2 Samuel 4:2 - Die Bybel 2020-vertaling

² Twee manne, die •aanvoerders van roofbendes, was by Saul se seun. Die een se naam was Baäna en die ander een se naam was Regab. Hulle was seuns van Rimmon, 'n man van Beërot, een van die Benjaminiete. Ja, ook Beërot word as deel van Benjamin gereken.

Bybel vir almal

² Is-Boset het twee offisiere gehad wat die leiers was van manne wat stede aangeval het en wat die goed in die stede gevat het. Hulle name was Baäna en Rekab, en hulle was seuns van Rimmon, 'n man van die stad Beërot. Hulle was Benjamin-mense, want Beërot was in die land Benjamin.

Afrikaans 1933-1953

² En die seun van Saul het twee manne, owerstes van bendes, gehad: die naam van die een was Báëna en die naam van die ander Regab, seuns van Rimmon, die Béërotiet, uit die kinders van Benjamin, want Béërot is ook by Benjamin gereken.

Afrikaans 1983

² Daar was twee bendeleiers by Is-Boset. Die een se naam was Baäna en die ander s'n Rekab. Hulle was kinders van Rimmon die Beërotiet, uit die geledere van Benjamin. Beërot is vroeër by Benjamin gereken,

Contemporary Afrikaans Bible 2023

² En die seun van Saul het twee manne gehad wat owerstes van bendes was: die naam van die een was Baäna, en die naam van die ander Regab, die seuns van Rimmon, 'n Beërotiet, uit die kinders van Benjamin; want Beërot is ook by Benjamin gereken;

Die Boodskap

² Daar was twee mans by Is-Boset wat altyd die strooptogte gelei het. Die een se naam was Baäna en die ander een se naam was Rekab. Hulle pa was Rimmon, ’n man van Benjamin wat van Beërot af gekom het. (Beërot het vroeër aan die Benjaminstam behoort.

Nuwe Lewende Vertaling

² Daar was twee broers, Baäna en Rekab, leiers van Is-Boset se rooftogbendes. Hulle was seuns van Rimmon, ’n Benjaminiet wat in Beërot gewoon het. Die dorp Beërot is deel van Benjamin se gebied

2 Samuel 4:2 Kruisverwysings

2 Samuel 23:37

Selek die Ammoniet, Nagrai uit Beërot, die wapendraer van Joab, seun van Seruja,

2 Samuel 3:22

Juis toe het Joab en die volgelinge van Dawid teruggekom van 'n strooptog af. Hulle het baie buit met hulle saamgebring. Abner was toe nie meer by Dawid in Hebron nie, want Dawid het hom weggestuur, en hy het in vrede vertrek.

2 Samuel 4:5

Regab en Baäna, die seuns van Rimmon uit Beërot, het geloop en op die hitte van die dag by Is-Boset se huis aangekom. Hy was juis besig om sy middagslapie te geniet.

2 Samuel 4:9

Dawid het Regab en sy broer Baäna, die seuns van Rimmon uit Beërot, geantwoord en vir hulle gesê: “So waar as die Here leef, Hy wat my lewe uit alle nood gered het –

2 Konings 5:2

Die Arameërs het in roofbendes uitgetrek en 'n klein dogtertjie uit die land Israel weggevoer. Sy was in diens van Naäman se vrou.

2 Konings 6:23

Hy het toe vir hulle 'n groot fees voorgesit. Nadat hulle geëet en gedrink het, het hy hulle weggestuur en hulle het na hulle heer toe gegaan. Die roofbendes van die Arameërs het toe nie meer in die gebied van Israel gekom nie.

Josua 18:25

verder nog Gibeon, Rama, Beërot,

Josua 18:26

Mispa, Kefira, Mosa,

Josua 9:17

Die Israeliete het verder getrek en op die derde dag by hulle stede aangekom. Hulle stede was Gibeon, Kefira, Beërot en Kirjat-Jearim.