2 Samuel 12:5 - Die Bybel 2020-vertaling

⁵ Dawid het baie kwaad geword vir daardie man. Hy het vir Natan gesê: “So waar as die Here leef, die man wat dit gedoen het, verdien die dood.

Bybel vir almal

⁵ Dawid het baie kwaad geword vir die ryk man. Hy het vir Natan gesê: “So seker soos die Here lewe, die man wat dit gedoen het, moet sterf.

Afrikaans 1933-1953

⁵ En Dawid het baie kwaad geword vir die man en aan Natan gesê: So waar as die Here leef, die man wat dit gedoen het, moet sterwe!

Afrikaans 1983

^5-6 Dawid het hom bloedig vererg oor die man en vir Natan gesê: “So seker as die Here leef, 'n man wat dit oor sy hart kon kry om so iets te doen, moet doodgemaak word, en hy moet viervoudig vir die ooilam vergoed.”

Contemporary Afrikaans Bible 2023

⁵ En Dawid se toorn het baie teen die man ontvlam; en hy sê vir Natan: So waar as die HERE leef, die man wat hierdie ding gedoen het, sal sekerlik sterwe.

Die Boodskap

⁵ Dawid was briesend kwaad vir die man wat so iets kon doen. Hy sê vir Natan: “So waar as die Here leef, die man wat dít gedoen het, moet die doodstraf kry!

Nuwe Lewende Vertaling

⁵ Dawid was woedend. “So seker as wat die Here leef,” sê hy vir Natan, “die man wat dit gedoen het, verdien die dood!

2 Samuel 12:5 Kruisverwysings

Genesis 38:24

Ongeveer drie maande later word daar toe aan Juda berig gebring: “Tamar, jou skoondogter, het gehoereer, en erger nog, kyk, sy is swanger van die hoerery.” Juda sê toe: “Bring haar uit, sodat sy verbrand kan word.”

2 Samuel 12:4

Toe daar 'n besoeker by die ryk man opdaag, was hy te jammer om van sy kleinvee of beeste te neem om vir die reisiger wat by hom opgedaag het, iets voor te berei. Hy neem toe die ooilam van die arm man, en berei 'n ete voor vir die man wat by hom aangekom het.”

2 Samuel 14:8

Die koning sê toe vir die vrou: “Gaan maar huis toe; ek sal opdragte gee oor jou.”

Lukas 9:55

Maar Hy het omgedraai en hulle tereggewys.

Romeine 2:1

Daarom is daar vir jou, o mens, wat oordeel, wie jy ook al is, geen verontskuldiging nie. Met die oordeel wat jy oor die ander persoon uitspreek, veroordeel jy immers jouself, omdat jy wat oordeel, dieselfde doen.

1 Samuel 14:39

Want so waar as die Here leef, Hy wat Israel verlos – selfs as dit deur my seun Jonatan gedoen is, moet hy beslis sterf. ” Maar van al die manskappe het nie een hom geantwoord nie.

1 Samuel 20:31

Want solank die seun van Isai op aarde leef, sal nie jy of jou koningskap staande bly nie. En nou, stuur iemand en bring hom na my! Hy is so goed soos dood!”

1 Samuel 26:16

Hierdie ding wat jy gedoen het, is nie goed nie. So waar as die Here leef, julle verdien die dood, omdat julle nie wag gehou het by julle heer, die gesalfde van die Here nie. Kyk nou 'n bietjie: Waar is die vegspies van die koning en die waterkruik wat by sy kop was?”