2 Konings 7:10 - Die Bybel 2020-vertaling

¹⁰ Hulle gaan toe, roep na die poortwag van die stad en lig hulle in: “Ons het by die Arameërs se kamp gekom, en kyk, daar was niemand nie, nie die geluid van 'n mens nie; slegs vasgemaakte perde en donkies, en tente, net so agtergelaat.”

Bybel vir almal

¹⁰ Hulle kom toe by die poort van die stad en hulle skree vir die wagte: “Ons het in die Arameërs se kamp gekom, en daar was niemand nie. Die perde en donkies is daar vasgemaak, en die tente is ook nog daar.”

Afrikaans 1933-1953

¹⁰ En hulle het gekom en na die poortwagters van die stad geroep en aan hulle berig gebring en gesê: Ons het by die laer van die Arameërs gekom, maar kyk, daar was niemand en geen mens se stem nie, maar net vasgemaakte perde en vasgemaakte esels en tente net soos dit was.

Afrikaans 1983

¹⁰ Hulle het by die stad aangekom en na die wagte geroep en vir hulle vertel: “Toe ons by die kamp van die Arameërs gekom het, was daar niemand te sien of te hoor nie. Daar was net vasgemaakte perde en donkies, en die tente net soos hulle gelos is.”

Contemporary Afrikaans Bible 2023

¹⁰ Hulle het toe gekom en die portier van die stad geroep, en hulle het hulle meegedeel en gesê: Ons het by die laer van die Arameërs gekom, en kyk, daar was niemand daar nie, ook geen stem van 'n mens nie, maar vasgemaakte perde en vasgemaakte esels, en die tente soos hulle was.

Die Boodskap

¹⁰ Hulle is toe terug stad toe. Hulle het die stad se poortwagters geroep en vertel wat in die vyand se kamp gebeur het. Hulle het gesê: “Toe ons by die Arameërs se kamp kom, was daar geen mens in sig nie. Daar was net perde en donkies wat vasgemaak was en die tente wat daar staan.”

Nuwe Lewende Vertaling

¹⁰ Hulle gaan toe na die stad, roep na die poortwagters en vertel hulle wat gebeur het: “Toe ons by die Arameërs se kamp kom, ontdek ons daar was nie ’n mens te sien of te hoor nie. Daar was net perde en donkies wat vasgemaak was en die tente het almal nog net so daar gestaan.”

2 Konings 7:10 Kruisverwysings

2 Samuel 18:26

sien die wag 'n ander man wat hardloop. Die wag roep toe na die poortwag en sê: “Daar is sowaar nog 'n man wat alleen hardloop!” Toe sê die koning: “Ook hy bring nuus.”

2 Konings 7:11

Die poortwagte roep dit toe uit en maak dit in die koninklike paleis bekend.

2 Konings 7:9

Maar toe sê hulle vir mekaar: “Dit is nie reg wat ons doen nie. Hierdie dag is 'n dag van goeie nuus en ons hou dit stil. As ons wag tot daglig, sal ons skuldig staan. Kom ons gaan dan nou en bring die nuus aan die koninklike paleis.”

1 Kronieke 15:18

en saam met hulle was hulle stamgenote wat tweede in rang was, die poortwagte Sagaria, Ben, Jaäsiël, Semiramot, Jegiël, Unni, Eliab, Benaja, Maäseja, Mattitja, Elifele, Mikneja, Obed-Edom, en Jeïel.

1 Kronieke 16:38

Obed-Edom en sy agt-en-sestig stamgenote, asook Obed-Edom, seun van Jedoetoen, en Gosa was daar as deurwagte.

2 Kronieke 23:19

Jojada het die poortwagte laat aantree by die poorte van die huis van die Here, sodat niemand wat in enige opsig •onrein was, kon ingaan nie.

Psalms 127:1

'n •Pelgrimslied. Van Salomo. As die Here die huis nie bou nie, swoeg die bouers tevergeefs daaraan. As die Here oor die stad nie wag hou nie, bly die wagte tevergeefs wakker.