2 Konings 16:8 - Die Bybel 2020-vertaling

⁸ Agas het die silwer en goud wat te vinde was in die huis van die Here en in die skatkamers van die koninklike paleis, geneem en as 'n geskenk aan die koning van Assirië gestuur.

Bybel vir almal

⁸ Agas het die silwer en die goud gevat wat hy in die tempel kon kry, en hy het vir die koning van Assirië 'n present gestuur.

Afrikaans 1933-1953

⁸ Tegelykertyd neem Agas die silwer en die goud wat te vinde was in die huis van die Here en in die skatkamers van die huis van die koning en stuur dit as 'n geskenk aan die koning van Assirië.

Afrikaans 1983

⁸ Agas het die silwer en die goud wat in die huis van die Here en in die skatkamers van die paleis was, gevat en as geskenk aan die koning van Assirië gestuur.

Contemporary Afrikaans Bible 2023

⁸ En Agas het die silwer en goud geneem wat in die huis van die HERE en in die skatte van die huis van die koning te vinde was, en dit as geskenk aan die koning van Assirië gestuur.

Die Boodskap

⁸ Agas het die silwer en goud wat oor was in die Here se tempel en die stoorkamers van die paleis bymekaargemaak en dit as ’n geskenk aan die Assiriese koning gestuur.

2 Konings 16:8 Kruisverwysings

2 Konings 12:19

Die verdere geskiedenis van Jehoas en alles wat hy gedoen het, is dit nie opgeteken in die boekrol met die kronieke van die konings van Juda nie?

2 Konings 15:19

Pul, die koning van Assirië, het die land binnegeval. Menahem het aan Pul duisend kikkar silwer gegee, sodat hy hom sou ondersteun om sy beheer oor die koningskap te versterk.

2 Konings 17:3

Dit is hy teen wie Salmaneser, die koning van Assirië, opgetrek het. Hosea het sy onderdaan geword en was aan hom skatpligtig.

2 Kronieke 16:2

Asa neem toe silwer en goud uit die skatkamers van die huis van die Here en die koninklike paleis, en stuur dit na Ben-Hadad, koning van Aram, wat sy setel in Damaskus gehad het, met dié woorde:

Jesaja 2:6

Ja, U het u volk, die huis van Jakob, verlaat omdat daar soveel voorspellers uit die Ooste by hulle is, en soveel mense wat voortekens lees soos by die Filistyne; en van die nageslag van vreemdes het hulle 'n oorvloed.

Jesaja 7:17

Die Here sal egter dae soos daar nie was sedert die tyd toe Efraim van Juda weggebreek het nie, laat aanbreek oor jou, jou volk en jou familie: die koning van Assirië!

Miga 1:14

Daarom moet jy afskeidsgeskenke gee aan Morêset-Gat. Die huise by Agsib sal 'n droë fontein vir die konings van Israel wees.