2 Samuel 10:16 - Die Bybel 2020-vertaling

¹⁶ Hadad-Eser het boodskappers gestuur en die Arameërs wat anderkant die Rivier, was, laat optrek. Hulle het by Gelam aangekom met Sobag, die bevelvoerder van die leër van Hadad-Eser, op die voorpunt.

Bybel vir almal

¹⁶ Hadad-Eser het ook die Arameërs laat kom wat oorkant die Eufraat-rivier was. Hulle het bymekaargekom by die stad Gelam, en Sobak, die hoof van Hadad-Eser se leër, het hulle gelei.

Afrikaans 1933-1953

¹⁶ Ja, Hadaréser het gestuur en die Arameërs van oorkant die Eufraat laat uittrek, en hulle het in Helam aangekom, met Sobag, die leërowerste van Hadaréser, op hulle voorpunt.

Afrikaans 1983

¹⁶ Hadad-Eser het naamlik afvaardigings gestuur en die Arameërs van oorkant die Eufraat af laat kom. Hulle leër het gekom, en Sobak, die hoof van Hadad-Eser se leër, het die leiding geneem.

Contemporary Afrikaans Bible 2023

¹⁶ En Hadaréser het gestuur en die Arameërs uitgebring wat oorkant die Eufraat was, en hulle het by Helam aangekom; en Sobag, die leërowerste van Hadaréser, het voor hulle uit getrek.

Die Boodskap

¹⁶ Hadad-Eser het ook die soldate wat oorkant die Eufraat was, laat kom. Die hele leër van die Arameërs het na Gelam toe getrek. Sobak, Hadad-Eser se groot generaal, was die leier.

Nuwe Lewende Vertaling

¹⁶ en Hadad-Eser het nog Aramese troepe van die oorkant van die Eufraatrivier af ontbied. Hierdie manskappe het onder die bevel van Sobak, die bevelvoerder van Hadad-Eser se leër, in Gelam aangekom.

2 Samuel 10:16 Kruisverwysings

2 Samuel 10:15

Toe die Arameërs sien dat hulle deur Israel verslaan is, het hulle hergroepeer.

2 Samuel 10:17

Toe Dawid die berig kry, het hy die hele Israel byeengebring, die Jordaan oorgesteek en in Gelam aangekom. Die Arameërs het gevegslinies opgestel teenoor Dawid en teen hom geveg.

1 Konings 11:23

God het vir Salomo nog 'n teenstander laat opstaan – Reson, seun van Eljada, wat gevlug het van sy heer, Hadad-Eser, die koning van Soba.

1 Kronieke 18:3

Dawid het ook Hadad-Eser, die koning van Soba, by Hamat verslaan toe dié gegaan het om sy mag aan die Eufraatrivier te vestig.

1 Kronieke 18:5

Toe die Arameërs van Damaskus vir Hadad-Eser, die koning van Soba, te hulp kom, het Dawid twee-en-twintigduisend man uit Aram neergevel.

1 Kronieke 19:16

Toe die Arameërs sien dat hulle deur Israel verslaan is, het hulle boodskappers uitgestuur en die Arameërs wat anderkant die Rivier was, laat optrek. Sofak, die bevelvoerder van die leër van Hadad-Eser, was op die voorpunt.