2 Samuel 11:17 - Die Bybel 2020-vertaling

¹⁷ Toe die manne van die stad uittrek en teen Joab veg, het van die manskappe, van Dawid se dienaars, geval. Ook Urija, die Hetiet, het gesterf.

Bybel vir almal

¹⁷ Die vyande het uit die stad gekom en hulle het teen Joab en die manne geveg. Party van Dawid se manne het gesterf, en Urija die Hetiet het ook gesterf.

Afrikaans 1933-1953

¹⁷ En toe die manne van die stad uittrek en met Joab veg, het daar van die manskappe, van die dienaars van Dawid, geval, en Uría, die Hetiet, het ook gesterwe.

Afrikaans 1983

¹⁷ Die burgers van die stad het uitgekom en teen Joab geveg. Daar het van Dawid se soldate gesneuwel, en Urija die Hetiet het ook omgekom.

Contemporary Afrikaans Bible 2023

¹⁷ En die manne van die stad het uitgetrek en teen Joab geveg, en daar het van die mense van die dienaars van Dawid geval; en Urija, die Hetiet, het ook gesterf.

Die Boodskap

¹⁷ Die soldate van die stad het uitgekom om teen Joab te veg. Van Dawid se soldate is in die geveg dood. Urija, die Hetiet, was een van hulle.

Nuwe Lewende Vertaling

¹⁷ Die verdedigers het uitgekom om teen Joab te veg. Verskeie van Dawid se soldate het gesneuwel, ook Urija die Hetiet.

2 Samuel 11:17 Kruisverwysings

2 Samuel 11:16

Joab het, nadat hy die stad dopgehou het, Urija geplaas op die plek waar hy besef het daar bekwame verdedigers was.

2 Samuel 11:18

Joab het iemand gestuur wat Dawid moes inlig oor die hele verloop van die oorlog.

2 Samuel 11:21

Wie het Abimeleg, seun van Jerubbeset, neergevel? Was dit nie 'n vrou wat 'n boonste maalklip van die muur af op hom gegooi het, sodat hy in Tebes gesterf het nie? Waarom het julle so na aan die muur gekom?’ dan moet jy net sê, ‘U dienaar, Urija, die Hetiet, is ook dood.’ ”

2 Samuel 12:9

Waarom het jy die woord van die Here geminag deur kwaad te doen in my oë? Urija, die Hetiet, het jy met die swaard neergevel. Sy vrou het jy vir jou as vrou geneem, en hom het jy deur die swaard van die Ammoniete vermoor.

Psalms 51:14

Laat my weer die vreugde oor u verlossing ervaar, laat 'n gewillige gees my ondersteun.