2 Samuel 17:14 - Die Bybel 2020-vertaling

¹⁴ Absalom en al die manne van Israel sê toe: “Die raad van Gusai, die man uit Ereg, is beter as die raad van Agitofel.” Die Here het besluit om Agitofel se goeie raad te dwarsboom, sodat die Here 'n ramp oor Absalom kon bring.

Bybel vir almal

¹⁴ Absalom en al die manne van Israel het gesê Gusai se plan is beter as Agitofel se plan. Maar dit was die Here wat dit so laat gebeur het. Hy het dit besluit sodat die goeie plan van Agitofel nie kon slaag nie. Die Here het dit gedoen omdat Hy dit sleg wou laat gaan met Absalom.

Afrikaans 1933-1953

¹⁴ Toe sê Absalom en al die manne van Israel: Die raad van Húsai, die Arkiet, is beter as die raad van Agitófel. Maar die Here het dit beskik om die goeie raad van Agitófel te verydel, sodat die Here die onheil oor Absalom kon bring.

Afrikaans 1983

¹⁴ Toe het Absalom en al die manskappe van Israel gesê: “Die raad van Gusai die Erekiet is beter as dié van Agitofel.” Maar eintlik was dit die Here wat die goeie raad van Agitofel verydel het, omdat die Here onheil oor Absalom wou bring.

Contemporary Afrikaans Bible 2023

¹⁴ En Absalom en al die manne van Israel het gesê: Die raad van Húsai, die Arkiet, is beter as die raad van Agitofel. Want die HERE het besluit om die goeie raad van Agitofel te verslaan, met die doel dat die HERE onheil oor Absalom sou bring.

Die Boodskap

¹⁴ Absalom en al die manne van Israel het gesê Gusai die Erekiet se plan is beter as Agitofel s’n. Dit was eintlik maar die Here wat besluit het om Agitofel se goeie plan in die wiele te ry, want Hy wou hê ’n ramp moet Absalom tref.

Nuwe Lewende Vertaling

¹⁴ Toe sê Absalom en die leiers van Israel: “Gusai se raad is beter as dié van Agitofel.” Dis die Here wat gesorg het dat die goeie raad van Agitofel verydel word omdat die Here onheil oor Absalom wou bring.

2 Samuel 17:14 Kruisverwysings

Genesis 32:28

Toe sê hy: “Jy sal nie meer Jakob genoem word nie, maar Israel. Want jy het met God en mense stryd gevoer, en het oorwin.”

2 Samuel 15:31

Dawid is meegedeel: “Agitofel is onder die samesweerders by Absalom.” Daarop sê Dawid: “Laat Agitofel se raad tog dwaasheid wees, Here.”

2 Samuel 15:34

maar as jy na die stad terugkeer en vir Absalom sê, ‘Ek is u dienaar, o koning; ek was voorheen die dienaar van u vader, maar nou is ek u dienaar,’ kan jy vir my die raad van Agitofel ondergrawe.

2 Samuel 16:23

Die raad van Agitofel wat hy in dié tyd gegee het, was so goed asof iemand 'n woord van God gevra het. Dit is hoe al die raad van Agitofel aan Dawid sowel as aan Absalom beskou is.

2 Kronieke 10:15

Die koning het nie na die volk geluister nie – want dit was 'n beskikking van God, sodat die Here sy belofte wat Hy by monde van Agija, die man uit Silo, aan Jerobeam, seun van Nebat, gemaak het, gestand kon doen.

2 Kronieke 10:8

Hy het egter die raad van die oudstes wat hulle hom gegee het, in die wind geslaan en raad gevra by die jong manne wat saam met hom grootgeword en in sy diens gestaan het.

2 Kronieke 25:16

Maar terwyl hy nog met hom praat, sê Amasia vir hom: “Het ons jou as raadgewer van die koning aangestel? Hou op! Waarom moet hulle jou neervel?” Die profeet het toe opgehou, maar tog gesê: “Ek weet dat God besluit het om u te vernietig, omdat u dit gedoen het en nie na my raad geluister het nie.”

2 Kronieke 25:20

Amasia het egter nie geluister nie, want dit het van God gekom, met die doel dat hulle in Joas se hand oorgegee sou word, omdat hulle die gode van Edom geraadpleeg het.

Nehemia 4:15

Ons vyande het gehoor dat hulle plan aan ons bekend is. God het hulle plan verydel, en ons kon almal teruggaan na die muur, elkeen na sy werk.

Job 12:17

Hy wat raadgewers kaalvoet laat loop en van regters gekke maak.

Psalms 9:15

sodat ek van al u lofwaardige dade kan vertel in die poorte van die dogter van Sion. Ek wil juig oor die verlossing wat U bring.

Psalms 9:16

Nasies het weggesink in die vangkuil wat hulle gemaak het; in daardie vangnet wat hulle gespan het, is hulle voete gevang.

Eksodus 9:16

Maar aan die ander kant, om hierdie rede het Ek jou staande gehou, om jou my krag te toon, sodat my Naam oor die hele aarde verkondig kan word.

Spreuke 19:21

Daar is baie planne in 'n mens se hart, maar die raad van die Here – dít kom tot stand.

Spreuke 21:30

Geen wysheid, geen verstandigheid, ja, geen raad hou stand teen die Here nie.

Jesaja 8:10

Beraam 'n plan, en dit word verydel! Bespreek die saak, en daar kom niks van nie; want God is met ons!”

Klaagliedere 3:37

Wie sê iets en dit gebeur as my Heer dit nie gebied het nie?

Amos 9:3

Al verberg hulle hulleself op die kruin van Karmel – daar sal Ek hulle opspoor en uithaal. Al kruip hulle vir my oë weg op die bodem van die see – daar sal Ek die slang opdrag gee en hy sal hulle pik.

Lukas 16:8

Die eienaar het die oneerlike bestuurder toe geprys, omdat hy verstandig opgetree het, want die kinders van hierdie wêreld tree verstandiger teenoor mekaar op as die kinders van die lig.

1 Korinthiërs 3:19

want die wysheid van hierdie wêreld is dwaasheid by God. Daar staan immers geskryf: “Hy vang die wyses deur middel van hulle eie slinksheid;”

Deuteronomium 2:30

“ Maar Sihon, die koning van Gesbon, wou nie dat ons by hom verbytrek nie, want die Here julle God het sy gees verhard en hom koppig gemaak sodat Hy hom in julle hand kon gee, soos dit vandag is.

Josua 11:20

Dit was immers deur die Here se toedoen dat hulle hulle harte verhard het om teen Israel oorlog te voer, sodat Israel hulle met die banvloek kon tref en daar nie vir hulle genade sou wees nie – ja, sodat Israel hulle kon verdelg soos die Here Moses beveel het.