2 Samuel 3:3 - Die Bybel 2020-vertaling

³ die tweede was Kilab, by Abigajil, die weduwee van Nabal van Karmel; die derde was Absalom, die seun van Maäga, die dogter van Talmai, die koning van Gesur;

Bybel vir almal

³ Die tweede seun was Kilab, sy ma was Abigajil. Sy was voorheen die vrou van Nabal van die stad Karmel. Die derde seun was Absalom, sy ma was Maäka, die dogter van koning Talmai van Gesur.

Afrikaans 1933-1953

³ en sy tweede was Kíleab, by Abígail, die vrou van Nabal, die Karmeliet; en die derde was Absalom, die seun van Máäga, die dogter van Talmai, die koning van Gesur;

Afrikaans 1983

³ Sy tweede was Kilab seun van Abigajil, die weduwee van Nabal die Karmeliet. Absalom seun van Maäka, 'n dogter van koning Talmai van Gesur, was die derde,

Contemporary Afrikaans Bible 2023

³ en sy tweede, Chileab, van Abígail, die vrou van Nabal, die Karmeliet; en die derde, Absalom, die seun van Maäga, die dogter van Talmai, die koning van Gesur;

Die Boodskap

³ Die tweede oudste was Kilab; sy ma was Abigajil, Nabal se weduwee van Karmel. Absalom was die derde oudste; sy ma was Maäka, ’n dogter van koning Talmai van Gesur.

Nuwe Lewende Vertaling

³ Die tweede was Kilab, seun van Abigajil, die weduwee van Nabal uit Karmel. Die derde was Absalom, seun van Maäka, dogter van Talmai, koning van Gesur.

2 Samuel 3:3 Kruisverwysings

2 Samuel 13:1

Daarna het die volgende gebeur: Absalom, seun van Dawid, het 'n mooi suster gehad. Haar naam was Tamar, en Amnon, seun van Dawid, het op haar verlief geraak.

2 Samuel 14:23

Joab het gereedgemaak en na Gesur vertrek. Hy het Absalom na Jerusalem gebring.

2 Samuel 14:24

Die koning het egter gesê: “Hy moet na sy huis afdraai. My gesig mag hy nie sien nie.” Absalom het toe na sy huis afgedraai, maar die gesig van die koning het hy nie gesien nie.

2 Samuel 14:32

Waarop Absalom vir Joab sê: “Kyk, ek het jou ontbied om vir jou te sê, ‘Kom hierheen, sodat ek jou na die koning kan stuur om te vra: “Waarom het ek van Gesur af gekom? Dit sou vir my beter gewees het as ek steeds daar was.” ’ Ek wil nou voor die koning verskyn. As ek aan iets skuldig is, moet hy my maar doodmaak.”

2 Samuel 15:7

Ná verloop van vier jaar het Absalom vir die koning gesê: “Ek wil graag gaan en my gelofte wat ek vir die Here afgelê het, in Hebron nakom,

2 Samuel 15:8

want terwyl ek in Gesur in Aram gewoon het, het u dienaar 'n gelofte afgelê, met dié woorde, ‘As die Here my inderdaad na Jerusalem laat terugkeer, sal ek die Here gaan dien.’ ”

2 Samuel 18:33

Die koning het begin bewe, en opgegaan na 'n bovertrek in die poort en gehuil. Terwyl hy loop, het hy hierdie woorde gesê: “My seun Absalom; my seun, my seun Absalom! As ek maar in jou plek kon sterf! Absalom, my seun, my seun!”

2 Samuel 2:2

Dawid en ook sy twee vroue, Aginoam van Jisreël en Abigajil, die weduwee van Nabal van Karmel, het daarheen opgetrek.

1 Konings 1:6

Sy lewe lank het sy vader hom nie tereggewys deur te sê, “Hoekom tree jy so op?” nie. Ook hy was 'n besonder aantreklike man. Sy moeder het hom ná Absalom in die wêreld gebring.

1 Konings 2:15

Hy sê toe: “U weet self dat die koningskap my toekom, en dat die hele Israel se oë op my gerig was om koning te word. Die koningskap het egter oorgegaan na my broer, omdat dit deur die Here vir hom bedoel was.

1 Kronieke 3:1

Dit was Dawid se seuns wat in Hebron vir hom gebore is: die eersgeborene was Amnon, by Aginoam, die vrou uit Jisreël; die tweede was Daniël, by Abigajil, uit Karmel;

1 Kronieke 3:2

die derde was Absalom, die seun van Maäga, die dogter van Talmai, die koning van Gesur; die vierde was Adonia, die seun van Gaggit;

Deuteronomium 3:14

Jaïr, 'n afstammeling van Manasse, het die hele landstreek van Argob tot by die grens van Gesur en Maäga gekry. Hy het die dorpe, ook Basan, na homself vernoem. Dit word vandag nog Gawwoot-Jaïr genoem.

Josua 13:13

Die Israeliete het egter nie die mense van Gesur en Maäga verdryf nie. Die mense van Gesur en Maäga woon onder die Israeliete; dit is vandag nog so.

1 Samuel 25:3

Die man se naam was Nabal en sy vrou se naam was Abigajil. Die vrou het 'n goeie verstand en 'n mooi voorkoms gehad; maar die man was hard en 'n boosdoener. Hy was 'n afstammeling van Kaleb.

1 Samuel 25:42

Abigajil het toe gou gereedgemaak en op 'n donkie vertrek met haar vyf diensmeisies wat haar volg. Sy het die boodskappers van Dawid gevolg en sy vrou geword.

1 Samuel 27:8

Dawid en sy manne het opgetrek en aanvalle geloods op die mense van Gesur; op die mense van Geser en op die Amalekiete. Ja, hulle was die inwoners van die land wat van altyd af gestrek het van die ingang na Sur tot by Egipteland.