2 Konings 8:12 - Die Bybel 2020-vertaling

¹² Gasael het gevra: “Waarom huil my heer?” Hy het geantwoord: “Omdat ek weet watter kwaad jy die Israeliete gaan aandoen. Hulle versterkte stede sal jy aan die brand steek, hulle jong manne gaan jy met die swaard vermoor, hulle kinders sal jy te pletter slaan en hulle swanger vroue sal jy oopsny. ”

Bybel vir almal

¹² Gasael het gevra: “Hoekom huil jy, Meneer?” En Elisa het gesê: “Ek huil omdat ek weet watter slegte dinge jy aan die mense van Israel sal doen. Jy sal hulle stede verbrand, hulle jongmanne doodmaak, hulle babas stukkend slaan en hulle vroue oopsny wat babas verwag.”

Afrikaans 1933-1953

¹² Toe sê Hásael: Waarom ween my heer? En hy antwoord: Omdat ek weet watter kwaad jy die kinders van Israel sal aandoen; jy sal hulle vestings aan die brand steek en hulle jongmanne met die swaard ombring en hulle jong kinders verpletter en hulle swanger vroue oopsny.

Afrikaans 1983

¹² “Waarom huil u?” het Gasael gevra. Elisa het geantwoord: “Omdat ek weet watter kwaad jy die Israeliete gaan aandoen. Jy sal hulle vestings in vlamme laat opgaan, hulle jongmanne doodmaak, hulle kindertjies verpletter en hulle swanger vrouens oopsny.”

Contemporary Afrikaans Bible 2023

¹² Toe sê Hásael: Waarom ween my heer? En hy antwoord: Omdat Ek weet watter onheil U die kinders van Israel sal aandoen: hulle vestings sal U aan die brand steek, en hulle jongmanne sal U met die swaard doodmaak en hulle kinders verpletter en hulle vroue verskeur het met kind.

Die Boodskap

¹² Gasael het gevra: “Waarom huil u, Meneer?” “Omdat ek weet watter verskriklike dinge jy met die Israeliete gaan doen,” het hy geantwoord. “Ek weet jy gaan hulle vestingstede aan die brand steek, hulle jongmans doodmaak, hulle kinders teen die grond doodslaan en dat jy hulle swanger vroue gaan oopsny.”

2 Konings 8:12 Kruisverwysings

1 Konings 18:13

Is daar nie vir my heer vertel wat ek gedoen het toe Isebel die profete van die Here uitgemoor het nie? Ek het 'n honderd man van die Here se profete weggesteek, vyftig hier en vyftig man daar, in grotte, en hulle van brood en water voorsien.

1 Konings 19:17

Wie aan die swaard van Gasael ontkom – Jehu sal hom doodmaak, en wie aan die swaard van Jehu ontkom – Elisa sal hom doodmaak.

2 Konings 12:17

In dié tyd het Gasael, die koning van Aram, opgetrek, teen Gat oorlog gevoer en dit ingeneem. Toe Gasael hom voorberei om teen Jerusalem op te trek,

2 Konings 12:18

het Jehoas, koning van Juda, al die heilige gawes geneem wat sy voorvaders Josafat, Jehoram en Ahasia, konings van Juda, gewy het, asook sy eie heilige gawes en al die goud wat te vinde was in die skatkamers van die huis van die Here en die koninklike paleis, en dit vir Gasael, koning van Aram, gestuur. Gasael het toe van Jerusalem af weggetrek.

2 Konings 13:22

Gasael, die koning van Aram, het Israel verdruk vir die volle regeringstyd van Joagas.

2 Konings 13:3

Die toorn van die Here het teen Israel ontbrand en Hy het hulle oorgegee in die hand van Gasael, die koning van Aram, en in die hand van Ben-Hadad, die seun van Gasael, gedurende daardie hele tyd.

2 Konings 13:7

Gasael het egter vir Joagas geen manskappe oorgelaat nie, behalwe vyftig perde en tien strydwaens, en tien afdelings voetsoldate. Ja, die koning van Aram het hulle ten gronde laat gaan, hy het hulle gemaak soos stof wat 'n mens vertrap.

2 Konings 15:16

Menahem het in dié tyd Tifsag verwoes met alles wat daarin was, die hele gebied van Tirsa af. Omdat hulle nie vir hom oopgemaak het nie, het hy verwoesting aangerig. Al die swanger vroue het hy oopgesny.

2 Konings 4:28

Sy sê toe: “Het ek 'n seun van u, my heer, gevra? Het ek nie gesê nie, ‘U mag my nie vals hoop gee nie’? ”

Jesaja 13:16

Hulle kinders sal voor hulle oë te pletter geslaan word; hulle huise sal geplunder word, en hulle vroue sal verkrag word.

Jesaja 13:18

Die boogskutters sal jongmanne verpletter. Met die vrug van die moederskoot toon hulle geen meegevoel nie; oor kinders stort hulle nie 'n traan nie.

Hosea 10:14

sal oorlogsrumoer teen jou volk opklink, en al jou versterkte stede sal verwoes word. Soos Salman Bet-Arbel verwoes het op die dag van oorlog – ma's is saam met kinders te pletter geslaan –

Hosea 14:1

Samaria gaan boet, want sy was in opstand teen haar God. Deur die swaard sal hulle val; hulle kinders sal verpletter word, hulle swanger vroue sal oopgesny word.

Amos 1:13

So sê die Here: “Oor drie oortredings van die Ammoniete, ja, oor vier, sal Ek dit nie herroep nie; omdat hulle swanger vroue van Gilead oopgekloof het sodat hulle hulle grondgebied kon uitbrei.

Nahum 3:10

Selfs sy was bestem vir ballingskap; sy moes in gevangenskap gaan. Ook háár kleuters is verbrysel op al die straathoeke. Oor haar edelmanne is geloot, al haar vername mense is met kettings geboei.