2 Samuel 10:17 - Die Bybel 2020-vertaling

¹⁷ Toe Dawid die berig kry, het hy die hele Israel byeengebring, die Jordaan oorgesteek en in Gelam aangekom. Die Arameërs het gevegslinies opgestel teenoor Dawid en teen hom geveg.

Bybel vir almal

¹⁷ Dawid het dit gehoor, en hy het al die Israeliete laat bymekaarkom. Hy het oor die Jordaan-rivier gegaan en hy het by Gelam gekom. Die Arameërs het gereedgemaak en hulle het begin oorlog maak teen Dawid.

Afrikaans 1933-1953

¹⁷ Intussen het Dawid daarvan berig gekry en die hele Israel versamel en deur die Jordaan getrek en in Helam aangekom; en die Arameërs het hulle teenoor Dawid opgestel en teen hom geveg.

Afrikaans 1983

¹⁷ Toe Dawid die berig kry, het hy die hele Israel bymekaargemaak, die Jordaan oorgesteek en by Gelam gekom. Die Arameërs het teenoor hom stelling ingeneem en die stryd aangeknoop.

Contemporary Afrikaans Bible 2023

¹⁷ En toe dit aan Dawid meegedeel is, het hy die hele Israel versamel en deur die Jordaan getrek en by Helam aangekom. En die Arameërs het hulle teen Dawid opgestel en teen hom geveg.

Die Boodskap

¹⁷ Toe Dawid dit hoor, het hy al die Israeliete wat kon veg, bymekaar laat kom en deur die Jordaanrivier na Gelam toe getrek. Die Arameërs was reg vir Dawid en het teen hom begin veg.

Nuwe Lewende Vertaling

¹⁷ Toe Dawid hoor wat aan die gang was, het hy die hele Israel opgeroep, die Jordaan oorgesteek en die leër na Gelam gelei. Die Arameërs het stelling ingeneem en Dawid aangeval.

2 Samuel 10:17 Kruisverwysings

2 Samuel 10:16

Hadad-Eser het boodskappers gestuur en die Arameërs wat anderkant die Rivier, was, laat optrek. Hulle het by Gelam aangekom met Sobag, die bevelvoerder van die leër van Hadad-Eser, op die voorpunt.

2 Samuel 10:18

Maar die Arameërs het voor Israel op die vlug geslaan. Dawid het van die Arameërs sewehonderd trekperde en veertig afdelings van die strydwabemanning doodgemaak. Sobag, die bevelvoerder van sy leër, het hy neergevel, en hy het daar gesterf.

1 Kronieke 19:17

Toe Dawid die berig kry, het hy die hele Israel byeengebring, die Jordaan oorgesteek, by die Arameërs aangekom, en gevegslinies teen hulle opgestel. Dawid het die linies teenoor die Arameërs opgestel vir die geveg, en hulle het teen hom geveg.