2 Samuel 15:12 - Die Bybel 2020-vertaling

¹² Verder het Absalom, terwyl hy die offers bring, vir Agitofel, die man uit Gilo, 'n raadgewer van Dawid, uit sy tuisdorp Gilo ontbied. Die sameswering het sterk geword, en die mense by Absalom het al hoe meer geword.

Bybel vir almal

¹² Terwyl hy die offers gebring het, het Absalom vir Agitofel laat haal uit sy stad Gilo. Agitofel was 'n raadgewer van Dawid. Die manne wat wou hê dat Absalom koning moet word, het meer en meer geword.

Afrikaans 1933-1953

¹² Absalom het ook, terwyl hy die slagoffers bring, Agitófel, die Giloniet, 'n raadgewer van Dawid, uit sy stad, uit Gilo, laat roep. So het dan die sameswering sterk geword en die mense aldeur meer by Absalom aangesluit.

Afrikaans 1983

¹² Absalom het ook Dawid se adviseur Agitofel die Giloniet laat kom uit die stad Gilo waar hy besig was om offers te bring. So het die sameswering ernstige afmetings aangeneem, en die volk het al hoe meer na Absalom toe oorgeloop.

Contemporary Afrikaans Bible 2023

¹² En Absalom het Agitofel, die Giloniet, die raadgewer van Dawid, uit sy stad, uit Gilo, laat roep terwyl hy slagoffers gebring het. En die sameswering was sterk; want die volk het gedurigdeur saam met Absalom vermeerder.

Die Boodskap

¹² Absalom het ook vir Agitofel wat in die dorpie Gilo gebly het, na die offerfees laat kom. Agitofel het altyd vir Dawid goeie raad gegee. So het Absalom se geheime plan al hoe gevaarliker geword, want meer en meer mense het by hom aangesluit.

Nuwe Lewende Vertaling

¹² Hy het ook vir Agitofel, een van Dawid se raadgewers wat in Gilo gewoon het, laat haal waar hy besig was om te offer. Kort voor lank het al hoe meer mense hulle by Absalom aangesluit sodat die sameswering al groter afmetings aangeneem het.

2 Samuel 15:12 Kruisverwysings

2 Samuel 15:31

Dawid is meegedeel: “Agitofel is onder die samesweerders by Absalom.” Daarop sê Dawid: “Laat Agitofel se raad tog dwaasheid wees, Here.”

2 Samuel 16:15

Absalom en al die manskappe, die manne van Israel, het intussen in Jerusalem aangekom. Agitofel was ook by hom.

2 Samuel 17:14

Absalom en al die manne van Israel sê toe: “Die raad van Gusai, die man uit Ereg, is beter as die raad van Agitofel.” Die Here het besluit om Agitofel se goeie raad te dwarsboom, sodat die Here 'n ramp oor Absalom kon bring.

2 Samuel 17:23

En Agitofel, hy het intussen gesien dat sy raad nie gevolg word nie. Toe saal hy die donkie op, maak gereed en gaan na sy huis in sy tuisdorp. Hy het opdragte gegee oor sy huisgesin, en homself opgehang. Hy is dood en is in sy vader se graf neergelê.

2 Samuel 23:34

Elifelet, seun van Agasbai, uit Maäga, Eliam, seun van Agitofel uit Gilo,

1 Konings 21:12

Hulle het 'n vasdag uitgeroep en Nabot voor tussen die mense laat sit.

1 Konings 21:9

In die briewe het sy geskryf: Roep 'n vasdag uit, en laat Nabot voor tussen die mense sit.

1 Kronieke 27:33

en Agitofel was die koning se raadgewer. Gusai, die man uit Ereg, was die vriend van die koning.

Psalms 41:10

Selfs my vriend wat ek vertrou het, hy wat my brood geëet het, het die hakskeen teen my gelig.”

Psalms 41:9

Hulle sê, ‘Iets slegs het hom aangetas, en hy wat daar lê, sal nie weer opstaan nie.’

Spreuke 15:8

Die offer van goddeloses is afstootlik vir die Here, maar die gebed van opregtes geniet sy goedkeuring.

Spreuke 21:27

Die offer van goddeloses is afstootlik, hoeveel te meer as dit gebring word met 'n slinkse bedoeling!

Jeremia 6:20

Waarom nog vir My wierook uit Skeba laat kom, of kosbare kalmoes uit 'n ver land? Julle •brandoffers is nie aanvaarbaar nie, en julle •maaltydoffers geval My nie. ”

Numeri 23:1

Bileam sê toe vir Balak: “Bou vir my hier sewe altare en offer vir my hier sewe bulle en sewe ramme.”

Numeri 23:14

Hy neem hom toe na die oop stuk grond van Sofim, op die kruin van Pisga. Hy het sewe altare gebou en 'n bul en 'n ram op elke altaar geoffer.

Numeri 23:30

Balak het gedoen wat Bileam gesê het. Hy het 'n bul en 'n ram geoffer op elke altaar.

Johannes 13:18

Ek sê dit nie van julle almal nie; Ek weet wie Ek uitgekies het, maar die Skrif moet vervul word, ‘Die een wat my brood geëet het, het sy hakskeen teen my gelig.’

Titus 1:16

Hulle bely dat hulle God ken, maar weerspreek dit met hulle dade; hulle is afstootlik en onversetlik, onbekwaam om enigiets goeds te doen.

Josua 15:51

Gosen, Golon en Gilo – 11 dorpe met hulle gehuggies.