2 Samuel 5:3 - Die Bybel 2020-vertaling

³ Toe al die oudstes van Israel na die koning in Hebron gekom het, het koning Dawid voor die Here 'n verbond met hulle gesluit in Hebron; en hulle het Dawid as koning gesalf oor Israel.

Bybel vir almal

³ Al die leiers van Israel het na die koning toe gekom in Hebron. Koning Dawid het met hulle 'n ooreenkoms gemaak by die tempel in Hebron. Hulle het vir Dawid gesalf om koning te wees oor Israel.

Afrikaans 1933-1953

³ So het dan al die oudstes van Israel na die koning in Hebron gekom; en koning Dawid het met hulle 'n verbond in Hebron gesluit voor die aangesig van die Here, en hulle het Dawid as koning oor Israel gesalf.

Afrikaans 1983

³ So het al die leiers van Israel by die koning in Hebron gekom. Toe het koning Dawid in Hebron in teenwoordigheid van die Here 'n verdrag met hulle gesluit. Op hulle beurt het hulle vir Dawid daar tot koning oor Israel gesalf.

Contemporary Afrikaans Bible 2023

³ Toe het al die oudstes van Israel na die koning in Hebron gekom; en koning Dawid het 'n verbond met hulle gesluit in Hebron voor die aangesig van die HERE, en hulle het Dawid as koning oor Israel gesalf.

Die Boodskap

³ So het al die stamhoofde van Israel na die koning in Hebron gekom. Dawid het by die Here se altaar ’n ooreenkoms met hulle gesluit en hulle het hom koning gemaak oor Israel.

Nuwe Lewende Vertaling

³ Dawid het toe daar in Hebron voor die Here ’n ooreenkoms met die leiers van Israel gesluit, en hulle het hom as koning van Israel gesalf.

2 Samuel 5:3 Kruisverwysings

2 Samuel 2:4

Die manne van Juda het gekom en Dawid daar as koning gesalf oor die huis van Juda. Hulle het Dawid ingelig en gesê: “Dit is die manne van Jabes in Gilead wat vir Saul begrawe het.”

2 Samuel 2:7

Skep nou moed en wees onverskrokke, al is julle heer Saul dood. Net nog dit: Hulle, die huis van Juda, het my gesalf as koning oor hulle.”

2 Samuel 3:21

Abner sê toe vir Dawid: “Ek wil gereedmaak en gaan; ek wil die hele Israel by my heer die koning byeenbring, sodat hulle met u 'n ooreenkoms kan sluit, en sodat u oor alles wat u hart begeer, kan regeer.” Dawid het Abner weggestuur en hy het in vrede vertrek.

1 Konings 1:34

en dan moet Sadok, die priester, en Natan, die profeet, hom daar salf as koning oor Israel. Blaas op die •ramshoring en roep dan uit, ‘Lank lewe koning Salomo!’

2 Konings 11:17

Daarop het Jojada 'n verbond gesluit tussen die Here aan die een kant en die koning en die volk aan die ander kant, dat hulle die volk van die Here sou wees; asook 'n verbond tussen die koning en die volk.

1 Kronieke 11:1

Die hele Israel het by Dawid in Hebron byeengekom en gesê: “Kyk, ons is u bloedfamilie.

1 Kronieke 11:3

Toe al die oudstes van Israel na die koning in Hebron gekom het, het Dawid met hulle in Hebron 'n verbond gesluit voor die Here; en hulle het Dawid as koning gesalf oor Israel, ooreenkomstig die woord van die Here, by monde van Samuel.

1 Kronieke 28:4

“ Die Here, die God van Israel, het my uit my hele familie gekies om vir altyd koning te wees oor Israel; want Juda het Hy as leier gekies, en uit die huis van Juda my familie. Dit het Hom behaag om, onder my vader se seuns, juis vir my koning te maak oor die hele Israel.

2 Kronieke 23:16

Jojada het 'n verbond gesluit tussen homself, die hele volk en die koning dat hulle die volk van die Here sal wees.

Nehemia 9:38

“Op grond van dit alles gaan ons nou 'n bindende ooreenkoms sluit en dit op skrif stel, en daarop die seël plaas met die name van ons leiers, ons Leviete en ons priesters.”

Eksodus 3:16

“ Gaan, en bring die oudstes van Israel byeen, en sê vir hulle, ‘Die Here, die God van julle voorvaders, die God van Abraham, Isak en Jakob, het aan my verskyn en gesê: “Ek gee noukeurig aandag aan julle en aan wat julle in Egipte aangedoen word.

Josua 10:36

Daarna het Josua en die hele Israel saam met hom van Eglon af na Hebron opgetrek en teen die stad oorlog gevoer.

Rigters 11:11

Jefta het toe saam met die oudstes van Gilead gegaan en die manskappe het hom as hulle leier en •aanvoerder aangestel. Jefta het al sy woorde ook in die teenwoordigheid van die Here in Mispa herhaal.

1 Samuel 11:15

Al die manskappe het toe na Gilgal gegaan en hulle het Saul daar in Gilgal, in die teenwoordigheid van die Here, as koning ingehuldig. Hulle het daar voor die Here •maaltydoffers geslag. Saul en al die manne van Israel was baie vrolik daar.

1 Samuel 16:13

Samuel het die horing met olie geneem en hom daar tussen sy broers gesalf. Die Gees van die Here het van daardie dag af en ook verder van Dawid besit geneem. Samuel het toe opgestaan en na Rama gegaan.

1 Samuel 23:18

Nadat hulle twee voor die Here 'n ooreenkoms gesluit het, het Dawid in Goresa gebly, en Jonatan het na sy huis teruggegaan.