2 Samuel 2:26 - Die Bybel 2020-vertaling

²⁶ Abner roep toe na Joab. Hy het gesê: “Moet die swaard dan vir altyd verteer? Besef jy nie dat dit uiteindelik net bitterheid bring nie? Gaan jy dan nooit vir die manskappe sê om die agtervolging van hulle broers te staak nie?”

Bybel vir almal

²⁶ Maar Abner het vir Joab geskree: “Moet ons aanhou om mekaar dood te maak? Jy moet dit weet: Alles sal slegter en slegter word as ons aanhou veg. Wanneer sal jy vir jou manne sê hulle moenie aanhou om hulle broers te jaag nie?”

Afrikaans 1933-1953

²⁶ Toe roep Abner na Joab en sê: Moet die swaard dan vir ewig verteer? Weet jy nie dat dit oplaas bitter sal wees nie? En hoe lank sal jy nie aan die manskappe sê dat hulle moet omdraai agter hulle broers vandaan nie?

Afrikaans 1983

²⁶ Toe skreeu Abner vir Joab: “Moet die swaard aanhou verteer? Besef jy nie dat die uiteinde net bitterheid is nie? Wanneer gaan jy eendag die manskappe beveel om nie meer hulle broers te agtervolg nie?”

Contemporary Afrikaans Bible 2023

²⁶ Toe roep Abner Joab en sê: Sal die swaard vir ewig verteer? Weet jy nie dat dit aan die einde bitterheid sal wees nie? hoe lank sal dit dan duur voordat jy die volk beveel om terug te keer van agter hulle broers aan?

Die Boodskap

²⁶ Toe skree Abner: “Joab! Moet ons dan vir altyd aanhou veg? Jy weet goed waar dit gaan eindig: almal gaan bitter kwaad en ongelukkig wees! Hoekom sê jy nie vir jou manne hulle moet ophou om hulle eie mense te jaag en dood te maak nie?”

Nuwe Lewende Vertaling

²⁶ Abner skree toe vir Joab: “Moet ons altyd ons verskille met die swaard oplos? Besef jy nie dit sal net tot bitterheid lei nie? Wanneer gaan jy vir jou manskappe sê hulle moet ophou om hulle broers te agtervolg?”

2 Samuel 2:26 Kruisverwysings

2 Samuel 11:25

Dawid het vir die boodskapper gesê: “Jy moet vir Joab so sê, ‘Hierdie voorval moet jy nie as iets verkeerds beskou nie. Die swaard verteer immers nou so, en dan weer so. Verskerp jou stryd teen die stad en breek dit af.’ Praat hom so moed in.”

2 Samuel 2:14

“Laat die jong manne bietjie opstaan en voor ons kragte meet,” sê Abner toe vir Joab; waarop Joab antwoord: “Laat hulle opstaan.”

2 Samuel 2:16

Elkeen het sy teenstander aan die kop beetgekry en sy swaard in die ander se sy gesteek. Saam het hulle geval. Daarom word daardie plek wat by Gibeon is, die veld van Hassurim genoem.

2 Samuel 2:25

Die manne van Benjamin het in een groep agter Abner stelling ingeneem. Hulle het op die top van 'n heuwel gaan staan.

2 Samuel 2:27

Joab antwoord toe: “So waar as God leef, as jy nie gepraat het nie, sou die manskappe almal eers teen die môre teruggeval het van die gejaag agter hulle broers aan.”

Job 18:2

“Hoe lank gaan julle nog tyd bestee aan woorde? Kom tot insig! Dan kan ons praat.

Job 19:2

“Hoe lank gaan julle my nog teister, my met woorde verbrysel?

Psalms 4:2

God wat my reg handhaaf, antwoord my wanneer ek roep. Toe ek in die noute was, het U vir my ruimte gemaak; wees my genadig, en hoor my gebed.

Spreuke 17:14

Die begin van 'n stryd is water wat deurbreek. Laat dit vaar voor die getwis losbars!

Jesaja 1:20

Maar as julle weier en opstandig is – deur die swaard sal julle verteer word.” Ja, die mond van die Here het gespreek.

Jeremia 12:12

Oor al die kaal hoogtes in die woestyn kom verwoesters.” Ja, die swaard van die Here verteer die land van hoek tot kant. Daar is geen vrede vir enige vlees nie.

Jeremia 2:30

“Tevergeefs het Ek julle kinders geslaan; teregwysing het hulle nie aanvaar nie. Julle swaarde het julle profete verslind, soos 'n leeu wat verskeur. ”

Jeremia 4:21

Hoe lank sal ek nog die banier sien, die geluid van die ramshoring hoor?

Jeremia 46:10

Hierdie dag behoort aan my Heer, die Here, Heerser oor alle magte – 'n dag van wraak om Hom te wreek op sy teenstanders. Die swaard sal verslind en versadig wees, hom vol drink aan hulle bloed. Ja, 'n offerfees is daar vir my Heer, die Here, Heerser oor alle magte, in 'n land in die noorde by die Eufraatrivier.

Jeremia 46:14

“ Maak dit bekend in Egipte, laat dit hoor in Migdol! Ja, laat dit hoor in Nof en Tagpanhes! Julle moet sê, ‘Neem jou plek in en wees voorbereid, want rondom jou verslind die swaard!’

Hosea 11:6

Die swaard sal deur sy stede gaan en sy orakelpriesters uitroei; dit sal hulle vernietig oor die raad wat hulle gegee het.

Handelinge 7:26

Die volgende dag het hy op twee afgekom juis terwyl hulle baklei, en hy het vrede tussen hulle probeer maak deur te sê, ‘Manne, julle is broers. Waarom doen julle mekaar kwaad aan?’