2 Samuel 17:16 - Die Bybel 2020-vertaling

¹⁶ Stuur dan nou gou iemand en laat weet vir Dawid, ‘Moenie die nag by die deurgaanplekke na die woestyn oorbly nie, maar trek beslis verder; anders word die koning en al die mense by hom verslind.’ ”

Bybel vir almal

¹⁶ Gusai het gesê Sadok en Abjatar moet vinnig vir Dawid 'n boodskap stuur en vir hom sê: “Jy moenie vannag by die Jordaan- driwwe slaap nie, jy moet deur die rivier gaan. As jy dit nie doen nie, dan sal Absalom se mense jou daar kry en hulle sal jou en die mense by jou almal doodmaak.”

Afrikaans 1933-1953

¹⁶ Stuur dan nou gou, en laat Dawid weet: Vernag nie by die woestyndriwwe nie, maar trek sekerlik deur; anders word die koning en al die mense wat by hom is, vernietig.

Afrikaans 1983

¹⁶ Stuur nou gou en laat weet vir Dawid hy moenie vannag in die woestynpas slaap nie. Hy moet beslis verder trek, anders word hy en sy hele leër uitgewis.”

Contemporary Afrikaans Bible 2023

¹⁶ Stuur dan nou gou en sê vir Dawid en sê: Moenie vanaand in die vlaktes van die woestyn bly nie, maar trek gou deur; dat die koning nie verslind word en al die mense wat by hom is nie.

Die Boodskap

¹⁶ Laat weet dadelik vir Dawid hy moenie vannag by die deurgaanplekke in die Jordaanvallei slaap nie. Hy moet deur die rivier gaan, anders is dit klaarpraat met die koning en die mense by hom.”

Nuwe Lewende Vertaling

¹⁶ “Laat weet vir Dawid dat hy nie vannag by die driwwe na die woestyn moet oornag nie. Hy moet dadelik deurtrek, anders kan hy en sy hele leër uitgewis word.”

2 Samuel 17:16 Kruisverwysings

2 Samuel 15:14

Dawid sê toe vir al sy amptenare wat by hom in Jerusalem is: “Maak gereed en laat ons vlug, want 'n kans om voor Absalom weg te kom, sal daar nie vir ons wees nie. Haas julle om te vertrek, anders kom hy skielik op ons af, bring onheil oor ons en verslaan die stad met die skerpte van die swaard.”

2 Samuel 15:28

Wees op die uitkyk. Ek sal by die deurgaanplekke na die woestyn vertoef totdat daar van julle af berig kom om my op hoogte te bring.”

2 Samuel 15:35

Is die priesters Sadok en Abjatar nie saam met jou daar nie? Elke berig wat jy kry uit die koninklike paleis, kan jy aan die priesters Sadok en Abjatar oordra.

Psalms 35:25

Laat hulle nie in hulle hart sê, “Aha, net wat ons wou hê!” nie. Laat hulle nie sê, “Ons het hom verslind!” nie.

Psalms 55:8

ja, ek sou ver weggaan om te ontvlug; ek sou in die woestyn oornag. •Sela

Psalms 56:2

Wees my genadig, o God, want mense treiter my; die hele dag teister veglustige mense my.

Psalms 57:3

Ek roep na God, die Allerhoogste, na God, wat namens my vergeld.

1 Korinthiërs 15:54

En wanneer hierdie verganklike met onverganklikheid en hierdie sterflike met onsterflikheid beklee word, sal die woord wat geskryf staan, vervul word: “Die dood is verslind in oorwinning.”

2 Korinthiërs 5:4

Want ons wat nog in die tentwoning is, sug as mense wat swaarkry, omdat ons nie ontklee nie, maar geklee wil word, sodat wat sterflik is, verteer kan word deur die lewe.

1 Samuel 20:38

Jonatan het ook agter die jong dienaar aan geroep: “Maak baie gou! Moenie gaan staan nie!” Die jong dienaar van Jonatan het die pyl opgetel en by sy heer gekom.