2 Samuel 22:44 - Die Bybel 2020-vertaling

⁴⁴ U het my van die gestry onder my volk bevry; U beskerm my, die hoof van nasies. Mense wat ek nie geken het nie, dien my;

Bybel vir almal

⁴⁴ “U red my van my eie mense wat opstandig is teen my. U maak my die hoof van volke en U beskerm my. Mense wat ek nie geken het nie, doen nou wat ek sê.

Afrikaans 1933-1953

⁴⁴ En U het my gered uit die getwis van my volk; U het my bewaar as 'n hoof van nasies; 'n volk wat ek nie geken het nie, het my gedien.

Afrikaans 1983

⁴⁴ U het my gered van opstandige mense, my as hoof van vreemde nasies aangestel. 'n Volk wat ek nie geken het nie, is my onderdane.

Contemporary Afrikaans Bible 2023

⁴⁴ U het my ook gered uit die twis van my volk, U het my as hoof van die nasies bewaar; 'n volk wat ek nie geken het nie, sal my dien.

Die Boodskap

⁴⁴ U het my gehelp toe my eie mense my wou onderkry. U het my boonop die koning van ander volke gemaak; mense wat ek nie eens ken nie, werk vir my

Nuwe Lewende Vertaling

⁴⁴ In die stryd met teenstanders het U my verlos, my oor nasies as koning aangestel. ’n Volk wat ek nie geken het nie, dien my nou.

2 Samuel 22:44 Kruisverwysings

2 Samuel 19:14

So het hy sonder uitsondering die harte gewen van al die manne van Juda. Hulle het toe vir die koning 'n boodskap gestuur: “Kom terug, u en al u dienaars!”

2 Samuel 19:9

Al die manskappe in al die stamme van Israel het aan die stry geraak en gesê: “Die koning het ons gered uit die greep van ons vyande; ja, hy is die een wat ons laat ontsnap het uit die greep van die Filistyne. Maar nou het hy oor Absalom landuit gevlug,

2 Samuel 20:22

Die vrou het met haar wysheid na al die mense gegaan. Hulle het Seba, seun van Bigri, se kop afgekap en na Joab gegooi. Hy het toe op die ramshoring geblaas, en hulle het uiteengegaan, weg van die stad, elkeen na sy tente toe. Joab het teruggekeer na Jerusalem, na die koning.

2 Samuel 3:1

Daar was 'n uitgerekte stryd tussen die huis van Saul en die huis van Dawid. Dawid het al hoe sterker geword en die huis van Saul al hoe swakker.

2 Samuel 5:1

Al die stamme van Israel het na Dawid in Hebron gekom en gesê: “Hier is ons – ons is u bloedfamilie.

Psalms 110:6

Onder die nasies voltrek hy die vonnis – dit is vol lyke; hy verpletter hoofde oor 'n groot gebied.

Psalms 18:43

Ek het hulle so fyngestamp soos stof in die wind; soos modder in die strate het ek hulle uitgegooi.

Psalms 2:8

Vra dit van My en Ek sal volke gee as jou erfdeel, die uithoeke van die aarde as jou eiendom.

Jesaja 55:4

Kyk, 'n getuie vir die volke het Ek hom gemaak, 'n leier, iemand wat bevel voer oor volke.

Jesaja 55:5

Kyk, jy sal 'n nasie roep wat jy nie ken nie; en 'n nasie wat jou nie ken nie, sal na jou toe hardloop, ter wille van die Here, jou God, ter wille van die Heilige van Israel, omdat Hy jou verheerlik het.”

Jesaja 60:12

Ja, die nasie en die koninkryk wat jou nie dien nie, sal ondergaan; sulke nasies sal volledig verwoes word.

Jesaja 65:1

“Ek het My laat raadpleeg deur hulle wat nie na My gevra het nie; Ek het My laat vind deur hulle wat My nie gesoek het nie. Ek het gesê, ‘Hier is Ek! Hier is Ek!’ vir 'n nasie wat nie na my Naam genoem is nie.

Daniël 7:14

Aan hom is heerskappy, eer en koningskap gegee – alle volke, nasies en taalgroepe dien hom. Sy heerskappy is 'n ewige heerskappy wat nie verby sal gaan nie, en sy koningskap is so dat dit nie vernietig sal word nie.

Romeine 15:12

En Jesaja sê op sy beurt: “Daar sal 'n loot van Isai kom, en Hy sal opstaan om oor die nasies te regeer; en op Hom sal die nasies hoop.”

Romeine 9:25

So sê Hy ook in Hosea: “Hulle wat nie my volk was nie, sal Ek my volk noem, en haar wat nie geliefd was nie, sal Ek my geliefde noem.”

Deuteronomium 28:13

Die Here sal jou die kop maak, nie die stert nie. Jy sal net na bo beweeg, nie na onder nie, as jy gehoorsaam is aan die gebooie van die Here jou God wat ek jou vandag opdra om noukeurig na te kom.

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”