2 Samuel 18:27 - Die Bybel 2020-vertaling

²⁷ Die wag sê toe: “Ek sien aan die hardloop van die eerste een dat dit Agimaäs, seun van Sadok, se manier van hardloop is.” Daarop sê die koning: “Dit is 'n goeie man, en dit moet goeie nuus wees waarmee hy kom.”

Bybel vir almal

²⁷ Die wag sê toe: “Ek sien die voorste man hardloop soos Agimaäs seun van Sadok.” En die koning sê: “Hy is 'n goeie man, hy bring goeie nuus.”

Afrikaans 1933-1953

²⁷ Verder het die wag gesê: Ek sien die gang van die eerste is soos die gang van Ahímaäs, die seun van Sadok. Toe sê die koning: Hy is 'n goeie man, en hy kom met 'n goeie boodskap.

Afrikaans 1983

²⁷ “Dit lyk my die voorste een hardloop soos Agimaäs seun van Sadok,” merk die wag op. “Hy is 'n goeie man, hy kom met 'n goeie boodskap,” voeg die koning toe by.

Contemporary Afrikaans Bible 2023

²⁷ Toe sê die wag: Ek dink die loop van die voorste is soos die hardloop van Ahímaäs, die seun van Sadok. En die koning sê: Hy is 'n goeie man en kom met 'n goeie tyding.

Die Boodskap

²⁷ “Dit lyk vir my so aan sy hardloop die voorste een is Agimaäs, Sadok se seun,” skree die man in die toring. “Hy’s ’n goeie man,” sê die koning, “hy kom met goeie nuus.”

Nuwe Lewende Vertaling

²⁷ “Dit lyk vir my die eerste een hardloop soos Agimaäs seun van Sadok,” sê die wag. “Hy is ’n goeie man en kom met ’n goeie boodskap,” antwoord die koning.

2 Samuel 18:27 Kruisverwysings

2 Samuel 18:26

sien die wag 'n ander man wat hardloop. Die wag roep toe na die poortwag en sê: “Daar is sowaar nog 'n man wat alleen hardloop!” Toe sê die koning: “Ook hy bring nuus.”

1 Konings 1:42

Hy was nog besig om te praat, toe kom Jonatan, seun van Abjatar, die priester, skielik daar aan. Adonia sê toe: “Kom in, want jy is 'n bekwame man en jy kan net goeie nuus bring. ”

2 Konings 9:20

Die wag doen toe weer verslag: “Hy het tot by hulle gekom, maar hy keer nie terug nie. En die manier van ry, is soos dié van Jehu, seun van Nimsi, want hy jaag soos 'n besetene!”

Spreuke 25:13

Soos die afkoeling deur sneeu op 'n oesdag is 'n betroubare boodskapper vir die een wat hom gestuur het; hy verkwik die siel van sy heer.

Spreuke 25:25

Koel water in 'n dorstige keel, so is goeie nuus uit 'n ver land.

Jesaja 52:7

Hoe lieflik op die berge is die voete van 'n boodskapper van vreugde, een wat vrede verkondig, wat 'n goeie boodskap bring, wat verlossing verkondig, wat vir Sion sê: “Jou God heers as koning!”

Romeine 10:15

En hoe kan hulle dit verkondig as hulle nie gestuur word nie? Soos daar geskryf staan: “Hoe lieflik is die voetstappe van diegene wat die goeie boodskap verkondig!”