2 Samuel 15:24 - Die Bybel 2020-vertaling

²⁴ Kyk, ook Sadok was daar, en al die Leviete saam met hom wat die verbondsark van God dra. Hulle het die ark van God neergesit, en Abjatar het offers gebring totdat al die mense die trek uit die stad voltooi het.

Bybel vir almal

²⁴ En toe kom Sadok ook, en saam met hom was al die Leviete wat die verbondskis van God dra. Hulle het die kis van God neergesit. Abjatar het ook gekom, en hulle het gewag totdat al die mense uit die stad is.

Afrikaans 1933-1953

²⁴ En kyk, Sadok was ook daar, en al die Leviete by hom wat die verbondsark van God dra, en hulle het die ark van God neergesit — Ábjatar het ook opgetrek — totdat al die mense uit die stad tot die laaste toe deurgetrek het.

Afrikaans 1983

²⁴ Sadok en al die Leviete wat die verbondsark van God gedra het, was by die koning. Abjatar het ook saamgekom. Hulle het die ark van God neergesit totdat die volk uit die stad was.

Contemporary Afrikaans Bible 2023

²⁴ En kyk, Sadok, en al die Leviete was saam met hom wat die verbondsark van God gedra het; en hulle het die ark van God neergesit; en Abjatar het opgetrek totdat die hele volk klaar was om die stad uit te trek.

Die Boodskap

²⁴ Sadok en al die Leviete was ook in die groep. Hulle het die verbondsark van God by hulle gehad en dit op ’n plek neergesit waar Abjatar offerdiere verbrand het totdat almal wat saam met Dawid gegaan het, uit die stad was.

Nuwe Lewende Vertaling

²⁴ Sadok en al die Leviete wat die ark van die verbond van God dra, was ook by. Hulle het die ark van God langs die pad neergesit totdat almal uit die stad was.

2 Samuel 15:24 Kruisverwysings

2 Samuel 15:27

Die koning het verder vir Sadok, die priester, gesê: “Sal jy op die uitkyk bly? Gaan in vrede terug na die stad, jy en jou seun Agimaäs, en Jonatan, seun van Abjatar – julle twee se seuns moet by julle wees.

2 Samuel 15:35

Is die priesters Sadok en Abjatar nie saam met jou daar nie? Elke berig wat jy kry uit die koninklike paleis, kan jy aan die priesters Sadok en Abjatar oordra.

2 Samuel 20:25

Sewa was sekretaris, en Sadok en Abjatar was priesters.

2 Samuel 6:13

Wanneer die draers van die ark van die Here ses treë gestap het, het hy 'n bul en 'n vetgemaakte kalf geoffer.

2 Samuel 8:17

Sadok, seun van Agitub, en Agimeleg, seun van Abjatar, was priesters; Seraja was sekretaris,

1 Konings 1:8

Sadok, die priester, Benaja, seun van Jojada, Natan, die profeet, asook Simeï en Reï en die helde in diens van Dawid, het hulle nie by Adonia geskaar nie.

1 Konings 2:26

Vir Abjatar, die priester, het die koning gesê: “Na Anatot moet jy gaan, na jou grond, want jy verdien die dood; maar vandag sal ek jou nie doodmaak nie, omdat jy die ark van die Here, my Heer, voor my vader Dawid gedra het, en omdat jy jou onderwerp het aan al die vernedering wat my vader moes deurmaak. ”

1 Konings 2:35

Die koning het Benaja, seun van Jojada, daarna in sy plek aangestel oor die leër, en die koning het Sadok, die priester, aangestel in die plek van Abjatar.

1 Kronieke 15:2

Toe sê Dawid: “Niemand mag die ark van God dra nie, behalwe die Leviete. Want dit is hulle wat deur die Here uitgekies is om die ark van die Here te dra en Hom vir altyd te dien.”

Esegiël 48:11

Vir die gewyde priesters uit die nageslag van Sadok wat die verpligtinge teenoor My nagekom het, is dit bestem, vir hulle wat nie afgedwaal het toe die Israeliete afgedwaal het soos die Leviete afgedwaal het nie.

Numeri 4:15

Aäron en sy seuns moet die heiligdom en al die heilige voorwerpe toemaak wanneer die kamp verskuif. Eers daarna kan die nageslag van Kehat kom om dit te dra. Hulle mag nie aan iets heiligs raak nie, anders sterf hulle. Dit is dan die voorwerpe in die Tent van Ontmoeting wat die nageslag van Kehat moet dra.

Numeri 7:9

Maar vir die nageslag van Kehat het hy niks gegee nie, want die hantering van die heilige voorwerpe was hulle verantwoordelikheid. Hulle moes dit op hulle skouers dra.

Josua 3:3

en aan die volk opdragte gegee: “Wanneer julle die verbondsark van die Here julle God sien, en die priesters, die Leviete wat dit dra, moet julle van julle staanplekke af verder trek. Volg die ark,

Josua 3:6

Josua het vir die priesters gesê: “Tel die verbondsark op en trek voor die volk oor.” Hulle het toe die verbondsark opgetel en voor die volk geloop.

Josua 6:4

Sewe priesters moet sewe •ramshorings voor die ark dra. Op die sewende dag moet julle sewe keer om die stad trek, terwyl die priesters op die horings blaas.

Josua 6:6

Josua, seun van Nun, het toe die priesters ontbied en vir hulle gesê: “Dra die verbondsark. Sewe priesters moet die horings van sewe ramme voor die ark van die Here dra.”

1 Samuel 22:20

'n Seun van Agimeleg, seun van Agitub, het egter ontkom. Sy naam was Abjatar. Hy het agter Dawid aan gevlug;

1 Samuel 4:11

Die ark van God is weggevoer, en die twee seuns van Eli, Hofni en Pinehas, het gesterf.