2 Samuel 11:8 - Die Bybel 2020-vertaling

⁸ Dawid sê toe vir Urija: “Gaan af na jou huis en was jou voete.” Toe Urija uit die paleis van die koning gaan, het 'n geskenk van die koning hom gevolg,

Bybel vir almal

⁸ Daarna het Dawid vir Urija gesê: “Gaan nou huis toe en was jou voete.” Toe Urija uit die paleis gaan, het die koning vir hom 'n present gestuur.

Afrikaans 1933-1953

⁸ En Dawid sê vir Uría: Gaan af na jou huis en was jou voete. En toe Uría uit die paleis uitgaan, het 'n geskenk van die koning hom gevolg.

Afrikaans 1983

⁸ Hierna het Dawid vir Urija gesê: “Gaan nou maar huis toe en rus 'n bietjie.” Toe Urija uit die paleis gaan, het die koning ook nog 'n geskenk agter hom aangestuur.

Contemporary Afrikaans Bible 2023

⁸ Dawid het vir Uría gesê: Gaan af na jou huis en was jou voete. En Uría het uit die huis van die koning gegaan, en 'n klomp vleis van die koning het hom gevolg.

Die Boodskap

⁸ Daarna sê Dawid vir hom: “Gaan nou na jou huis toe, dan ontspan jy lekker.” Net na Urija uit die paleis is, het die koning vir hom ’n groot ete gestuur.

Nuwe Lewende Vertaling

⁸ Toe sê hy vir Urija: “Gaan gerus huis toe en rus ’n bietjie.” Dawid het selfs ’n geskenk agter Urija aan gestuur nadat hy die paleis verlaat het.

2 Samuel 11:8 Kruisverwysings

Genesis 18:4

Laat daar 'n bietjie water gehaal word; en was u voete. Maak u dan gemaklik onder die boom.

Genesis 19:2

Hy sê toe: “Ag, menere, draai asseblief af na die huis van u dienaar, bly die nag oor en was u voete! U kan vroeg opstaan en op u pad gaan.” Maar hulle het gesê: “Nee, ons sal hier in die oop ruimte oornag.”

Genesis 43:24

Die man het die manne in Josef se huis ingeneem. Hy het water verskaf, en hulle het hulle voete gewas. Hy het ook vir hulle donkies voer gegee.

Genesis 43:34

Porsies is aan hulle bedien van wat aan Josef voorgesit was. Benjamin se porsie was vyf maal groter as almal se porsies. Hulle het gedrink en saam met hom dronk geword.

Psalms 12:2

Verlos tog, Here! Want daar is nie meer getroue volgelinge nie; die betroubares onder die mense het verdwyn.

Psalms 44:21

As ons die Naam van ons God vergeet het, ons hande na 'n vreemde god uitgestrek het,

Psalms 55:21

Teen sy vriende het hy sy hand uitgesteek; hy het sy verbond geskend.

Jesaja 29:15

Wee hulle wat planne vir die Here diep wegsteek! Hulle dade vind in die donker plaas, en hulle sê: “Wie sien ons en wie ken ons?”

Lukas 12:2

Daar is niks bedek wat nie openbaar sal word nie, en niks verborge wat nie bekend sal word nie.

Lukas 7:44

Toe het Hy omgedraai na die vrou en vir Simon gesê: “Sien jy hierdie vrou? Toe Ek by jou huis ingestap het, het jy nie eers vir my water vir my voete gegee nie, maar sy het my voete met haar trane nat gemaak en met haar hare afgedroog.

Hebreërs 4:13

Ja, niks wat geskape is, is vir Hom verborge nie, maar alles is oop en bloot voor sy oë, Hom teenoor wie ons ons moet verantwoord.