2 Samuel 10:2 - Die Bybel 2020-vertaling

² Dawid sê toe: “Ek wil welwillendheid betoon teenoor Ganun, seun van Nagas, soos sy vader teenoor my welwillendheid betoon het.” Dawid stuur toe sy amptenare om met hom meegevoel te betuig oor sy vader. Toe die amptenare van Dawid in die gebied van die Ammoniete aankom,

Bybel vir almal

² Dawid het gedink: Ganun se pa was 'n vriend van my, ek wil ook 'n vriend wees van Ganun seun van Nagas. Dawid het toe amptenare gestuur om vir Ganun te sê dat hy saam met hom hartseer voel omdat sy pa dood is. Maar toe die amptenare van Dawid in die land van die Ammoniete kom,

Afrikaans 1933-1953

² Toe sê Dawid: Ek wil guns bewys aan Hanun, die seun van Nahas, soos sy vader aan my guns bewys het. Daarom het Dawid gestuur om hom deur sy dienaars oor sy vader te troos. Toe die dienaars van Dawid dan in die land van die kinders van Ammon kom,

Afrikaans 1983

² en Dawid het gedink: “Ek wil met Nagas se seun Ganun op goeie voet bly, want sy pa was my goedgesind.” Dawid het toe gesante na hom toe gestuur om deelneming te betuig met die dood van sy pa. Toe die gesante van Dawid in die land van die Ammoniete kom,

Contemporary Afrikaans Bible 2023

² Toe sê Dawid: Ek sal guns bewys aan Hanun, die seun van Nahas, soos sy vader guns aan my bewys het. En Dawid het gestuur om hom te troos deur die hand van sy dienaars vir sy vader. En Dawid se dienaars het in die land van die kinders van Ammon gekom.

Die Boodskap

² Dawid het gedink: “Ek sal vriendelik wees met Nagas se seun Ganun, want sy pa was altyd vriendelik met my.” Dawid stuur toe van sy amptenare om vir Ganun te sê hy is jammer oor sy pa se dood. Maar toe Dawid se mense in die land van die Ammoniete aankom,

Nuwe Lewende Vertaling

² Dawid het gedink: “Ek sal ’n goeie verhouding met Ganun handhaaf ter wille van sy pa Nagas. Hy was altyd lojaal aan my.” Dawid stuur toe gesante om sy medelye oor sy pa se dood aan Ganun oor te dra. Maar toe Dawid se gesante in die land Ammon aankom,

2 Samuel 10:2 Kruisverwysings

2 Samuel 17:27

Toe Dawid in Maganajim aankom, was Sobi, seun van Nagas uit Rabba van die Ammoniete, en Magir, seun van Ammiël uit Lo-Dabar, en Barsillai, 'n man van Gilead wat uit Rogelim kom,

1 Samuel 11:1

Nagas, die Ammoniet, het opgetrek en Jabes in Gilead beleër. Al die manne van Jabes sê toe vir Nagas: “Sluit met ons 'n ooreenkoms, dan sal ons u dien.”