2 Samuel 18:9 - Die Bybel 2020-vertaling

⁹ Absalom het hom teen die dienaars van Dawid vasgeloop terwyl hy op 'n muil gery het, en toe die muil onder die takke van 'n groot terebintboom deurgaan, is sy hare vasgevang in die terebint. Hy het tussen hemel en aarde bly hang, terwyl die muil wat onder hom was, verder gaan.

Bybel vir almal

⁹ Dawid se manne het vir Absalom gekry. Absalom het op 'n muil gery. Toe die muil onder die takke van 'n groot boom hardloop, het Absalom se kop vasgehaak in die boom en hy het in die lug bly hang. Die muil waarop hy gery het, het verder gegaan.

Afrikaans 1933-1953

⁹ En die dienaars van Dawid het Absalom onverwags aangetref terwyl Absalom op 'n muil ry; en toe die muil onder die digte takke van 'n groot terpentynboom ingaan, het sy hoof in die terpentynboom vasgehaak, sodat hy tussen hemel en aarde bly hang het, terwyl die muil onder hom wegloop.

Afrikaans 1983

⁹ Dawid se manskappe het op Absalom afgekom waar hy op 'n muil gery het. Die muil het onder die digte takke van 'n groot akkerboom deurgegaan, en Absalom se kop het in die boom vasgehaak. Die muil waarop hy gery het, het aangehou hardloop en Absalom het tussen hemel en aarde bly hang.

Contemporary Afrikaans Bible 2023

⁹ En Absalom het die dienaars van Dawid ontmoet. En Absalom het op 'n muil gery, en die muil het onder die digte takke van 'n groot terpentynboom ingegaan, en sy kop het die terpentynboom vasgegryp, en hy is tussen die hemel en die aarde opgeneem; en die muil wat onder hom was, het weggegaan.

Die Boodskap

⁹ Absalom het hom in Dawid se manskappe vasgeloop. Hy het op ’n muil gery. Toe die muil onder die digte takke van ’n groot boom deurgaan, het Absalom se kop in die takke vasgehaak. Die muil is onder hom uit sodat hy daar tussen hemel en aarde bly hang het.

Nuwe Lewende Vertaling

⁹ Dawid se manne het op Absalom afgekom. Hy het op ’n muil gery. Die muil het onder die digte takke van ’n groot boom deurgegaan waar Absalom se kop tussen die takke vasgevang is. Sy muil het onder hom uit gehardloop sodat hy tussen hemel en aarde bly hang het.

2 Samuel 18:9 Kruisverwysings

2 Samuel 13:29

Die jong manne van Absalom het toe met Amnon gemaak soos Absalom beveel het. Toe spring al die seuns van die koning op, klim elkeen op sy muil en vlug weg.

2 Samuel 14:26

Wanneer hy sy hare geskeer het – aan die einde van elke jaar het hy dit geskeer; ja, wanneer dit te swaar geword het, moes hy dit skeer – dan het die hare van sy kop tweehonderd sikkel geweeg, volgens die koninklike gewigsmaat.

2 Samuel 17:23

En Agitofel, hy het intussen gesien dat sy raad nie gevolg word nie. Toe saal hy die donkie op, maak gereed en gaan na sy huis in sy tuisdorp. Hy het opdragte gegee oor sy huisgesin, en homself opgehang. Hy is dood en is in sy vader se graf neergelê.

2 Samuel 18:10

Een van die manne het dit gesien en vir Joab gaan vertel. Hy het gesê: “Kyk, ek het Absalom sien hang aan 'n terebintboom!”

2 Samuel 18:14

Toe sê Joab: “Ek gaan nie so hier voor jou staan en wag nie.” Hy neem toe drie stokke in sy hand en steek dit in die bors van Absalom terwyl hy nog lewend is in die terebintboom.

2 Samuel 18:8

Van daar af het die geveg oor die hele gebied versprei. Die bosse het daardie dag meer lewens geëis as die swaard.

Job 31:3

Is dit nie teenspoed vir 'n boosdoener, en rampe vir wie onreg pleeg nie?

Spreuke 20:20

Wie sy vader en moeder vloek – sy lamp word uitgedoof in diepe duisternis.

Spreuke 30:17

'n Oog wat 'n vader bespot en gehoorsaamheid aan 'n moeder verag – die kraaie in die dal sal dit uitpik, en die arend se kuikens sal dit opvreet.

Jeremia 48:44

“Wie vlug vir die geluid van verskrikking, val in die vanggat; wie uitklim uit die vanggat, word gevang in die vangnet. Ja, Ek bring hierdie dinge oor Moab – die jaar waarin daar van hulle rekenskap geëis word, ” is die uitspraak van die Here.

Matteus 27:5

Hy het toe die silwerstukke in die •tempel neergegooi, weggegaan en homself gaan ophang.

Markus 7:10

Want Moses het gesê, ‘Eer jou vader en jou moeder,’ en ‘Wie sy vader of moeder beledig, laat hy beslis doodgemaak word.’

Galasiërs 3:13

•Christus het ons vrygekoop van die vervloeking van die wet deurdat Hy in ons plek 'n vervloeking geword het, want daar staan geskryf: “Vervloek is elkeen wat aan 'n hout hang.”

Deuteronomium 21:23

mag sy lyk nie die nag aan die paal bly hang nie; maar jy moet hom beslis daardie selfde dag nog begrawe. Iemand wat aan 'n paal gehang word, is immers 'n vervloekte by God. Jy mag nie jou grondgebied wat die Here jou God vir jou as erfdeel gaan gee, verontreinig nie.

Deuteronomium 27:16

“ ‘Vervloek is die een wat sy vader en moeder minag.’ En die hele volk moet ‘Amen’ sê.

Deuteronomium 27:20

“ ‘Vervloek is die een wat met die vrou van sy vader gemeenskap het, want hy het die naaktheid ontbloot wat aan sy vader behoort.’ En die hele volk moet ‘Amen’ sê.