2 Samuel 24:15 - Die Bybel 2020-vertaling

¹⁵ Die Here het toe 'n pessiekte in Israel beskik, van die oggend af tot die vasgestelde tyd. Van Dan tot Berseba het sewentigduisend man gesterf.

Bybel vir almal

¹⁵ Die Here het pes laat kom in die land Israel van die oggend tot die tyd wat Hy gesê het. Daar het 70 000 mense gesterf, van die stad Dan tot by die stad Berseba.

Afrikaans 1933-1953

¹⁵ En die Here het 'n pes onder Israel beskik van die môre af tot op die bepaalde tyd, en van Dan tot Berséba het daar van die volk sewentigduisend man gesterwe.

Afrikaans 1983

¹⁵ Daarna het die Here 'n pes van die oggend af tot die aand onder Israel ingestuur. Van die noorde tot die suide het daar sewentig duisend gesterf.

Contemporary Afrikaans Bible 2023

¹⁵ Toe het die HERE 'n pes oor Israel gestuur van die môre af tot op die vasgestelde tyd;

Die Boodskap

¹⁵ Die Here het daardie môre ’n pessiekte in Israel laat uitbreek wat vir drie dae aangehou het. In die hele land is daar 70 000 mense dood.

2 Samuel 24:15 Kruisverwysings

2 Samuel 24:2

Toe sê die koning vir Joab, die leëraanvoerder wat by hom was: “Gaan rond onder al die stamme van Israel, van Dan tot Berseba, en maak 'n opname van die manskappe, sodat ek kan weet hoeveel manskappe daar is.”

1 Kronieke 21:14

Die Here het toe 'n pessiekte in Israel beskik, en sewentigduisend man uit Israel het geval.

1 Kronieke 27:24

Joab, seun van Seruja, het hulle begin tel, maar dit nie afgehandel nie. 'n Oordeel uit toorn het Israel getref oor hierdie tellery, en die getal is toe nie opgeteken by die getal in die kronieke van koning Dawid nie.

1 Kronieke 27:4

Die afdeling van die tweede maand was onder beheer van Dodai, uit Agoag. Miklot was die leier van sy afdeling. In sy afdeling was daar 24 000 man.

Jesaja 37:36

Die •engel van die Here het uitgetrek en in die kamp van die Assiriërs honderd vyf-en-tagtigduisend neergevel. Toe die mense van Jerusalem vroeg die oggend opstaan, was hulle morsdood, almal lyke!

Habakuk 3:2

Here, toe ek van u roem gehoor het, is ek met ontsag vervul. U dade, Here, maak dit 'n werklikheid in hierdie tye; laat dit in hierdie tye bekend word. Onthou om barmhartig te wees te midde van ontsteltenis.

Numeri 25:9

Dié wat deur die plaag gesterf het, was vier-en-twintigduisend.

Matteus 24:7

Een nasie sal immers teen 'n ander nasie optrek en een koninkryk teen 'n ander koninkryk, en daar sal hongersnood wees en aardbewings op een plek ná die ander.

Openbaring 6:8

Ek het gesien, en kyk, daar was 'n vaal perd. Sy ruiter se naam is Dood, en die Hades volg hom. Aan hulle is volmag gegee om 'n kwart van die aarde dood te maak deur die swaard, hongersnood, 'n dodelike siekte, en die wilde diere van die aarde.

1 Samuel 6:19

Maar die Here het van die inwoners van Bet-Semes getref, omdat hulle die ark van die Here bekyk het. Hy het sewentig man van die bevolking getref. Die volk het getreur, omdat die Here so 'n groot slagting onder die volk aangerig het.