2 Samuel 18:8 - Die Bybel 2020-vertaling

⁸ Van daar af het die geveg oor die hele gebied versprei. Die bosse het daardie dag meer lewens geëis as die swaard.

Bybel vir almal

⁸ Die oorlog het oor die hele land versprei, en meer mense het daardie dag in die bos gesterf as in die oorlog.

Afrikaans 1933-1953

⁸ Maar die geveg is daar uitgebrei oor die oppervlakte van die hele land, en die bos het daardie dag onder die mense meer verteer as wat die swaard verteer het.

Afrikaans 1983

⁸ Die geveg het oor die hele landstreek versprei, en op daardie dag het die bos meer lewens geëis as die swaard.

Contemporary Afrikaans Bible 2023

⁸ Want die geveg was daar oor die hele land verstrooi, en die bos het daardie dag meer mense verteer as wat die swaard verteer het.

Die Boodskap

⁸ Die gevegte was naderhand oor ’n wye gebied en daar is meer mense in die bos dood soos hulle gevlug het, as wat daar met die swaard doodgesteek is.

Nuwe Lewende Vertaling

⁸ Die gevegte het oor die hele gebied uitgebrei. Meer mense het as gevolg van die bos omgekom as wat deur die swaard gesneuwel het.

2 Samuel 18:8 Kruisverwysings

2 Samuel 18:7

Daar is die manskappe van Israel verslaan deur die dienaars van Dawid. Op daardie plek was daar dié dag 'n groot slagting – twintigduisend man.

2 Samuel 18:9

Absalom het hom teen die dienaars van Dawid vasgeloop terwyl hy op 'n muil gery het, en toe die muil onder die takke van 'n groot terebintboom deurgaan, is sy hare vasgevang in die terebint. Hy het tussen hemel en aarde bly hang, terwyl die muil wat onder hom was, verder gaan.

1 Konings 20:30

Dié wat oor was, het na Afek gevlug, na die stad; maar die stadsmuur het op die sewe-en-twintigduisend wat oor was, ingeval. Ben-Hadad het ook gevlug en in die stad ingegaan, van een binnekamer na die ander.

Psalms 3:7

Ek is nie bang vir tienduisende manskappe wat reg rondom my teen my stelling inneem nie.

Psalms 43:1

Handhaaf my reg, o God, en verdedig my saak teen 'n ontroue nasie; bevry my van mense wat bedrog en onreg pleeg.

Eksodus 15:10

U het met u asem geblaas, die see het hulle verswelg; soos lood het hulle gesink in die magtige waters.

Spreuke 24:21

Jy moet ontsag hê vir die Here my seun, en vir die koning; met hulle wat andersgesind is, moet jy jou nie inlaat nie.

Spreuke 24:22

Want onverwags tref teenspoed hulle, en wie weet watter ramp die Here en die koning kan bring?

Josua 10:11

Terwyl hulle op vlug was voor Israel teen die afdraande by Bet-Goron, het die Here groot klippe uit die hemel op hulle gewerp, tot by Aseka, sodat hulle gesterf het. Dié wat deur die haelstene gesterf het, was meer as dié wat deur die Israeliete met die swaard doodgemaak is.