2 Konings 16:9 - Die Bybel 2020-vertaling

⁹ Die koning van Assirië het toe aan sy versoek voldoen. Die koning van Assirië het teen Damaskus opgetrek en dit verower. Die stad se inwoners het hy weggevoer na Kir, en Resin het hy doodgemaak.

Bybel vir almal

⁹ Die koning van Assirië het gedoen wat Agas gevra het. Hy het die stad Damaskus aangeval en gevat. Hy het die mense van die stad gevang en weggevat na die land Kir en hy het vir Resin doodgemaak.

Afrikaans 1933-1953

⁹ En die koning van Assirië het na hom geluister, en die koning van Assirië het teen Damaskus opgetrek en dit verower en hulle in ballingskap weggevoer na Kir en Resin gedood.

Afrikaans 1983

⁹ Die koning van Assirië het aan sy versoek voldoen en teen Damaskus opgetrek. Hy het die stad verower en die bevolking na Kir toe weggevoer; vir Resin het hy doodgemaak.

Contemporary Afrikaans Bible 2023

⁹ En die koning van Assirië het na hom geluister, want die koning van Assirië het teen Damaskus opgetrek en dit ingeneem en sy mense in ballingskap na Kir weggevoer en Resin gedood.

Die Boodskap

⁹ Tiglat-Pileser het besluit om Agas te help. Hy het die Aramese hoofstad Damaskus aangeval en die inwoners na Kir weggevoer. Hy het ook vir koning Resin doodgemaak.

Nuwe Lewende Vertaling

⁹ Die koning van Assirië het toe so gemaak en teen Damaskus, hoofstad van die Arameërs, opgetrek en dit ingeneem. Hy het die inwoners as gevangenes weggeneem en hulle in Kir hervestig. Hy het ook koning Resin doodgemaak.

2 Konings 16:9 Kruisverwysings

2 Kronieke 16:4

Ben-Hadad het gehoor gegee aan koning Asa en die •aanvoerders van sy krygsmag na die dorpe van Israel gestuur. Hulle het Ijon, Dan en Abel-Majim aangeval, en ook al die voorraadstede van Naftali.

2 Kronieke 28:21

Alhoewel Agas die huis van die Here, die koninklike paleis en die huise van die •hoë amptenare gestroop en dit vir die koning van Assirië gegee het, het dit hom niks gehelp nie.

2 Kronieke 28:5

Die Here sy God het hom toe oorgegee in die hand van die koning van Aram. Hulle het hom verslaan, en 'n groot aantal van hulle as gevangenes weggevoer en na Damaskus geneem. Ook in die hand van die koning van Israel is hy oorgegee, en dié het hom 'n groot nederlaag toegedien.

Jesaja 10:9

Is Kalno nie soos Karkemis, en Hamat soos Arpad of Samaria soos Damaskus nie?

Jesaja 17:1

Profesie oor Damaskus. “Kyk, Damaskus gaan ophou om 'n stad te wees, dit gaan 'n vervalle puinhoop word.

Jesaja 22:6

Elam het pylkokers opgeneem – met 'n troepemag, met perde. Kir ontbloot skilde.

Jesaja 37:18

Dit is inderdaad so, Here, dat die konings van Assirië al die nasies en hulle lande verwoes

Jesaja 7:16

Ja, nog voordat die kind sal weet om die kwaad te verwerp en die goeie te kies, sal die grondgebied van die twee konings oor wie jy verskrik is, verlate lê.

Jesaja 9:10

Die Here het die vyande van Resin se mag teen hom verhoog en sy vyande aangehits –

Jesaja 9:11

Aram uit die ooste en die Filistyne uit die weste. Hulle het Israel gulsig verslind. Ondanks dit alles het sy toorn nie bedaar nie, en bly sy hand steeds uitgestrek.

Amos 9:7

“Israeliete, is julle nie maar vir My soos die Kussiete nie?” is die uitspraak van die Here. “Het Ek nie Israel uit Egipteland laat optrek en die Filistyne uit Kaftor en die Arameërs uit Kir nie?”