2 Samuel 24:19 - Die Bybel 2020-vertaling

¹⁹ Dawid het, soos die Here deur Gad opdrag gegee het, opgegaan,

Bybel vir almal

¹⁹ Dawid het gegaan soos Gad gesê het, hy het gaan doen wat die Here beveel het.

Afrikaans 1933-1953

¹⁹ En Dawid het opgegaan volgens die woord van Gad, soos die Here beveel het.

Afrikaans 1983

¹⁹ Dawid het toe opgegaan soos die Here hom deur die woord van Gad beveel het.

Contemporary Afrikaans Bible 2023

¹⁹ En Dawid het, volgens die woord van Gad, opgetrek soos die HERE beveel het.

Die Boodskap

¹⁹ Dawid het toe na die klipplaat toe opgeklim soos die Here vir hom gesê het in die boodskap wat Gad gebring het.

Nuwe Lewende Vertaling

¹⁹ Dawid het gedoen soos die Here deur Gad beveel het.

2 Samuel 24:19 Kruisverwysings

Genesis 6:22

Noag het dit toe gedoen. Net soos wat God hom beveel het, so het hy gemaak.

2 Samuel 24:18

Gad het dieselfde dag nog by Dawid gekom en vir hom gesê: “Gaan op na die dorsvloer van Arauna, die Jebusiet, en rig vir die Here daar 'n altaar op.”

2 Samuel 24:20

en toe Arauna afkyk en die koning en sy dienaars na hom sien aankom, het hy uitgegaan en voor die koning diep neergebuig met sy gesig teen die grond.

1 Kronieke 21:19

Dawid het toe, op grond van die woord van Gad wat hy in die Naam van die Here gespreek het, opgegaan.

2 Kronieke 20:20

Hulle het vroeg die oggend opgestaan en uitgetrek na die woestyn van Tekoa. Terwyl hulle uittrek, het Josafat gaan staan en gesê: “Luister na my, Juda en inwoners van Jerusalem! Vertrou op die Here julle God, dan bly julle behoue; vertrou op sy profete, dan behaal julle sukses.”

2 Kronieke 36:16

Hulle het egter telkens die gek geskeer met die boodskappers van God en sy woorde versmaai, terwyl hulle met sy profete die spot gedryf het, totdat die Here se woede teen sy volk opgelaai het, totdat geen herstel meer moontlik was nie.

Nehemia 9:26

“Maar hulle was opstandig, het teen U in opstand gekom. Hulle het die rug op u wet gedraai. U profete, wat hulle tereggewys het om hulle na U terug te bring, het hulle vermoor. Hulle het hulle skuldig gemaak aan ernstige godslastering.

Hebreërs 11:8

Deur geloof was Abraham gehoorsaam toe hy geroep is om uit te trek na 'n plek wat hy as erfenis sou ontvang, en hy het weggetrek, sonder om te weet waarheen hy gaan.