2 Samuel 24:16 - Die Bybel 2020-vertaling

¹⁶ En toe die engel sy hand na Jerusalem uitsteek om dit te verwoes, was die Here jammer oor die ramp. Hy sê toe vir die engel, wat besig was om verwoesting te saai onder die manskappe: “Dit is nou genoeg, trek jou hand terug!” Die •engel van die Here was toe naby die dorsvloer van Arauna, die Jebusiet.

Bybel vir almal

¹⁶ Toe die engel sy hand uitsteek na Jerusalem om die mense van die stad te laat sterf, het die Here besluit dat die straf moet ophou. Hy het vir die engel wat die mense laat sterf het, gesê: “Stop, dit is nou genoeg, laat sak jou hand.” Die engel van die Here was by die dorsvloer van die Jebusiet Arauna.

Afrikaans 1933-1953

¹⁶ Maar toe die engel sy hand uitsteek na Jerusalem om dit te verwoes, het dit die Here berou oor die onheil, en Hy het aan die engel wat die verwoesting onder die volk moes aanrig, gesê: Genoeg, trek nou jou hand terug! Die engel van die Here was toe by die dorsvloer van Arauna, die Jebusiet.

Afrikaans 1983

¹⁶ Net toe die engel sy hand na Jerusalem toe uitsteek om dit te verdelg, het die Here besluit om die straf nie verder te voer nie. Hy het vir die engel wat die verderf onder die volk aanrig, gesê: “Dis nou genoeg. Trek jou hand terug.” Die engel van die Here was toe net by die dorsvloer van Arauna die Jebusiet.

Contemporary Afrikaans Bible 2023

¹⁶ En toe die engel sy hand teen Jerusalem uitsteek om dit te verwoes, het die HERE hom van die onheil bekeer en aan die engel wat die volk verdelg het, gesê: Dit is genoeg, hou tog jou hand vas. En die Engel van die HERE was by die dorsplek van Arauna, die Jebusiet.

Die Boodskap

¹⁶ Toe die doodsengel sy hand na Jerusalem toe uitsteek om ook dáár dood en verwoesting te saai, het die Here spyt gekry oor die verskriklike ramp en gesê: “Wag, dis nou genoeg. Moenie verder gaan nie.” Die engel van die Here was op daardie stadium by ’n groot klipplaat waar Arauna, ’n Jebusiet, sy koring dors.

Nuwe Lewende Vertaling

¹⁶ Die engel was op die punt om Jerusalem te verwoes, maar die Here het besluit om nie verder te gaan nie. Hy sê vir die engel wat die verwoesting gebring het: “Hou op! Dit is genoeg!” Op daardie oomblik was die engel van die Here by die dorsvloer van Arauna die Jebusiet.

2 Samuel 24:16 Kruisverwysings

Genesis 10:16

en was die voorvader van die Jebusiete, die •Amoriete, die Girgasiete,

Genesis 6:6

was die Here jammer dat Hy die mens op die aarde gemaak het. Dit het Hom tot in sy hart gegrief.

2 Samuel 24:18

Gad het dieselfde dag nog by Dawid gekom en vir hom gesê: “Gaan op na die dorsvloer van Arauna, die Jebusiet, en rig vir die Here daar 'n altaar op.”

2 Samuel 5:8

Dawid het daardie dag gesê: “Elkeen wat die Jebusiete wil verslaan, moet deur die watertonnel kruip om die kreupeles en blindes by te kom, hulle wat veragtelik is vir Dawid.” Daarom word daar gesê: “'n Blinde en 'n kreupele mag nie die huis binnekom nie.”

1 Konings 19:4

Hy self het egter die woestyn in gegaan, 'n dagreis ver. Daar aangekom, het hy onder 'n witbesembos gaan sit en gevra dat sy lewe tot 'n einde moet kom. Hy het gesê: “Dit is nou genoeg, Here! Neem my lewe, want ek is nie beter as my voorouers nie.”

2 Konings 19:35

Daardie nag het 'n •engel van die Here uitgetrek en in die kamp van die Assiriërs honderd vyf-en-tagtigduisend neergevel. Toe die mense van Jerusalem vroeg die oggend opstaan, was hulle morsdood, almal lyke!

1 Kronieke 1:14

en die voorvader van die Jebusiete, die Amoriete, die Girgasiete,

2 Kronieke 3:1

Salomo het toe begin om die huis van die Here in Jerusalem te bou, op die berg Moria, waar die Here aan sy vader Dawid verskyn het, op die plek van Dawid wat hy gereedgemaak het op die dorsvloer van Ornan, die Jebusiet.

2 Kronieke 32:21

Toe stuur die Here 'n •engel, en dié het elke dapper kryger, leier en bevelvoerder in die kamp van die koning van Assirië uitgewis. Hy het beskaamd na sy land teruggekeer. Toe hy in die huis van sy god kom, het sy eie seuns hom daar met die swaard neergevel.

Psalms 135:14

Want die Here laat reg geskied aan sy volk; oor sy diensknegte ontferm Hy Hom.

Psalms 35:6

Laat hulle pad donker en glibberig wees, terwyl die Engel van die Here hulle agtervolg.

Psalms 78:38

Maar Hy is barmhartig; Hy bedek hulle sondeskuld; Hy delg hulle nie uit nie. Hy hou dikwels sy toorn terug en laat nie sy woede ten volle ontwaak nie.

Psalms 90:13

Keer terug, Here! Hoe lank nog? Ontferm U oor u diensknegte.

Eksodus 12:13

Die bloed sal vir julle as 'n teken dien aan die huise waarin julle is. Wanneer Ek die bloed sien, sal Ek by julle verbygaan. Daar sal by julle geen plaag deur die vernietiger wees wanneer Ek Egipteland tref nie.

Eksodus 12:23

Die Here sal deur die land gaan om die Egiptenare te tref; en wanneer Hy die bloed aan die bokant en die twee sykante van die kosyn sien, sal die Here by die deur verbygaan en die vernietiger nie toelaat om julle huise binne te gaan om julle te tref nie.

Eksodus 32:14

Die Here het toe spyt gekry oor die onheil wat Hy gesê het Hy sy volk sou aandoen.

Eksodus 9:28

Pleit by die Here, want daar is genoeg donderslae van God, en hael; ek sal julle laat gaan, julle hoef nie langer te bly nie.”

Jesaja 27:8

Deur haar prys te gee, haar weg te stuur, het U telkens met haar geworstel. Op die dag van die oostewind, het die Here haar met sy sterk wind weggedryf.

Jesaja 57:16

Want Ek sal nie vir altyd 'n regstryd voer, en nie vir ewig toornig wees nie. Want menslike geeste sal voor My wegkwyn, ook die lewensasems wat Ek self gemaak het.

Jeremia 26:19

Het Hiskia, koning van Juda, en die hele Juda hom toe wel doodgemaak? Het Hiskia nie ontsag vir die Here gehad en die guns van die Here gesoek nie? En het die Here nie berou gehad oor die onheil wat Hy oor hulle aangekondig het nie? Ons is besig om groot onheil oor onsself te bring.”

Jeremia 42:10

‘ As julle inderdaad in hierdie land bly, sal Ek julle opbou en nie afbreek nie; Ek sal julle plant en nie uitruk nie, want Ek het berou oor die onheil wat Ek julle aangedoen het.

Amos 7:3

Die Here het berou daaroor gehad. “Dit sal nie gebeur nie,” het die Here gesê.

Amos 7:6

Die Here het berou daaroor gehad. “Ook dit sal nie gebeur nie,” het my Heer, die Here, gesê.

Habakuk 3:2

Here, toe ek van u roem gehoor het, is ek met ontsag vervul. U dade, Here, maak dit 'n werklikheid in hierdie tye; laat dit in hierdie tye bekend word. Onthou om barmhartig te wees te midde van ontsteltenis.

Sagaria 9:7

Ek verwyder die bloederige vleis uit sy mond, die afskuwelike afgodsoffers tussen sy tande. Maar hy wat oorbly, sal ook aan ons God behoort. Hy sal soos familie in Juda wees, en Ekron soos die Jebusiete .

Markus 14:41

Hy kom toe 'n derde keer en sê vir hulle: “Slaap en rus julle nog steeds? Genoeg! Die uur het gekom. Kyk, die •Seun van die Mens word in die hande van sondaars oorgelewer.

Handelinge 12:23

En onmiddellik het 'n engel van die Here hom neergevel, omdat hy nie die eer aan God gegee het nie en, verteer deur wurms, het hy gesterf.

1 Korinthiërs 10:10

En moenie mor, soos sommige van hulle gemor het nie – hulle is deur die vernietiger uitgedelg.

2 Korinthiërs 2:6

Vir so iemand is hierdie teregwysing deur die meerderheid genoeg.

Josua 15:63

Die nageslag van Juda was egter nie in staat om die Jebusiete, die inwoners van Jerusalem, te verdryf nie. Die Jebusiete het toe saam met die nageslag van Juda in Jerusalem bly woon; dit is vandag nog so.

Rigters 1:21

En wat betref die Jebusiete wat in Jerusalem gewoon het – die nakomelinge van Benjamin het hulle nie verdryf nie. Die Jebusiete het saam met die nageslag van Benjamin in Jerusalem bly woon; dit is vandag nog so.

Rigters 19:11

Omdat hulle naby Jebus was, en die dag reeds verby, sê die dienaar vir sy heer: “Kom ons draai af na hierdie stad van die Jebusiete en oornag daar.”

1 Samuel 15:11

“Ek is spyt dat Ek Saul as koning aangestel het, want hy het van My af weggedraai en my opdragte nie uitgevoer nie.” Samuel was ontsteld en het die hele nag na die Here om hulp geroep.