1 Samuel 6:18 - Die Bybel 2020-vertaling

¹⁸ Die goue muise stem ooreen met die getal van al die Filistynse stede wat aan die vyf heersers behoort, die versterkte stede saam met die nedersettings. As 'n getuienis is die groot klip waarop die ark van die Here tot rus gekom het, tot vandag toe nog daar in die land van Josua, die man van Bet-Semes.

Bybel vir almal

¹⁸ Die Filistyne het ook 'n goue muis gestuur vir elke stad waaroor die vyf leiers regeer het, die stede wat sterk mure het en ook die klein stadjies in die land. Die groot klip waarop die Leviete die kis van die Here neergesit het, is nou nog op die grond van Josua van Bet-Semes.

Afrikaans 1933-1953

¹⁸ En die goue muise was volgens die getal van al die stede van die Filistyne wat aan die vyf vorste behoort het, van die versterkte stede sowel as van die onbemuurde dorpe. En die groot klip waar hulle die ark van die Here op neergesit het, is tot vandag toe getuie op die stuk land van Josua, van Bet-Semes.

Afrikaans 1983

¹⁸ Die goue afbeeldings van die muise was vir die versterkte en onversterkte stede van die vyf Filistynse regeerders. Die groot klip waarop hulle die ark van die Here neergesit het, staan tot vandag toe as getuienis op die grond van Josua van Bet-Semes.

Contemporary Afrikaans Bible 2023

¹⁸ En die goue muise, volgens die getal van al die stede van die Filistyne wat aan die vyf vorste behoort het, beide van omheinde stede en van die plattelandse dorpies, tot by die groot klip van Abel, waarop hulle die ark van die HERE neergesit het en watter klip bly tot vandag toe oor op die stuk grond van Josua, die Bet-Semiet.

Die Boodskap

¹⁸ Die goue rotte is weer gegee in die plek van al die Filistynse dorpe waaroor die vyf regeerders beheer gehad het, die groot dorpe met mure om en ook die kleiner dorpies sonder mure. Die klipplaat waarop hulle die ark van die Here neergesit het, is vandag nog daar op die stuk grond van Josua van Bet-Semes.

Nuwe Lewende Vertaling

¹⁸ Die goue muise het die vyf Filistynse stede en die omliggende dorpe waar die vyf heersers gesag uitgeoefen het, verteenwoordig. Die groot rots by Bet-Semes waarop hulle die ark van die Here neergesit het, is vandag nog te sien in die landerye van Josua as ’n herinnering aan wat daar gebeur het.

1 Samuel 6:18 Kruisverwysings

Deuteronomium 3:5

Dit was alles versterkte stede met hoë mure, poortdeure en sluitbalke. Dit is afgesien van die groot aantal nedersettings wat ons ingeneem het.

Josua 13:3

van die Sigor af wat langs Egipte lê, noordwaarts tot by die gebied van Ekron. Dit word as Kanaänitiese gebied gereken, naamlik die gebied van die vyf Filistynse regeerders van Gasa, Asdod, Askelon, Gat, en Ekron, en van die Awwiete.

1 Samuel 6:4

Die Filistyne vra toe: “Wat is die skadevergoeding wat ons vir Hom moet terugstuur?” Hulle antwoord was: “In ooreenstemming met die getal Filistynse heersers, vyf swelsels van goud en vyf muise van goud, want een en dieselfde plaag het julle almal en ook al julle regeerders getref.