2 Samuel 6:9 - Die Bybel 2020-vertaling

⁹ Dawid het daardie dag bang geword vir die Here, en hy het gesê: “Hoe kan die ark van die Here na my toe kom?”

Bybel vir almal

⁹ Dawid het daardie dag baie bang geword vir die Here. Dawid het gesê: “Ek kan nie die kis van die Here na my toe laat kom nie.”

Afrikaans 1933-1953

⁹ En Dawid het daardie dag vir die Here bevrees geword en gesê: Hoe kan die ark van die Here na my kom?

Afrikaans 1983

⁹ Dawid het daardie dag bang geword vir die Here en gesê: “Hoe kan die ark van die Here nou na my toe kom?”

Contemporary Afrikaans Bible 2023

⁹ En Dawid het daardie dag vir die HERE bevrees en gesê: Hoe sal die ark van die HERE na my toe kom?

Die Boodskap

⁹ Dawid het ook bang geword vir die Here en gedink: “Hoe kan ek ooit die ark van die Here na my plek toe vat?”

Nuwe Lewende Vertaling

⁹ Dié dag het Dawid bang geword vir die Here en gevra: “Hoe kan die ark van die Here ooit na my toe kom?”

2 Samuel 6:9 Kruisverwysings

2 Samuel 6:8

Dawid was ontsteld daaroor dat die Here Ussa stukkend gebreek het, en hy het daardie plek Peres-Ussa genoem. Dit is vandag nog die naam.

1 Konings 8:27

“ Maar kan God werklik op aarde woon? Kyk, die hemelruim en die hoogste hemele kan U nie omvat nie – hoeveel minder hierdie tempel wat ek gebou het?

Psalms 119:120

My lyf bewe omdat U vrees inboesem; ja, vir u beslissings is ek vol ontsag.

Jesaja 6:5

Ek het gesê: “Wee my, want ek is verlore! Want ek is 'n mens met onrein lippe, en by 'n volk met onrein lippe woon ek. Ja, my oë het die Koning, die Here, Heerser oor alle magte, gesien.”

Matteus 25:25

Omdat ek bang was, het ek u talent in die grond gaan wegsteek. Hier is wat aan u behoort.’

1 Petrus 3:6

soos Sara aan Abraham gehoorsaam was, toe sy hom as “heer” aangespreek het. Julle het haar dogters geword, as julle doen wat goed is, en julle nie deur enige dreigement laat afskrik nie.

1 Samuel 6:20

Die manne van Bet-Semes sê toe: “Wie kan voor hierdie heilige God, die Here, staande bly? Na wie toe kan die ark van ons af gaan?”