2 Konings 2:10 - Die Bybel 2020-vertaling

¹⁰ Daarop sê Elia: “Jy vra iets wat moeilik is. As jy my sien terwyl ek van jou af weggeneem word, mag dit dan vir jou so wees; maar indien nie, sal dit nie gebeur nie.”

Bybel vir almal

¹⁰ Toe sê Elia: “Dit is 'n moeilike ding wat jy gevra het. As jy my sien wanneer die Here my wegneem, dan sal jy dit kry, maar as jy my nie sien nie, dan sal jy dit nie kry nie.”

Afrikaans 1933-1953

¹⁰ En hy sê: Jy het 'n harde saak begeer. As jy my sien wanneer ek van jou af weggeneem word, laat dit dan so met jou wees. Maar so nie, dan sal dit nie wees nie.

Afrikaans 1983

¹⁰ Toe sê Elia: “Dis 'n moeilike ding wat jy vra. As jy my sien wanneer ek van jou af weggevat word, mag dit dan met jou gebeur; maar as jy my nie sien nie, sal dit nie gebeur nie.”

Contemporary Afrikaans Bible 2023

¹⁰ En hy sê: Jy het iets moeiliks gevra; maar as jy my sien as ek van jou weggeneem word, sal dit met jou so wees; maar so nie, sal dit nie so wees nie.

Die Boodskap

¹⁰ Elia sê toe: “Jy het iets moeiliks gevra. As jy my kan sien wanneer ek van jou af weggaan, sal dit gebeur. Maar as jy my nie kan sien nie, sal dit nie gebeur nie.”

Nuwe Lewende Vertaling

¹⁰ “Jy vra my ’n moeilike saak,” antwoord Elia. “As jy sien hoe ek van jou af weggeneem word, sal jy dit ontvang. As jy my nie sien nie, sal dit nie gebeur nie.”

2 Konings 2:10 Kruisverwysings

Genesis 5:24

Henog het naby God geleef, en hy was nie meer daar nie, want God het hom weggeneem.

2 Konings 2:12

Elisa het dit sien gebeur en het bly uitroep: “My vader, my vader, strydwa van Israel en sy perde!” Toe hy hom nie meer kon sien nie, het hy sy klere vasgegryp en in twee geskeur.

Johannes 16:24

Tot nou toe het julle niks in my Naam gevra nie. Vra, en julle sal ontvang, sodat julle blydskap volkome kan wees. ”