2 Samuel 3:34 - Die Bybel 2020-vertaling

³⁴ Jou hande – dit was nie vasgebind nie; en jou voete – naby bronskettings het dit nie gekom nie. Soos een wat voor skurke val, het jy geval.” Toe het al die manskappe nog meer oor hom gehuil.

Bybel vir almal

³⁴ Niemand het jou hande vasgebind nie, niemand het jou voete vasgemaak met kettings nie, maar jy het gesterf soos iemand sterf wanneer skelms hom doodmaak.” Al die manne het weer gehuil oor Abner.

Afrikaans 1933-1953

³⁴ Jou hande was nie gebind en jou voete nie aangeraak met koperkettings nie. Soos 'n mens voor kwaaddoeners val, het jy geval. En die hele volk het nog meer oor hom geween.

Afrikaans 1983

³⁴ Jou hande was nie geboei nie, jou voete nie met kettings gebind nie. Jy het omgekom soos een wat deur misdadigers omkom.” Toe het die leër se gehuil oor hom eens so erg geword.

Contemporary Afrikaans Bible 2023

³⁴ Jou hande was nie vasgebind en jou voete nie in boeie gesit nie; soos 'n man voor goddelose mense val, so het jy geval. En die hele volk het weer oor hom geween.

Die Boodskap

³⁴ is jou hande nie geboei, jou voete nie vasgemaak nie; is jy dood soos iemand wat deur straatboewe aangeval is. Toe die mense die lied hoor, het hulle nog meer gehuil oor Abner.

Nuwe Lewende Vertaling

³⁴ Jou hande was nie vasgemaak nie; jou voete nie in kettings nie! Nee, jy is vermoor – ’n slagoffer van bose mense.” Die hele volk het weer oor Abner gehuil.

2 Samuel 3:34 Kruisverwysings

2 Samuel 1:12

Hulle het gerou en gehuil, en tot die aand gevas oor Saul en sy seun Jonatan, en oor die manskappe van die Here en die huis van Israel, omdat hulle deur die swaard geval het.

2 Samuel 3:33

Die koning het 'n klaaglied gesing vir Abner. Hy het gesê: “Moes Abner die dood van 'n dwaas sterf?

2 Samuel 3:35

Al die manskappe het gekom om vir Dawid brood aan te bied terwyl dit nog dag was. Maar Dawid het 'n eed afgelê: “Mag God my swaar straf as ek aan brood of enigiets proe voordat die son ondergaan!”

Job 24:14

Teen ligdag staan die moordenaar op; hy maak magteloses en behoeftiges dood, en snags is hy soos 'n dief.

Esegiël 32:16

Dit is 'n treurlied, en hulle sal dit sing, die dogters van die nasies sal dit sing, oor Egipte en al sy hordes sal hulle dit sing.” Dit is die uitspraak van my Heer, die Here.’ ”

Hosea 6:9

Soos struikrowers wat iemand voorlê, is die priesterbende – op die pad na Sigem pleeg hulle moord; ja, hulle tree skandelik op.

Rigters 16:21

Toe gryp die Filistyne hom en steek sy oë uit. Hulle het hom na Gasa afgeneem en hom met bronskettings geboei. Hy moes toe maalwerk doen in die gevangenis.