2 Samuel 1:12 - Die Bybel 2020-vertaling

¹² Hulle het gerou en gehuil, en tot die aand gevas oor Saul en sy seun Jonatan, en oor die manskappe van die Here en die huis van Israel, omdat hulle deur die swaard geval het.

Bybel vir almal

¹² Hulle het tot die aand gerou en gehuil en gevas oor Saul en sy seun Jonatan, oor die manne van die Here en oor die volk Israel, want hulle het in die oorlog gesterf.

Afrikaans 1933-1953

¹² En hulle het gerouklaag en geween en gevas tot die aand toe oor Saul en oor sy seun Jónatan en oor die volk van die Here en oor die huis van Israel, omdat hulle deur die swaard geval het.

Afrikaans 1983

¹² Hulle het tot die aand gerou en getreur en gevas oor Saul en sy seun Jonatan en oor die volk van die Here, die Israeliete, omdat hulle gesneuwel het.

Contemporary Afrikaans Bible 2023

¹² En hulle het getreur en geween en tot die aand toe gevas oor Saul en oor sy seun Jónatan en oor die volk van die HERE en oor die huis van Israel; want hulle is deur die swaard geval.

Die Boodskap

¹² Hulle het daardie hele dag niks geëet nie. Hulle het gehuil en hardop uitgeroep: “Arme Saul! Arme Jonatan! Die arme volk van die Here! Die arme Israeliete wat in die oorlog dood is!”

Nuwe Lewende Vertaling

¹² Hulle het gerou en getreur en tot die aand toe gevas oor die dood van Saul en Jonatan en oor die volk van die Here en die krygsmanne van Israel omdat hulle gesneuwel het.

2 Samuel 1:12 Kruisverwysings

2 Samuel 3:35

Al die manskappe het gekom om vir Dawid brood aan te bied terwyl dit nog dag was. Maar Dawid het 'n eed afgelê: “Mag God my swaar straf as ek aan brood of enigiets proe voordat die son ondergaan!”

Spreuke 24:17

Wanneer jou vyand val, moet jou nie verheug nie; wanneer hy tot 'n val kom, laat jou hart nie jubel nie.

Jeremia 9:1

Ag, was my hele kop maar water, en my oog 'n fontein van trane, sodat ek dag en nag kon huil oor die gesneuweldes van die dogter van my volk!

Amos 6:6

Hulle drink offerbakke vol wyn; met die beste olies salf hulle hulleself; maar hulle treur nie oor die ondergang van Josef nie.

Matteus 5:44

Maar Ek sê vir julle: Julle moet julle vyande liefhê en bid vir hulle wat julle vervolg,

2 Korinthiërs 11:29

Wie is swak, en ek is nie ook swak nie? Wie kom tot struikeling, en ek brand nie van ontsteltenis nie?

1 Petrus 3:8

Ten slotte: Wees almal eensgesind, meelewend, vol broederliefde, vol ontferming, nederig,

1 Samuel 31:13

Toe het hulle hulle beendere geneem en dit onder die tamarisk by Jabes begrawe. Hulle het sewe dae lank gevas.

1 Samuel 31:6

So het Saul, sy drie seuns en sy wapendraer, asook al sy manne, op daardie dag saam gesterf.