2 Konings 9:6 - Die Bybel 2020-vertaling

⁶ Jehu het opgestaan en die huis binnegegaan. Toe giet die profeet die olie oor sy kop uit en sê vir hom: “So sê die Here, die God van Israel, ‘Ek salf jou as koning oor die volk van die Here, oor Israel.

Bybel vir almal

⁶ Jehu het opgestaan en in die huis ingegaan, en die profeet het die olyf-olie op sy kop uitgegooi en vir hom gesê: “Die Here, die God van Israel, sê: Ek salf jou om koning te wees van my volk Israel.

Afrikaans 1933-1953

⁶ En hy het opgestaan en in die huis ingegaan. Toe giet hy die olie op sy hoof uit en sê vir hom: So spreek die Here, die God van Israel: Ek salf jou as koning oor die volk van die Here, oor Israel.

Afrikaans 1983

⁶ Jehu het opgestaan en toe hy in die ander vertrek inkom, het die profeet die olie op Jehu se kop uitgegiet met die woorde: “So sê die Here die God van Israel: Ek salf jou tot koning oor Israel, die volk van die Here.

Contemporary Afrikaans Bible 2023

⁶ En hy het opgestaan en in die huis ingegaan; en hy het die olie op sy hoof uitgegooi en vir hom gesê: So spreek die HERE, die God van Israel: Ek het jou as koning gesalf oor die volk van die HERE, oor Israel.

Die Boodskap

⁶ Jehu het toe opgestaan en saam met hom die huis ingegaan. Die jongman het die olie op sy kop uitgegooi en gesê: “Die Here, die God van Israel, sê: ‘Ek salf jou om koning te wees oor my volk, Israel.

2 Konings 9:6 Kruisverwysings

1 Konings 1:34

en dan moet Sadok, die priester, en Natan, die profeet, hom daar salf as koning oor Israel. Blaas op die •ramshoring en roep dan uit, ‘Lank lewe koning Salomo!’

1 Konings 10:9

Die Here u God moet geprys word, Hy wat u so goedgesind is om u op die troon van Israel te plaas. Omdat die Here Israel altyd liefhet, het Hy u as koning aangestel om reg en geregtigheid te laat geskied. ”

1 Konings 14:7

Gaan sê vir Jerobeam, ‘So sê die Here, die God van Israel: “Omdat Ek jou verhef het uit die volk se midde en jou as leier oor my volk Israel aangestel het,

1 Konings 16:2

“Omdat Ek jou uit die stof opgehef en jou aangestel het as leier oor my volk Israel, maar jy toe die pad van Jerobeam gevolg en my volk Israel laat sondig het deurdat hulle My getart het met hulle sondes,

1 Konings 19:16

Jehu, seun van Nimsi, moet jy salf as koning oor Israel, en Elisa, seun van Safat, uit Abel-Megola, moet jy salf as profeet in jou plek.

1 Konings 3:8

U dienskneg bevind hom onder u volk wat U gekies het, 'n groot volk wat vanweë sy grootte nie bereken of getel kan word nie.

2 Konings 9:3

Neem dan die fles olie, giet dit oor sy kop uit en sê, ‘So sê die Here: “Ek salf jou as koning oor Israel.” ’ Maak dan die deur oop en vlug – moenie talm nie!”

2 Konings 9:5

Toe hy daar aankom, sit die •aanvoerders van die leërmag juis daar bymekaar. Hy sê toe: “Ek het 'n boodskap vir u, bevelvoerder. ” Jehu vra toe: “Vir wie van ons?” “Vir u, bevelvoerder,” het hy geantwoord.

2 Kronieke 22:7

Van God se kant af was dit 'n beskikking oor Ahasia om by Joram uit te kom. Met sy aankoms het hy saam met Joram uitgetrek teen Jehu, seun van Nimsi, vir wie die Here gesalf het om die huis van Agab uit te roei.

Psalms 2:6

“Ek self het my koning gesalf op Sion, my •heilige berg.”

Psalms 75:6

Moenie julle horings teen die hemel lig nie; moenie verwaand, met 'n stywe nek, praat nie.

Jesaja 45:1

“ So sê die Here vir sy gesalfde, vir Kores, wie se regterhand Ek vasgegryp het om nasies voor hom te verslaan, deur konings te ontwapen om voor hom deure oop te maak, sodat poorte nie vir hom gesluit sal bly nie,

Daniël 2:21

Hy verander tye en tydperke; Hy sit konings af en stel konings aan. Hy gee wysheid aan wyses en kennis aan wie insig het.

Daniël 4:17

Die bevel berus op die beslissing van boodskappers, en die saak is in opdrag van heiliges, met die doel dat lewendes sal erken dat die Allerhoogste mag het oor 'n menslike koninkryk, en dat Hy dit gee aan wie Hy wil. 'n Nederige onder die mense sal Hy daaroor aanstel.”

Daniël 4:32

Hulle gaan jou uitdryf, weg van mense af, en by die diere van die veld sal jou woning wees. Soos vir beeste sal hulle jou gras voer. Sewe tydperke sal oor jou heen gaan, totdat jy erken dat die Allerhoogste magtig is oor 'n menslike koninkryk, en dat Hy dit gee aan wie Hy wil.’ ”

1 Samuel 10:1

Samuel het die fles met olie geneem en dit op Saul se kop uitgegiet. Hy het hom gesoen en vir hom gesê: “Is dit nie so dat die Here jou as leier oor sy erfdeel gesalf het nie?

1 Samuel 2:7

Die Here maak arm en Hy maak ryk; Hy verneder, ook verhoog Hy.

1 Samuel 2:8

Hy laat armes uit die stof opstaan, van die ashoop af hef Hy behoeftiges op om hulle by vooraanstaandes te laat sit en 'n ereplek hulle erfdeel te maak. Ja, aan die Here behoort die fondamente van die aarde, Hy het die wêreld daarop geplaas.