2 Samuel 22:1 - Die Bybel 2020-vertaling

¹ Dawid het die woorde van hierdie lied vir die Here voorgedra in die tyd toe die Here hom gered het uit die hand van al sy vyande en uit die hand van Saul.

Bybel vir almal

¹ Dawid het hierdie lied vir die Here gesing in die tyd toe die Here hom gered het van sy vyande en van Saul.

Afrikaans 1933-1953

¹ EN Dawid het die woorde van hierdie lied tot die Here gespreek op die dag toe die Here hom gered het uit die hand van al sy vyande en uit die hand van Saul.

Afrikaans 1983

¹ Dawid het die woorde van hierdie lied tot die Here gerig op die dag toe die Here hom gered het uit die mag van al sy vyande en uit die mag van Saul.

Contemporary Afrikaans Bible 2023

¹ En Dawid het die woorde van hierdie lied met die HERE gespreek op die dag toe die HERE hom verlos het uit die hand van al sy vyande en uit die hand van Saul:

Die Boodskap

¹ Dawid het hierdie lied vir die Here geskryf nadat die Here hom gehelp het teen al sy vyande en teen Saul.

Nuwe Lewende Vertaling

¹ Nadat die Here Dawid van al sy vyande en van Saul verlos het, het hy hierdie lied tot eer van die Here gesing. Dit is die woorde van die lied:

2 Samuel 22:1 Kruisverwysings

2 Samuel 12:7

Toe sê Natan vir Dawid: “Jy is die man! So sê die Here, die God van Israel, ‘Ek is die Een wat jou as koning gesalf het oor Israel, en Ek is die Een wat jou gered het uit die hand van Saul.

2 Samuel 22:49

Hy wat my weglei van my vyande. Ja, U verhoog my bo my teenstanders; van manne van geweld ruk U my weg.

1 Kronieke 16:7

Op daardie dag, juis toe, het Dawid die eerste keer vir Asaf en sy stamgenote aangestel om die Here soos volg te prys:

Psalms 34:19

Die Here is na aan hulle wat gebroke harte het; wie se gees verpletter is, verlos Hy.

Psalms 50:14

Offer dank aan God, betaal jou geloftes aan die Allerhoogste.

Eksodus 15:1

Toe het Moses en die Israeliete hierdie lied vir die Here gesing. Hulle het gesê: “Ek wil sing vir die Here, want Hy is hoog verhewe. Die perd en sy ruiter het Hy in die see geslinger.

2 Korinthiërs 1:10

Op Hom wat ons uit so 'n groot doodsgevaar gered het, en sal red, is ons hoop gevestig dat Hy ons weer sal uitred.

Deuteronomium 31:30

Moses het, ten aanhore van die hele geloofsgemeenskap van Israel, die woorde van hierdie lied tot die einde voorgedra.

2 Timoteus 4:18

Die Here sal my van elke bose daad red, en Hy sal my verlos, met die oog op sy hemelse koninkryk. Aan Hom die heerlikheid vir ewig en ewig! •Amen.

Rigters 5:1

Op daardie dag het Debora en Barak, seun van Abinoam, gesing:

1 Samuel 23:14

Dawid het in die woestyn, in die bergskuilings, gebly. Daarna het hy in die berggebied van die woestyn van Sif gaan bly. Saul het hom die hele tyd gesoek, maar God het hom nie in sy hand oorgegee nie.

1 Samuel 24:15

“ Agter wie aan het die koning van Israel uitgetrek? Wie is u besig om te agtervolg? U is agter 'n dooie hond aan, agter een vlooi aan!

1 Samuel 25:29

En wanneer mense opstaan om u te agtervolg en u lewe bedreig, mag die lewe van my heer dan toegebind wees in die sakkie van die lewendes by die Here, u God. Maar die lewens van u vyande, mag Hy dit wegslinger uit die holte van 'n slingervel.

1 Samuel 26:24

Kyk, soos u lewe vandag kosbaar was in my oë, mag my lewe so kosbaar wees in die oë van die Here, en mag Hy my red uit alle nood.”

1 Samuel 27:1

Dawid het vir homself gesê: “Nou gaan ek op 'n dag deur die hand van Saul weggevee word. Daar is vir my niks beter nie as om uit te wyk na die land van die Filistyne. Dan sal Saul moed opgee oor my, om verder na my te soek in die hele gebied van Israel. Ek sal so aan sy hand ontvlug.”