2 Samuel 19:1 - Die Bybel 2020-vertaling

¹ Aan Joab is berig gebring: “Kyk, die koning huil en rou oor Absalom. ”

Bybel vir almal

¹ Iemand het vir Joab gaan vertel: “Weet jy, die koning huil en treur oor Absalom.”

Afrikaans 1933-1953

¹ EN aan Joab is meegedeel: Kyk, die koning ween en bedryf rou oor Absalom.

Afrikaans 1983

¹ Daar is aan Joab vertel: “Kan jy dit glo? Die koning huil en treur oor Absalom!”

Contemporary Afrikaans Bible 2023

¹ En aan Joab is meegedeel: Kyk, die koning ween en treur oor Absalom.

Die Boodskap

¹ Die mense het vir Joab gaan vertel die koning huil en is hartseer oor Absalom.

Nuwe Lewende Vertaling

¹ Joab is vertel: “Kan jy dit glo! Die koning huil en rou sowaar oor Absalom!”

2 Samuel 19:1 Kruisverwysings

Genesis 37:35

Al sy seuns en dogters het opgestaan om hom te troos, maar hy het geweier om hom te laat troos en gesê: “Nee, al treurend sal ek na my seun in die •doderyk afgaan.” So het sy vader oor hom gehuil.

2 Samuel 18:12

Maar die man sê vir Joab: “Selfs al kan ek duisend silwerstukke op my handpalms afweeg, sal ek nie my hand uitsteek na die seun van die koning nie, want voor ons ore het die koning u en Abisai en Ittai opdrag gegee, ‘Sien om my ontwil om na die jong man, na Absalom.’

2 Samuel 18:14

Toe sê Joab: “Ek gaan nie so hier voor jou staan en wag nie.” Hy neem toe drie stokke in sy hand en steek dit in die bors van Absalom terwyl hy nog lewend is in die terebintboom.

2 Samuel 18:20

Joab het egter vir hom gesê: “Vandag is jy nie die man vir die nuus nie. Jy kan op 'n ander dag die nuus oordra. Op hierdie dag mag jy nie die nuus oordra nie, omdat die koning se seun dood is.”

2 Samuel 18:33

Die koning het begin bewe, en opgegaan na 'n bovertrek in die poort en gehuil. Terwyl hy loop, het hy hierdie woorde gesê: “My seun Absalom; my seun, my seun Absalom! As ek maar in jou plek kon sterf! Absalom, my seun, my seun!”

2 Samuel 18:5

Die koning het Joab, Abisai en Ittai opdrag gegee: “Werk, ter wille van my, saggies met die jong man, met Absalom. ” Al die manskappe het gehoor toe die koning aan al die aanvoerders opdragte gee in verband met Absalom.

2 Samuel 19:2

Die oorwinning het daardie dag vir al die manskappe 'n dag van rou geword, omdat die manskappe daardie dag gehoor het die koning is gebroke oor sy seun.

Spreuke 17:25

'n Dwase seun is 'n ergernis vir sy vader, en 'n bitterheid vir haar wat hom in die wêreld gebring het.

Sagaria 12:10

Maar oor die huis van Dawid en oor die inwoners van Jerusalem sal Ek 'n gees van genade en 'n gesindheid van smeekgebede uitstort. En hulle sal kyk na My vir wie hulle deurboor het, en hulle sal oor hom rou soos 'n mens rou oor 'n enigste seun, en hulle sal bitterlik huil soos 'n mens huil oor 'n eersgebore kind.