2 Samuel 20:21 - Die Bybel 2020-vertaling

²¹ Dit is nie waaroor dit gaan nie; maar 'n man uit die heuwelland van Efraim – Seba, seun van Bigri, is sy naam – het sy hand gelig teen die koning, teen Dawid. Lewer hom alleen uit, dan sal ek wegtrek van die stad af.” Toe sê die vrou vir Joab: “Goed, sy kop sal na u van die stadsmuur af gegooi word.”

Bybel vir almal

²¹ Dit is nie wat ek wil doen nie. Maar iemand van die Efraim-berge het opstandig geword teen die koning, teen Dawid. Sy naam is Seba seun van Bikri. Gee hom vir ons, dan sal ons weggaan van die stad.” Die vrou het vir Joab gesê: “Goed, ons sal sy kop vir jou oor die muur gooi.”

Afrikaans 1933-1953

²¹ Die saak is nie so nie; maar 'n man van die gebergte van Efraim met die naam van Seba, die seun van Bigri, het sy hand opgehef teen die koning, teen Dawid: lewer hom alleen uit, dan wil ek van die stad af wegtrek. En die vrou sê vir Joab: Kyk, sy hoof sal oor die muur na u toe gegooi word.

Afrikaans 1983

²¹ Dit gaan maar net oor 'n man uit die Efraimsberge. Sy naam is Seba seun van Bikri. Hy het teen koning Dawid in opstand gekom. Lewer hom net uit, dan trek ek van die stad af weg.” Hierop het die vrou geantwoord: “Goed! Sy kop sal vir jou oor die muur gegooi word.”

Contemporary Afrikaans Bible 2023

²¹ Die saak is nie so nie, maar 'n man van die gebergte van Efraim, met die naam van Seba, die seun van Bikri, het sy hand opgehef teen die koning, teen Dawid; red hom alleen, en ek sal uit die stad vertrek. En die vrou sê vir Joab: Kyk, sy kop word vir jou oor die muur gegooi.

Die Boodskap

²¹ Dís nie my plan nie! Maar hier is iemand by julle wat teen koning Dawid in opstand is. Hy kom van die Efraimberge af en sy naam is Seba, seun van Bikri. As julle hóm net vir my gee, dan los ek die stad uit.” Die vrou sê vir Joab: “U kan seker wees sy kop sal vir u van die muur afgegooi word.”

2 Samuel 20:21 Kruisverwysings

2 Samuel 20:1

'n Opstoker met die naam Seba, seun van Bigri, 'n Benjaminiet, was toevallig daar. Hy het op die •ramshoring geblaas en gesê: “Ons het geen aanspraak op Dawid, geen erfdeel in die seun van Isai nie; elkeen na sy tente toe, Israel!”

2 Samuel 20:2

Al die manne van Israel het toe opgetrek, weg van Dawid af, agter Seba, seun van Bigri, aan. Maar die manne van Juda was aan hulle koning se sy van die Jordaan af tot by Jerusalem.

2 Samuel 20:20

Joab het egter geantwoord en gesê: “Ek sal dit nooit ooit doen nie! Ek sal nie verslind nie en ek sal nie vernietig nie.

2 Samuel 23:18

Abisai, seun van Seruja en Joab se broer, was hoof van die drietal. Hy het sy vegspies oor driehonderd gesneuweldes geswaai en hy het vir hom naam gemaak onder die drie.

1 Konings 11:26

Daar was ook Jerobeam, seun van Nebat, 'n dienaar van Salomo, 'n Efraimiet uit Sereda. Die naam van sy moeder, 'n weduwee, was Serua. Maar hy het teen die koning in opstand gekom.

2 Konings 10:7

Toe die brief by hulle kom, het hulle dadelik die koning se seuns geneem en die sewentig man onthoof. Hulle het die koppe in dramandjies gesit en na Jehu in Jisreël gestuur.

2 Konings 5:22

Hy antwoord toe: “Alles is reg. My heer het my gestuur om te sê, ‘Kyk, daar het nou net twee jong manne van die heuwelland van Efraim af by my aangekom. Hulle is van die profetegroep. Gee asseblief vir hulle 'n kikkar silwer en twee stelle klere. ’ ”

Jeremia 4:15

Ja, 'n stem bring berig uit Dan, en kondig onheil aan vanaf die heuwelland van Efraim,

Jeremia 50:19

Ek sal Israel terugbring na sy weiveld, en hy sal op Karmel en Basan wei. Op die bergland van Efraim en in Gilead sal hy versadig word.

Josua 24:33

Eleasar, seun van Aäron, het ook gesterf. Hulle het hom begrawe op die heuwel wat aan sy seun Pinehas behoort het en wat in die heuwelland van Efraim aan hom gegee is.

Rigters 2:9

Hulle het hom begrawe in die gebied van sy erfdeel in Timnat-Geres, wat in die heuwelland van Efraim geleë is, noord van die berg Gaäs.

Rigters 7:24

Gideon het ook nog boodskappers rondgestuur in die hele berggebied van Efraim om te sê: “Trek af om die Midianiete voor te keer. Beset hulle toegang na die water tot by Bet-Bara, die hele Jordaan. ” So is elke man van Efraim opgeroep, en hulle het die toegang na die water tot by Bet-Bara beset, die hele Jordaan.

Rigters 9:55

Toe die manne van Israel sien dat Abimeleg dood is, het hulle weggegaan, elkeen na sy woonplek.

1 Samuel 24:6

Maar daarna het Dawid se gewete hom gepla, omdat hy 'n soom van Saul se bokleed afgesny het.

1 Samuel 26:9

Maar Dawid sê vir Abisai: “Moet hom nie uitwis nie. Want wie kan sy hand teen die gesalfde van die Here uitsteek en onskuldig wees?”