2 Samuel 22:28 - Die Bybel 2020-vertaling

²⁸ 'n Magtelose volk word deur U verlos, en u oë hou hoogmoediges dop; U verneder hulle.

Bybel vir almal

²⁸ U red mense wat hulleself nie kan beskerm nie, en U verneder mense wat dink hulle is belangrik.

Afrikaans 1933-1953

²⁸ En U verlos die verdrukte volk, maar u oë is teen die hoogmoediges; U verneder hulle.

Afrikaans 1983

²⁸ U red die verdrukte volk, U verneder die trotses.

Contemporary Afrikaans Bible 2023

²⁸ En die geteisterde volk sal U verlos, maar u oë is op die hoogmoediges, dat U hulle kan neerwerp.

Die Boodskap

²⁸ U help mense op wie daar getrap word, maar U hou ’n hoogmoedige mens dop en haal hom van sy troontjie af.

2 Samuel 22:28 Kruisverwysings

Psalms 12:5

hulle wat sê: “Danksy ons tonge is ons sterk; ons lippe is onder ons beheer. Wie is heer oor ons?”

Psalms 131:1

'n •Pelgrimslied. Van Dawid. Here, my hart is nie hoogmoedig en my oë nie verwaand nie. Ek hou my nie besig met groot dade of wat te wonderbaar is vir my nie.

Psalms 138:6

Ja, verhewe is die Here, maar nederiges sien Hy raak en hoogmoediges ken Hy van ver af.”

Psalms 140:12

Lasteraars – mag hulle nie gevestig raak in die land nie. Geweldenaars – mag onheil op hulle jag maak, keer op keer.

Eksodus 10:3

Moses en Aäron het toe na die farao gegaan en vir hom gesê: “So sê die Here, die God van die Hebreërs, ‘Hoe lank nog gaan jy weier om jou aan My te onderwerp? Laat my volk gaan, sodat hulle My kan dien.

Eksodus 18:11

Nou weet ek dat die Here groter is as al die gode, dat dit in hierdie saak daaroor gaan dat die Egiptenare brutaal opgetree het teen die Israeliete.”

Spreuke 21:4

Hoogmoedige oë en 'n verwaande hart – die lamp van goddeloses – is sonde.

Jesaja 2:17

Die trots van mense word neergeslaan, die hooghartigheid van manne word omskep in vernedering. Die Here alleen sal verhewe wees op daardie dag.

Jesaja 37:23

Wie het jy uitgetart en belaster? Teen wie het jy jou stem verhef? Jy het uit die hoogte neergesien op die Heilige van Israel!

Jesaja 5:15

Mense sal neergebuig word, manne sal verneder word, hovaardiges sal hulle oë moet neerslaan.

Jesaja 63:9

In al hulle nood was ook Hy in die nood. Die Engel van sy teenwoordigheid het hulle verlos. In sy liefde en medelye was dit Hy wat hulle vrygekoop het. Hy het hulle opgetel en hulle gedra, al die jare, van lank gelede af.

Daniël 4:37

“En ek, Nebukadnesar, besing en verheerlik en eer nou die Koning van die hemele, omdat al sy werke waarheid is en sy paaie reg, omdat Hy hulle wat met trots rondloop, kan verneder.”

Matteus 5:3

“Gelukkig is die armes van gees, want aan hulle behoort die •koninkryk van die hemele.

Lukas 14:11

Want elkeen wat homself verhoog, sal verneder word, en wie homself verneder, sal verhoog word.”