2 Samuel 15:25 - Die Bybel 2020-vertaling

²⁵ Die koning sê toe vir Sadok: “Neem die ark van God terug na die stad. As ek guns vind in die oë van die Here, sal Hy my laat terugkeer en my weer die ark en sy staanplek laat sien.

Bybel vir almal

²⁵ Maar toe sê die koning vir Sadok: “Jy moet die kis van God terugneem na die stad. As die Here genadig is vir my en as Hy my laat terugkom, dan sal ek die kis en sy staanplek weer sien.

Afrikaans 1933-1953

²⁵ Toe sê die koning vir Sadok: Bring die ark van God terug in die stad. As ek genade vind in die oë van die Here, sal Hy my terugbring, en Hy sal my dit en sy woning laat sien.

Afrikaans 1983

²⁵ Toe het die koning vir Sadok beveel: “Vat die ark van God terug stad toe. As die Here my dit vergun en my terugbring, sal Hy my die ark en sy heiligdom weer laat sien.

Contemporary Afrikaans Bible 2023

²⁵ Toe sê die koning vir Sadok: Bring die ark van God terug na die stad; as ek guns vind in die oë van die HERE, sal Hy my terugbring en my dit sowel as sy woonplek wys.

Die Boodskap

²⁵ Die koning sê toe vir Sadok: “Vat die ark van God terug stad toe. Miskien sal die Here vir my goed wees en my laat terugkom sodat ek die ark en die plek waar hy staan, weer sal sien.

Nuwe Lewende Vertaling

²⁵ Dawid beveel toe vir Sadok: “Neem die ark van God terug na die stad toe. As die Here my genadig is, sal Hy my terugbring om weer die ark en die heiligdom te sien.

2 Samuel 15:25 Kruisverwysings

2 Samuel 6:17

Hulle het die ark van die Here ingeneem en dit op sy plek neergesit binne-in die tent wat Dawid daarvoor opgeslaan het. Toe het Dawid •brandoffers en •maaltydoffers voor die Here gebring.

2 Samuel 7:2

het die koning vir Natan, die profeet, gesê: “Begryp tog, ek woon in 'n huis van sederhout, terwyl die ark van God in 'n tent gehuisves word.”

Psalms 122:1

'n •Pelgrimslied. Van Dawid. Ek was bly toe hulle vir my gesê het: “Kom ons gaan na die huis van die Here.”

Psalms 122:9

Ter wille van die huis van die Here ons God wil ek die goeie vir jou nastreef.

Psalms 26:8

Here, ek het die huis waar U woon, lief, u heerlike woonplek.

Psalms 84:10

O God, sien ons skild raak, slaan ag op u gesalfde;

Eksodus 15:13

“Deur u troue liefde sal U die volk lei wat U gered het. Deur u krag sal U hulle begelei na u heilige woonplek.

Eksodus 33:12

Moses het vir die Here gesê: “Kyk, U sê vir my, ‘Laat hierdie volk optrek,’ maar self maak U nie aan my bekend wie U saam met my sal stuur nie. U is die Een wat gesê het, ‘Ek ken jou by die naam, en jy het ook guns gevind in my oë.’

Eksodus 33:13

Daarom, as ek wel guns gevind het in u oë, maak tog aan my u paaie bekend, dat ek U kan ken, sodat ek guns bly vind in u oë; besef tog dat hierdie nasie u volk is. ”

Jesaja 38:22

Hiskia het mos gevra: “Wat is die teken dat ek na die huis van die Here sal opgaan?”

Jeremia 25:30

“En jy, jy moet al hierdie woorde teen hulle profeteer. Jy moet vir hulle sê, ‘Die Here, uit die hoogte sal Hy brul, uit sy heilige woning sal Hy sy stem laat hoor. Hy brul geweldig teen sy blyplek. 'n Kreet soos van druiwetrappers hef Hy aan teen al die bewoners van die aarde.

Jeremia 7:4

Moet julle vertroue nie stel op bedrieglike woorde deur te sê, ‘Die •tempel van die Here, die tempel van die Here, die tempel van die Here is dit!’ nie.