jou voorvaders rus, sal Ek een van jou nageslag, jou eie seun, koning maak en aan hom 'n bestendige koningskap gee.

Contemporary Afrikaans Bible 2023

¹² En wanneer jou dae vervul is en jy met jou vaders ontslaap het, sal Ek jou nageslag ná jou laat opstaan, wat uit jou ingewande sal voortkom, en Ek sal sy koninkryk bevestig.

Die Boodskap

¹² Wanneer jy die dag doodgaan en begrawe word, sal Ek sorg dat jou eie seun koning word en Ek sal sorg dat hy lank koning bly.

Nuwe Lewende Vertaling

¹² Wanneer jy sterf en by jou voorouers begrawe word, sal Ek een uit jou nageslag, jou eie seun, in jou plek koning maak en Ek sal sy koninkryk vas laat staan.

2 Samuel 7:12 Kruisverwysings

Genesis 15:4

Maar kyk, die woord van die Here kom toe tot Abram: “So iemand sal nie jou erfgenaam wees nie, slegs een wat uit jou liggaam voortkom, hy sal jou erfgenaam wees.”

2 Samuel 22:51

Dit is Hy wat aan sy koning groot oorwinnings gee, wat troue liefde bewys aan sy gesalfde, aan Dawid en sy nageslag vir altyd. ”

1 Konings 1:21

Dit kan gebeur dat, sodra my heer die koning by sy voorouers gaan rus, ek en my seun Salomo as skuldiges uitgemaak sal word.”

1 Konings 1:48

hy het ook gesê, ‘Die Here, die God van Israel, moet geprys word, Hy wat dit so beskik het dat iemand vandag op my troon sit, terwyl ek dit met my eie oë sien.’ ”

1 Konings 2:1

Toe die tyd nader kom vir Dawid om te sterf, het hy opdragte aan sy seun Salomo gegee:

1 Konings 2:10

Daarna het Dawid by sy voorouers gaan rus, en hy is in die Stad van Dawid begrawe.

1 Konings 2:4

Doen dit, sodat die Here sy woord wat Hy oor my gespreek het, gestand kan doen, naamlik, ‘As jou seuns let op hulle gedrag deur getrou, met hulle hele hart en hulle hele wese, voor My te leef, dan’ het Hy gesê, ‘sal daar nooit vir jou iemand ontbreek op die troon van Israel nie’.

1 Konings 5:5

Kyk, ek dink daaraan om 'n tempel vir die Naam van die Here my God te bou, soos die Here vir my vader Dawid gesê het, ‘Jou seun wat Ek in jou plek op jou troon sal plaas, dit is hy wat die tempel vir my Naam sal bou.’

1 Konings 8:15

het hy gesê: “Die Here, die God van Israel, moet geprys word, wat met sy mond met my vader Dawid gepraat het, en met sy hand die volgende woorde vervul het,

1 Konings 8:19

Jy is egter nie die een wat die tempel sal bou nie, maar jou seun wat uit jou liggaam sal voortkom, hy sal die tempel vir my Naam bou.’

1 Konings 8:20

En die Here het sy woord wat Hy gespreek het, gestand gedoen, sodat ek in die plek van my vader Dawid opgestaan het en op die troon van Israel gaan sit het, soos die Here gesê het. Ek het die tempel vir die Naam van die Here, die God van Israel, gebou.

1 Konings 9:5

sal Ek jou koninklike troon oor Israel vir altyd laat standhou, soos Ek jou vader Dawid beloof het deur te sê, ‘Daar sal vir jou nooit iemand ontbreek op die troon van Israel nie.’

2 Konings 8:19

Maar ter wille van Dawid, sy dienskneg, wou die Here Juda nie vernietig nie, aangesien Hy vir Dawid beloof het om vir hom en sy seuns altyd 'n lamp te gee.

1 Kronieke 17:11

Wanneer jou tyd aangebreek het om na jou voorvaders te gaan, sal Ek jou nakomeling ná jou, een van jou eie seuns, na vore laat tree, en Ek sal sy koningskap vestig.

2 Kronieke 1:9

Here God, laat nou u belofte aan my vader Dawid bewaarheid word, want dit is U wat my koning gemaak het oor 'n volk so talryk soos die stof van die aarde.

2 Kronieke 13:5

Is dit nie aan julle bekend dat die Here, die God van Israel, die koningskap oor Israel vir altyd aan Dawid, aan hom en sy nageslag, gegee het deur 'n verbond van sout nie?

2 Kronieke 21:7

Maar ter wille van die verbond wat Hy met Dawid gemaak het, wou die Here die huis van Dawid nie vernietig nie, aangesien Hy beloof het om vir hom en sy seuns altyd 'n lamp te gee.

2 Kronieke 23:3

en die hele geloofsgemeenskap het in die huis van God 'n verbond gesluit met die koning. Jojada het vir hulle gesê: “Kyk, 'n seun van die koning moet, soos die Here beloof het, regeer oor die nageslag van Dawid.

2 Kronieke 6:15

U wat ter wille van u dienskneg, my vader Dawid, gehou het by wat U hom beloof het. U het dit met u mond gesê en met u hand volbring, soos dit vandag is.

2 Kronieke 6:9

Jy is egter nie die een wat die tempel sal bou nie, maar jou seun wat uit jou liggaam sal voortkom, hy sal die tempel vir my Naam bou.’

Psalms 89:29

Vir altyd sal Ek vir hom my troue liefde handhaaf; en my verbond sal bestendig wees vir hom.

Jesaja 11:10

Op daardie dag sal die wortel van Isai as banier vir die volke bly staan – die nasies sal daarna vra, en sy rusplek sal luisterryk wees.

Jesaja 9:7

My Heer het 'n woord gestuur teen Jakob, en dit het in Israel geval.

Jeremia 33:17

“Ja, so sê die Here, ‘Daar sal nie vir Dawid 'n man ontbreek wat sit op die troon van die huis van Israel nie;

Daniël 12:2

Baie van hulle wat slaap in die stof van die aarde, sal wakker word – sommige vir die ewige lewe, en ander tot skande, tot ewige afsku.

Matteus 1:1

Die geslagsregister van Jesus Christus, die •Seun van Dawid, die Seun van Abraham:

Lukas 1:32

Hy sal magtig wees, en die Seun van die Allerhoogste genoem word. En die Here God sal aan Hom die troon van sy voorvader Dawid gee.

Lukas 24:27

Hierna het Hy begin om al die Skrifte oor Hom, vanaf Moses en die Profete, vir hulle uit te lê.

Handelinge 13:36

“Want Dawid het, nadat hy sy eie geslag volgens God se raadsbesluit gedien het, gesterf, en is by sy voorvaders begrawe – en hy het ontbinding beleef;

Handelinge 2:30

Omdat hy 'n profeet was, en geweet het dat ‘God met 'n eed aan hom beloof het om iemand van sy nasate op sy troon te plaas,’

1 Korinthiërs 15:51

Kyk, ek vertel vir julle 'n misterie: nie almal van ons sal ontslaap nie, maar ons sal almal verander word

Deuteronomium 31:16

Toe sê die Here vir Moses: “Kyk, jy gaan binnekort by jou voorouers rus, maar hierdie volk sal opstaan en agter die vreemde gode in hulle midde aan hoereer – die gode van die land waarheen hulle op pad is. Hulle sal My verlaat en my verbond wat Ek met hulle gesluit het, verbreek.

1 Thessalonisense 4:14

Want as ons glo dat Jesus gesterf het en opgestaan het – God sal ook so diegene wat gesterf het, deur Jesus met Hom saamneem.