1 Samuel 8:14 - Die Bybel 2020-vertaling

¹⁴ Julle beste landerye, wingerde en olyfboorde sal hy vat en aan sy amptenare gee.

Bybel vir almal

¹⁴ Hy sal julle beste lande en wingerde en olyfboorde vat en hy sal dit vir sy amptenare gee.

Afrikaans 1933-1953

¹⁴ En van julle lande en julle wingerde en julle olyfboorde sal hy die beste neem en aan sy dienaars gee.

Afrikaans 1983

¹⁴ julle beste lande, wingerde en olyfboorde sal hy vat en aan sy amptenare gee;

Contemporary Afrikaans Bible 2023

¹⁴ En hy sal julle lande en julle wingerde en julle olyfbome neem, die beste daarvan, en dit aan sy dienaars gee.

Die Boodskap

¹⁴ Hy sal julle beste landerye, wingerde en olyfboorde vat en dit vir sy amptenare gee.

Nuwe Lewende Vertaling

¹⁴ Hy sal die beste landerye, wingerde en olyfboorde vir hom vat en aan sy amptenare gee.

1 Samuel 8:14 Kruisverwysings

1 Konings 21:19

Sê dan vir hom, ‘So sê die Here: “Het jy moord gepleeg en ook nog erfgoed in besit geneem?” ’ Sê verder vir hom, ‘So sê die Here: “Op die plek waar die honde Nabot se bloed opgelek het, sal die honde ook jóú bloed oplek.” ’ ”

1 Konings 21:2

Agab praat toe met Nabot en sê: “Gee vir my jou wingerd, sodat dit my groentetuin kan word, want dit is reg langs my paleis. Ek sal vir jou in die plek daarvan 'n wingerd gee wat beter is as dié een. Of, as jy dit verkies, sal ek vir jou die prys daarvoor in silwer betaal.”

1 Konings 21:7

Daarop sê sy vrou Isebel vir hom: “Jy is tog nou die een wat heerskappy voer oor Israel! Staan op, eet iets en laat jou hart vrolik wees. Ék sal vir jou die wingerd van Nabot, die man van Jisreël, gee.”

Esegiël 46:18

Die leier mag nie van die volk se erfdeel vat om hulle so uit hulle erfgrond te verdring nie; van sy eie erfgrond moet hy aan sy seuns nalaat, sodat my volk nie verstrooi raak, elkeen weg van sy erfgrond nie.” ’ ”

1 Samuel 22:7

Saul sê toe vir sy amptenare wat by hom staan: “Luister, Benjaminiete! Gaan die seun van Isai ook vir julle almal landerye en wingerde gee, julle almal aanstel as aanvoerders van duisend en aanvoerders van honderd?

1 Samuel 8:13

Julle dogters sal hy vat as salfmengers en as kokke en bakkers.

1 Samuel 8:15

Van julle graanoes en wingerdoes sal hy 'n tiende vat en vir sy paleisamptenare en dienaars gee.