2 Samuel 15:8 - Die Bybel 2020-vertaling

⁸ want terwyl ek in Gesur in Aram gewoon het, het u dienaar 'n gelofte afgelê, met dié woorde, ‘As die Here my inderdaad na Jerusalem laat terugkeer, sal ek die Here gaan dien.’ ”

Bybel vir almal

⁸ Want toe ek in Gesur, in die land Aram, gewoon het, het ek 'n gelofte gemaak. Ek het belowe dat ek in Hebron offers sal gaan bring vir die Here as Hy my laat terugkom na Jerusalem.”

Afrikaans 1933-1953

⁸ want u dienaar het 'n gelofte gedoen toe ek in Gesur in Aram gewoon het, en gesê: As die Here my werklik in Jerusalem terugbring, sal ek die Here dien.

Afrikaans 1983

⁸ want terwyl ek op Gesur in Aram gebly het, het ek beloof: As die Here my veilig na Jerusalem toe laat terugkom, sal ek Hom met 'n offer vereer.”

Contemporary Afrikaans Bible 2023

⁸ Want u dienaar het 'n gelofte gedoen toe ek in Gesur in Aram gebly het, en gesê: As die HERE my werklik na Jerusalem terugbring, dan sal ek die HERE dien.

Die Boodskap

⁸ Toe ek nog in Gesur by die Arameërs was, het ek vir die Here belowe dat, as Hy my regtig na Jerusalem toe terugbring, ek vir Hom in Hebron sal gaan offer.”

Nuwe Lewende Vertaling

⁸ Terwyl ek in Gesur was, het ek belowe dat ek die Here sal aanbid as Hy my na Jerusalem toe terugbring.”

2 Samuel 15:8 Kruisverwysings

2 Samuel 14:23

Joab het gereedgemaak en na Gesur vertrek. Hy het Absalom na Jerusalem gebring.

2 Samuel 14:32

Waarop Absalom vir Joab sê: “Kyk, ek het jou ontbied om vir jou te sê, ‘Kom hierheen, sodat ek jou na die koning kan stuur om te vra: “Waarom het ek van Gesur af gekom? Dit sou vir my beter gewees het as ek steeds daar was.” ’ Ek wil nou voor die koning verskyn. As ek aan iets skuldig is, moet hy my maar doodmaak.”

2 Samuel 15:9

Die koning het vir hom gesê: “Gaan in vrede!” Hy het toe gereedgemaak en na Hebron gegaan.

2 Samuel 3:3

die tweede was Kilab, by Abigajil, die weduwee van Nabal van Karmel; die derde was Absalom, die seun van Maäga, die dogter van Talmai, die koning van Gesur;

Psalms 56:12

ja, op God vertrou ek. Ek is nie bang nie, wat kan 'n mens aan my doen?

Prediker 5:4

Dit is beter dat jy nie beloof nie as dat jy beloof en nie betaal nie.

Jesaja 28:15

Ja, julle sê: “Ons het 'n verdrag met die dood gesluit, met die •doderyk 'n ooreenkoms aangegaan. Wanneer die verswelgende vloed verbykom, sal dit ons nie bereik nie; want ons het leuens ons skuilplek gemaak, en agter bedrog kruip ons weg.”

Jeremia 42:20

want julle het julle eie lewens op die spel geplaas toe julle my na die Here julle God gestuur het met die woorde, ‘Bid vir ons tot die Here ons God! Alles wat die Here ons God sê, dra dit presies so aan ons oor, en ons sal dit uitvoer.’

Josua 24:15

Maar as dit verkeerd is in julle oë om die Here te dien, kies julle dan vandag wie julle wil dien, óf die gode anderkant die Rivier wat julle voorouers gedien het, óf die gode van die Amoriete in wie se land julle woon. Maar ek en my huis, ons sal die Here dien.”

1 Samuel 1:11

Sy het 'n gelofte afgelê en gesê: “Here, Heerser oor alle magte, as U tog net die ellende van u slavin wil raaksien en aan my sal dink en u slavin nie sal vergeet nie, en as U aan u slavin 'n manlike nasaat sal gee, dan sal ek hom aan U, Here, teruggee so lank hy leef. 'n Skeermes sal nooit oor sy kop gaan nie. ”

1 Samuel 16:2

Maar Samuel het gesê: “Hoe kan ek gaan? As Saul daarvan hoor, sal hy my doodmaak.” Toe sê die Here: “'n Verskalf moet jy saam met jou neem en dan moet jy sê, ‘Om aan die Here 'n offer te bring – dit is waarvoor ek gekom het.’