2 Samuel 1:23 - Die Bybel 2020-vertaling

²³ “Saul en Jonatan, geliefd en innemend, is in lewe en dood nie geskei nie. Hulle was vinniger as arende, sterker as leeus.

Bybel vir almal

²³ Ons was lief vir Saul en Jonatan, en hulle was vir ons mooi. Hulle is bymekaar nadat hulle gesterf het soos hulle bymekaar was toe hulle gelewe het. Hulle was vinniger as arende en sterker as leeus.

Afrikaans 1933-1953

²³ Saul en Jónatan, die bemindes en lieflikes, is in hulle lewe en in hulle dood nie geskeie nie. Vinniger as arende was hulle, sterker as leeus.

Afrikaans 1983

²³ Saul en Jonatan, geliefde en beminde mense – in lewe en sterwe nie geskei nie. Hulle was vinniger as arende, sterker as leeus.

Contemporary Afrikaans Bible 2023

²³ Saul en Jónatan was lieflik en aangenaam in hulle lewens, en in hulle dood was hulle nie verdeeld nie: hulle was vinniger as arende, hulle was sterker as leeus.

Die Boodskap

²³ Saul en Jonatan, sy seun - die mense was baie lief vir hulle. Hulle was altyd bymekaar; nou is hulle ook saam in die dood. Hulle was so vinnig soos valke, so dapper soos leeus.

Nuwe Lewende Vertaling

²³ Saul en Jonatan, geliefd en bemind, was in lewe of dood nie geskei nie. Vinniger as arende was hulle, sterker as leeus.

2 Samuel 1:23 Kruisverwysings

2 Samuel 1:24

“Dogters van Israel, huil oor Saul, hy wat julle in karmosynrooi geklee, met juwele versier het, wat julle klere met goue juwele getooi het.

2 Samuel 2:18

Seruja se drie seuns, Joab, Abisai en Asael, was ook daar. Asael was so vlug van voet soos een van die gaselle in die veld.

2 Samuel 23:20

Dan was daar Benaja, seun van Jojada, 'n onverskrokke man uit Kabseël wat groot dade gedoen het. Hy is die een wat die twee manne van Moab, manne met leeuemoed, verslaan het. Dit is hy wat op 'n dag toe dit gesneeu het, binne-in 'n opgaarput afgegaan en 'n leeu neergevel het.

1 Kronieke 12:8

Van die mense van Gad het oorgeloop na Dawid, na die bergvesting in die woestyn, dapper manne, krygsmanne gereed vir die geveg, toegerus met grootskild en steekspies. Hulle gesigsuitdrukkings was soos dié van leeus, en soos gaselle op die berge, so vinnig was hulle.

Job 9:26

dit gly verby saam met papirusbootjies, soos 'n arend wat sweef bo 'n prooi.

Spreuke 30:30

'n leeu, die held onder die diere wat vir niks terugdeins nie,

Hooglied 5:16

Sy mond is pure soetigheid, hy is die begeerlikheid self. So lyk my liefste, so lyk my vriend, meisies van Jerusalem!

Jeremia 4:13

Kyk, soos wolke kom hy op, en soos 'n stormwind is sy strydwaens. Vinniger as arende is sy perde. “Wee ons, want ons word verwoes!”

Klaagliedere 4:19

Ons agtervolgers was vinniger as arende in die lug; oor die berge het hulle op ons hakke gebly, in die woestyn het hulle ons voorgelê.

Deuteronomium 28:49

Die Here sal teen jou 'n nasie bring, van ver, van die einde van die aarde af, wat afduik soos 'n arend, 'n nasie wie se taal jy nie verstaan nie,

Rigters 14:18

Die manne van die stad het op die sewende dag, net voor sononder, vir Simson gesê: “Wat is soeter as heuning en wat is sterker as 'n leeu?” Hy sê toe vir hulle: “As julle nie met my vers geploeg het nie, sou julle nie my raaisel kon oplos nie.”

1 Samuel 18:1

Toe Dawid klaar met Saul gepraat het, was Jonatan reeds baie geheg aan Dawid. Jonatan het hom liefgekry soos homself.

1 Samuel 20:2

Hy het hom geantwoord: “Hoegenaamd nie! Jy sal nie sterf nie! Kyk, my pa doen niks, groot of klein, sonder om my in te lig nie. Waarom sou my pa hierdie saak vir my wegsteek? Dit kan nie wees nie.”