2 Samuel 5:6 - Die Bybel 2020-vertaling

⁶ Die koning en sy manne het na Jerusalem gegaan, na die Jebusiete wat in dié gebied gewoon het. Die Jebusiete het vir Dawid gesê: “Jy sal nie hier inkom nie! Selfs blindes en kreupeles sal jou afweer deur te sê, ‘Dawid sal hier nie inkom nie!’ ”

Bybel vir almal

⁶ Toe die koning en sy manne by Jerusalem gekom het, het die Jebusiete wat daar gewoon het, vir Dawid gesê: “Jy sal nie hier kan inkom nie. Mense wat swak is, sal jou kan keer, jy sal nie hier inkom nie, ja, mense wat nie kan sien nie en wat nie kan loop nie, sal jou keer.” Hulle het gedink Dawid sal nie in die stad kan inkom nie,

Afrikaans 1933-1953

⁶ Toe die koning met sy manne na Jerusalem wegtrek teen die Jebusiete, die bewoners van die land, het hulle met Dawid gespreek en gesê: Jy sal hier nie inkom nie, maar die blindes en lammes sal jou verdrywe — dit wil sê: Dawid sal hier nie inkom nie.

Afrikaans 1983

⁶ Die koning en sy manskappe het teen Jerusalem opgetrek. Die Jebusiete het hierdie gebied bewoon. Daar is aan Dawid gesê: “Hier sal jy nie inkom nie. Blindes en kreupeles sal jou hier uithou.” Ja, daar is beweer: “Dawid sal hier nie inkom nie!”

Contemporary Afrikaans Bible 2023

⁶ En die koning en sy manne het na Jerusalem gegaan na die Jebusiete, die inwoners van die land, wat met Dawid gespreek en gesê het: As jy nie die blindes en die kreupeles wegneem nie, sal jy nie hier inkom nie.

Die Boodskap

⁶ Die koning het met sy manne na Jerusalem opgetrek om teen die Jebusiete, die mense van daardie gebied, te veg. Die Jebusiete het vir Dawid geskree: “Jy sal nooit in hierdie plek inkom nie! Ag man, die mense wat blind en kruppel is, sal sorg dat jy hier uitbly!” Só seker was hulle dat Dawid nie die plek sal kan inneem nie.

Nuwe Lewende Vertaling

⁶ Dawid en sy persoonlike leër het teen Jerusalem opgeruk waar die Jebusiete gewoon het. “Jy sal nooit hier inkom nie,” tart die Jebusiete hom en sê: “Selfs die blindes en die lammes sal julle hier uit hou!” Hulle het gedink: “Dawid sal nooit hier kan inkom nie.”

2 Samuel 5:6 Kruisverwysings

Genesis 14:18

Melgisedek, die koning van Salem, het brood en wyn gebring. Hy was 'n priester van God, die Allerhoogste.

2 Samuel 22:30

Ja, met U hardloop ek oor 'n skans, met my God spring ek oor 'n muur.

Spreuke 21:22

'n Wyse kan optrek teen 'n stad met helde, en die versterkings laat tuimel waarop die stad vertrou.

Jeremia 21:13

Dit is Ek teen jou, jy wat oor die vallei troon – o, rots van die gelykte!” is die uitspraak van die Here, “julle wat sê, ‘Wie sal deurdring na ons, en wie sal ons skuilplekke binnedring?’

Jeremia 37:10

Ja, al sou julle die hele leër van die Galdeërs wat teen julle oorlog voer, verslaan, en daar onder hulle net swaar gewondes oorbly, sal elkeen van hulle weer opstaan in sy tent, en hulle sal hierdie stad afbrand.’ ”

Hebreërs 7:1

Hierdie Melgisedek, koning van Salem, 'n priester van die Allerhoogste God, het Abraham tegemoetgegaan toe hy op pad terug was, nadat hy die konings verslaan het, en hom geseën.

Josua 10:3

Adoni-Sedek, die koning van Jerusalem, stuur toe 'n boodskap na Hoham, die koning van Hebron, na Piram, die koning van Jarmut, na Jafia, die koning van Lagis, en na Debir, die koning van Eglon met die woorde:

Josua 15:63

Die nageslag van Juda was egter nie in staat om die Jebusiete, die inwoners van Jerusalem, te verdryf nie. Die Jebusiete het toe saam met die nageslag van Juda in Jerusalem bly woon; dit is vandag nog so.

Josua 18:28

Sela, Elef, Jebus, dit is Jerusalem, Gibea en Kirjat – veertien dorpe met hulle gehuggies. Dit dan is die erfdeel van die nageslag van Benjamin, vir hulle familiegroepe.

Rigters 1:21

En wat betref die Jebusiete wat in Jerusalem gewoon het – die nakomelinge van Benjamin het hulle nie verdryf nie. Die Jebusiete het saam met die nageslag van Benjamin in Jerusalem bly woon; dit is vandag nog so.

Rigters 1:8

Die nageslag van Juda het toe teen Jerusalem oorlog gevoer en dit ingeneem. Hulle het die stad met die skerpte van die swaard verslaan en dit aan die brand gesteek.