2 Samuel 10:6 - Die Bybel 2020-vertaling

⁶ Toe die Ammoniete besef dat hulle hulleself veragtelik gemaak het by Dawid, het hulle 'n afvaardiging gestuur en Arameërs van Bet-Regob en Soba gehuur – twintigduisend voetsoldate – en ook die koning van Maäga met 'n duisend man en manne van Tob, twaalfduisend van hulle.

Bybel vir almal

⁶ Die Ammoniete het besef dat Dawid kwaad is vir hulle, en hulle het mense gestuur om soldate te huur om vir hulle te help. Hulle het 20 000 voetsoldate gehuur van die Arameërs van Bet-Regob en van die Arameërs van Soba. Hulle het ook 1 000 manne gehuur van die koning van Maäka en 12 000 manne van die mense van Tob.

Afrikaans 1933-1953

⁶ Toe die kinders van Ammon sien dat hulle hul gehaat gemaak het by Dawid, het die kinders van Ammon gestuur en die Arameërs van Bet-Rehob en die Arameërs van Soba gehuur, twintigduisend voetgangers, en van die koning van Máäga, duisend man, en die manne van Tob, twaalfduisend man.

Afrikaans 1983

⁶ Die Ammoniete het geweet dat hulle hulle by Dawid in onguns gebring het. Hulle het toe 'n afvaardiging gestuur en by die Arameërs van Bet-Regob en by dié van Soba twintig duisend voetsoldate gehuur; by koning Maäka het hulle duisend gehuur en by Is-Tob twaalf duisend.

Contemporary Afrikaans Bible 2023

⁶ En toe die kinders van Ammon sien dat hulle voor Dawid gestink het, het die kinders van Ammon gestuur en die Arameërs van Betrehob en die Arameërs van Soba, twintig duisend voetgangers, en van koning Maäka duisend man en van Istob twaalf duisend man gehuur.

Die Boodskap

⁶ Die Ammoniete het geweet Dawid is baie kwaad vir hulle. Daarom het hulle mense gestuur om vir hulle soldate te huur. Hulle het 20 000 Aramese soldate by die regerings van Regob en Soba gekry. Hulle het ook by die koning van Maäka 1 000 manskappe en by Is-Tob nog 12 000 gehuur.

Nuwe Lewende Vertaling

⁶ Die Ammoniete het besef dat hulle Dawid beledig het. Hulle stuur toe gesante en huur 20 000 voetsoldate by die Arameërs uit Bet-Regob en Soba, asook 1 000 by die koning van Maäka, en 12 000 uit die land Is-Tob.

2 Samuel 10:6 Kruisverwysings

Genesis 34:30

Jakob het vir Simeon en Levi gesê: “Julle het my in die ongeluk gestort deur my veragtelik te maak by die inwoners van die land, by die Kanaäniete en Feresiete. Ek het maar min mense; as hulle teen my saamtrek en my aanval, sal ek uitgedelg word, ek en my huis.”

2 Samuel 10:5

Toe Dawid daaroor ingelig is, het hy mense gestuur om hulle te ontmoet, want die manne was verskriklik verneder. Die koning het gesê: “Bly in Jerigo totdat julle baarde weer gegroei het, en kom dan terug.”

2 Samuel 10:7

Dawid het daarvan te hore gekom en vir Joab met die hele leër, die helde, gestuur.

2 Samuel 16:21

Agitofel het Absalom geantwoord: “Gaan in by die byvroue van jou pa wat hy agtergelaat het om die paleis op te pas. Die hele Israel sal hoor dat jy jou veragtelik gemaak het by jou pa. Dit sal die hande sterk van almal wat by jou is.”

2 Samuel 23:34

Elifelet, seun van Agasbai, uit Maäga, Eliam, seun van Agitofel uit Gilo,

2 Samuel 8:12

van Aram, Moab, die Ammoniete, die Filistyne en die Amalekiete. Daarby was ook van die buit van Hadad-Eser, seun van Regob, die koning van Soba.

2 Samuel 8:3

Dawid het ook Hadad-Eser, seun van Regob, die koning van Soba, verslaan toe dié gegaan het om sy beheer oor die gebied langs die Eufraatrivier te herstel.

2 Samuel 8:5

Toe die Arameërs van Damaskus vir Hadad-Eser, die koning van Soba, te hulp kom, het Dawid twee-en-twintigduisend man uit Aram neergevel.

1 Konings 11:24

Hy het manne om hom vergader en die •aanvoerder van 'n rowerbende geword juis toe Dawid besig was om 'n slagting onder sy mense aan te rig. Hulle het toe na Damaskus gegaan, daar gaan woon en in Damaskus die bewind oorgeneem.

2 Konings 7:6

Die Heer het die leër van die Arameërs die geluid van strydwaens en perde, die geluid van 'n groot mag, laat hoor, en hulle het vir mekaar gesê: “Kyk, die koning van Israel het die konings van die Hetiete en die konings van Egipte teen ons gehuur om ons te oorval!”

Psalms 48:4

God is in die vestings van die stad. Hy is bekend as 'n toevlugsoord.

Eksodus 5:21

Hulle sê toe vir hulle: “Mag die Here julle raaksien en oor julle oordeel, omdat julle ons aanstootlik gemaak het in die oë van die farao en sy amptenare, deur 'n swaard in hulle hand te plaas om ons dood te maak.”

Spreuke 25:8

moet jy nie haastig voor die gereg bring nie; wat sal jy uiteindelik doen as jou medemens jou verneder?

Jeremia 40:8

het hulle na Gedalja in Mispa gekom. Dit was Ismael, seun van Netanja, Joganan en Jonatan, seuns van Kareag, asook Seraja, seun van Tangumet, en die seuns van Efai uit Netofa, en ook Jesanja, seun van 'n man uit Maäga – hulle en hulle manskappe.

Jeremia 46:21

Selfs haar huurtroepe in haar geledere is soos vetgemaakte bulkalwers; maar ook hulle draai om, vlug saam weg. Hulle bly nie staan nie; want die dag van hulle teenspoed het vir hulle aangebreek, die tyd wanneer met hulle afgereken word.

Deuteronomium 3:14

Jaïr, 'n afstammeling van Manasse, het die hele landstreek van Argob tot by die grens van Gesur en Maäga gekry. Hy het die dorpe, ook Basan, na homself vernoem. Dit word vandag nog Gawwoot-Jaïr genoem.

Rigters 11:3

Jefta het toe van sy broers af padgegee en in die landstreek Tob gaan woon. Leeglêers het by Jefta aangesluit en saam met hom strooptogte onderneem.

Rigters 11:5

Terwyl die Ammoniete met Israel geveg het, het die oudstes van Gilead vir Jefta gaan haal in die landstreek Tob.

Rigters 18:28

Niemand kon hulle red nie, want die dorp was ver van Sidon af en hulle het niks met enigiemand te doen gehad nie. Die dorp was in die vallei wat by Bet-Regob is. Hulle het die dorp herbou en daarin gewoon.

1 Samuel 13:4

In die hele Israel is die nuus versprei: “Saul het die Filistynse wagpos aangeval; maar wat erger is, Israel is veragtelik gemaak by die Filistyne.” Die manskappe is toe opgeroep na Saul in Gilgal.

1 Samuel 27:12

Agis het Dawid vertrou, en gedink: “Hy het hom so afstootlik gedra by sy volk Israel dat hy vir altyd my dienaar sal wees.”